[align=center].
.
رمزيّه .. وربما هي غامضه ..وذلك لا يعني أنها جميله ..
من سيمّر من هنا ..هي له .. والصدر مكانه ..
.
وبقي لكم عندي واحده .. ستأتي .. تبعاً ..
roooose
.
.
.
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
خيوط الفجرْ بانت و انت ( صايم..! ) و الظلام إمساك=و اخايل ضحكة ٍ في وسط [ ثغرك] يالله الخيره..
تصكْ الباب [ عتمات] النهار و ينكسر شباك..=و يشقّ الحزن ثقب ٍ فالصدر و تشكّني .. حيره ..
و أحاول انتزع قلبي و أشوفه بالمواجع شاك..=حزن / ضيق / و مواجع / و أختصر لك ( ملّعن صيره.. )
تبي ابدا..؟ [ تعال ] / وحاجتي يا [ ناقش الأشواك ]..=مواجع [ بالريال ] / و ضيقة ٍ [بالفلس]/ والـليره..
و [دنانير العفاف] .. [يشوخفه] / ( دولار بالإشراك )..=جرايم بالـ[دراهم] و الـ[مراهم] مابها غيره..
حزن من طاح رجل ٍ / كان [يمْذَع] في وهن تِنباك..= حزن من طاحت أشناب على مطيره /على منيره..
تبي احكي بعد و إلا اغيّر..؟/ صاحبي وش جاك!؟= خلاص آسف/ عشانك صاحبي بأفضها سيره..
أنا آسف.. نسيتك/ و المواجع زوّعتْ بي هناك..=و هناك اصلاً اعيش و صاحبك تكثر مشاويره..
أكمّل لك..؟/ أنا أوجاعي كثيره و انت مع شرواك..=تعلّ الجرح و تثيره زمان و ترجع تثيره..
هنا أجناس / ناس و كنّها من مُختلف أفلاك..=صغار عقول / لكن جسمها ما تقدر تديره..
حريم رجال/ ورجال ٍ حريم/ و طقّة الأحناك..=غدت آفة مجالس تنتقل من ديره لديره..
تمد الخير باليمنى لــ أجل ما تعرفه يسراك..=و يعضّون البشر يسراك ! عساها تكون تطهيره..
غلطت..؟ آسف / (سكتنا) بآتنفس شمّتين [ أرآك]=و بأحكي لك عن الورده/ و بستانه و أزاهيره..
[/poem]
.
.
.
.
.
.
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ترى كل الفراغ اللي تركته فوق استناك..=عشان ابعد عن جروحي ../ اذا تحتاج تبريره..
وهذيك إن مر له طاري أحس بروعة الإرباك..=كأني شخص عادي بالخفا يعشق له [ أميره ..]..
شعور أغرب من الدمعه بعين اللي فصدره حاك=على سطح الحرم ذنب ٍ قديم و قال تكبيره..
يشوف الكعبه بعينه وتذرف دمعته إنهاك..=و يرفع للولي كفه يقول/ ذنوبي كثيره..
شعور اغرب من الرهبه بعين اللي يشوف املاك=خلقها الله سبحانه / و يتفكر بتدبيره..
هذيك إن مر طاريها قسم بالله تفتح [ فاك ]= و أنا مابي أوصّفها لأني أحترق غيره..
دخيلك خلها داخل خفوقي و لا تصلْ رشاك..=و تلْ الدلو / و اتركها طهر لـ ( المي) ولــ ( بِيرَه.. )
.... و انا ماعرف غزل لكن أحس ان القصيد أنهاك..= و اذا ودك بأقفلها كذا / و اصك تحريره..؟
خلاص ابشر / ولكن انتبه يا..[ ناقش الأشواك ]..=ترفق ! و إن عجزت [ ابرك ] أنا بأفضها سيره..
ردون الليل بانت و انت صايم!؟ اترك الإمساك= هنا إفطارْ صايم !! ..من ..وجع / ياربي الخيره !![/poem]
.
.
عذراً لكثرة تواجدي .. rooose2
[سلطان] [/align]
