بسم الله الرحمن الرحيم
اعترف
اني في مسابقة شاعر المضايف سرقت فكرة قصيدتي !!!!!
سرقتها من شاعر اسمه (مستر كشخه)<<<<سرقت روحي
نعم
فكرة قصيدة شاعر المليون هي من قصيده سابقه لي وهذه القصيده اسمها "فرغلي"
حبيت اعترفلكم قبل نهاية المسابقه
وحبيت ايضا ان اطرح بين ايديكم قصيدة فرغلي
................................................................................ ........................
فرغلي هو عامل في مقهى ابو هيثم
اتجهت كعادتي للمقهى فوجدت صديقي فرغلي متجهم الوجه
بادرني قبل ان ابدي السلام
(شفت ابن الذيب بيئول ايه)
كاتب قصيده بشاعر المليون
والمصيبه كاتبها بواحد بنقالي
ياخراااااااااااااااابي هو مفيش عرب والا ايه
ضحكت كثرا
قلت يعني قاهرك عشانه كاتب ببنقالي...وانت منت لاقي اللي يكتب فيك
قال آآآآآآآآآآه
قلت ولا يهمك ياباشا
فقلت له
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياسلام الله عدد وبلٍ هما = وعد ماينشا من القبله غيوم
وعد مابين البسيطه والسما = من فراغ ومن نسيم ومن نجوم
(يالفراعن) يامصبغة السما = ياملهلمت السوالف والسلوم
فرغلي..ماكنت عمده قبل ما = جالنا يومٍ عقب ماحشت يوم
كنت..والا اليوم يامال الصمى = طبله وخصر وصخب وارباب نوم
منك يالهوي ومن عذب اللما = ياخراب اللي تولاه السهوم
فرغلي...والكون غطاه العما = والجماعه طير واضداده رخوم
طير "للمليار ريشه" انما = كل ريشه تسقي الريشه سموم
فرغلي شف طيرنا طار وسما = وهدد الصيده وعيا لايقوم
طيرحرٍ صاد مخلابه وما = صاد غير الحلم ياكثر الحلوم
مثل ن يبني قصوره فوق ما = مادرى بالطوب مايقدر يعوم
او مثل مسك الهبايب..اوكما = من لبس غتره وهو عاري هدوم
طيرنا هاب الوليشه وارتما = وسط حضنٍ يحسبه هش ورحوم
مادرابه "غول" حكاك الجما = مبتكر علم "التحزب والخصوم"
فلسفه في باب تطشير الدما = زندقه في من باب تفريق القروم
دس خفاشٍ (تعمعم) واحتما = في سوادٍ صار لاحفاده وسوم
فرغلي..ياصاح علمني لما = ليه طير الضاد عيا لايحوم
بين ليش وبين ليت وربما = ضاع فكرن مايثرثر بالعلوم
طاح طير الحر من خوف الوما = ليت طيرك عقب طيحاته يزوم
شايبٍ ينده غلامه يانما = هات بركانٍ تصالا له حموم
وياخذ ادوار البطوله بعد ما = يستسيف الريش ويهب السموم
ياعشيري والله انه قل ما = يكفخ الجنحان طيرٍ ذاق يوم
لكن الله فوق .. لو عبده ضمى = يستغيم الجو .. وتفوع الجموم
وانت ياشيخ الفراعن ربما = تصبح اسطا ... كان صبغت الغيوم[/poem]
وسلامتكم
* مصبغة الغيوم > > دايم فرغلي يقوم "احنا لو عاوزين نصبغ السما بويه ونقلب البحر طحينه"
