[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
وسط روض القلب وفلوقه=ارتفـع مبنـاك وابراجـه
واختلـط ورده وزملوقـه=في رفوف القلب وادراجـه
منزلـن ماجـاه مخلوقـه=وغير عينك فيـه ماداجـه
ولامشى الدلال في سوقـه=رافضن رجواه واحراجـه
المحبـه فيـه مطبـوقـه=هايجن ماتركـد امواجـه
ياغزالـن زان منطـوقـه=ولا بدت بالهرج مغناجـه
والرموش الدعج به لوقـه=لو ظهر ما حـط مكياجـه
شف خفوقي ذاب من شوقه=وانت طب القلب وعلاجـه
بسمتي من غبت مسروقه=والعذارى عفـت منهاجـه
ودمعتي بالليـل مدفوقـه=منتظر مـولاي وافراجـه
الضمايـر بانـت فتوقـه=من غديت امشي بلا حاجه
والظلوع العوج مطروقـه=في ستار الصدر منعاجـه
ان بغيت العشق وحقوقـه=خل وجهك يضحك احجاجه
ولايجيني من يـدك بوقـه=ياغرام الـروح وسهاجـه
والله ان الروح محروقـه=لو مشيت بوسط قرطاجـه
صارت البيبـان مغلوقـه=في خفوقن بـان مزلاجـه
من يشوفك ذاب في ذوقـه=وقام ينشد وين مخراجـه
ويل من نـارك بمعلوقـه=تنطفـي دنيـاه وسراجـه [/poem]
