أين يقع الصمــــــــــان؟؟؟؟
سلام
كيف الحال ؟؟؟؟
انشالله انكم بخير
يوم جيت ابي انام وانا اعجز ... اتقلب.. اتقلب .. مار مابوه فايده
شوين الا واحد يصوت : ياخوي للحين مانمت؟؟؟ انت ماوراك دراسه المغرب؟؟؟ ودوامك اخر ليل؟؟؟ انت ماتفهم؟؟؟؟؟
الحين هذا شلون أرد عليه أتلفت حولي يمار أنا لحالي على السرير طيب يالاخو وش تبي ؟؟؟ شوي الا يقول انت ماتفهم ولا بك طب نم لا أترفس ببطنك ولا تدري لاتنام أصلا مايفيد النوم خلك قاعد لما تفطس من قل الراحه.
ما أمداني اتنفس الا والثاني يصوت : يابو الشباب انت وش مسوي؟؟؟ ( ماسويت شي :) ..... قسم قسمات كثيرات اني ماسويت شي )
وهو يقول : يابن الحلال انت ذابحن عميرك على قل السنع هالحين يومنك تطارد ورا هالجامعه زعمنك تبي تصير خريج مهندس :) ( مدري طبيب جراح ) ومعنط بهالوظيفه انت ليه ماتترك حداهن وتكمل بالاخري؟؟؟؟
لا حـــــــــــــــول هذا وش يبي بعد؟؟؟ :g:
شوي الا والثالث مجاوب لا ويضحك بعد من زين هالوجه يضحك على ويقول : يابو الشباب انت مغير زيت السياره والا لا ترى وراك مشوار الدمام. :232r:
شوي الا واحد اّخر : وش معجلك على النومه كله نص ساعه ويذن المذن ثمن تصلي الفجر وبقريح بعدين تنام والا تلعب كوره :148r:
---------------------------------------------------------------------------------------------------
كل هذي مقدمات بالله مايمرون عليكم هاللي يلحسون المخ كلن لوه رأي وكلن صح وتاليته أنت المتوهق :(
ياجماعة الخير ابي يوم انام بدون الجماعه مايسيرون علي :g: عجزت عاد تذكرت موقف صار لي ( اجل صار لرئيس الصين ) الوكاد مالكم بالطويله ( القصيره حلوه خصوصا لاصارت شقرا ) اصـــــــــــــ فضحتنا وش هالسوالف بعدين يعرفون توجهاتك السياسيه خخخخخخخ
يوم من الساعات وحنا نطلع للبر شلة منا كثرنا ماشالله ...... مجموعتن طيبه ...... عددن زوين ....... صحبتن تنشرا بذهب اكا الخويا .....
الوكاد وحنا نمسك خط الصمان يمار فيه ناس غيرنا ماسكينه وحنا نسحب وهم يسحبون وحنا نشد وهم يشدون وحنا نجر وهم يجرون :116r: لما انقطع الخط يوم انقطع وهي تجمع خلق الله كلن يسأل من اللي قطعوه الله يقطع روسهم عاد حنا نبي الفكه ومانبي المطالبات وهو يجي واحد من الشباب اللي هو أفهمنا وهو يقول لهم يالربع حنا قطعنا هالخط والحين ماتقوون تمشون عليه بس حنا عندنا حل وش رايكم نعطيكم خط الجبيل الدمام السريع؟؟؟؟
وهم يترفسونه لما غدا تسنوه مطبه مقطعه ( اللي هي مطبات صغار ورا بعض يمنك مشيت عليهن تقول السياره ترترترترترترترترتر ) :disguise2 <<<< هذا واشكاله اللي يحطونهن بالخطوط..
الحين يومنك تعطينا هالخط اللي كلوه تحويلات وش تبينا نعمل بوه ؟؟؟ :ranting:
قال والله هذا اللي أمون عليه . قالوا له : الفقه وغديك تسلم على عمرك وانت ماشيه .
وحنا نبلش اللي مايبون حل كود نرجع خطهم مثل الاول والا الحكومه تدخل!!! عاد انا وشلتي كلنا مسالمين الحكومه يعرفوننا من كثر مانسير نتقهوا عندهم من زود الميانه لذلك أبينا ولم نشأ أن نخليهم يوصلون سالفتنا لخويانا ... :257r: ... ذالين نتفشل. :)
وش تسوي ياكنبيوتر عشان تفك خوياك؟؟؟ وش تسوي؟؟؟
وهي تخطر على بالي سالفه ......
هذا يومني كنت بالجيش عسكري ( اجل سكورتي؟؟؟ ) كنا مشاركين بحرب تحرير انجلترا من الاحتلال الهندي عاد خبركم الانجليز انا وياهم ربع ورفاقه وانا افزع لهم بسريتي المكونه من سطعش دباب ابو اربع كفرات الوكاد ما ودي اطول السالفه عليكم حصل لنا مالم يكن بالحسبان ....
وش تتوقعون صار؟؟؟؟ كنا بالجبهه ( مقدمة ساحة المعركه وليست مقدمة ساحة الصلعه ) المهم وهو يجينا جسر وهم يفجرونه ابو هناد ببعض الكاري وحنا نتوهق لأنه انقطع علينا الامداد مدري انفطعنا عن ربعنا اللي ورا ( بالخطوط الخلفيه ) عاد انا رمعت لي رمعه
وانا اقول ( الخيـــــــــــــــــــــــــــــــــشه ) :172r:
قلته بصوت عالي وكلي حماس قالوا وش خشته؟؟؟
قلت مو الخشه ياملا الزناد اللي يطق بخششكم الخيشه الخيشه قالوا طيب وش سالفت الخيشه؟؟؟
طبعا انا بفطنتي ويذكائي الحاد والمعهود اعلم ان ربيعي مايفهمون ودلوخ والا وش لون انا اصير اّمر على السريه... :315r:
قلت يالله نعبي الخياش رمل ونحطهن مكان الجسر لما نعبي الوادي رمل ونعدي بدباباتنا..... الوكاد مالكم بالطويله صارت سوالف وعلوم بهالحرب بس أخليهن بعدين ......
وانا اصيح : الخيـــــــــــــــــــــــــــــــشه الخيــــــــــــــــــــشه يمار واحد من عيال عمي متزهب لي ببقس على صابري ( طططططططررررررررررررراااااااااااااااااااا اااااااااخخخخخخخخخخخخخ) :201r:
وانا اصيح : وش بلاك عما ؟؟؟؟ قال الحين حنا بالشين بهالخط والعالم يبون الصمان بهالربيع وانت تصايح تسنك مهبول !! وش خيشته اللي تصايح به؟؟؟؟
قلت ابد سلامتك نسيتن انت وهالبقس ..... قال اجل لا أسمعك تحتسي
وانا اروح ابي اجلس بالسياره وانا ماشي وامر من فوق الخط اللي قطعناه وانا اطيح وعينك ماتشوف الا النور شوي الا انا بنص غرفة النوم والسرير فاضي
وانا اقوم أغسل وجهي وافرك ضروسي ( للاسف السنون مكسره مالي الا الضروس ) :508r:
وانا اتعوذ من بليس وارجع احط راسي واكمل نومتي
لا قعدت اكمل الموضوع :)
سلام
