[poem=font="Simplified Arabic,5,burlywood,bold,normal" bkcolor="white" bkimage="backgrounds/10.gif" border="none,medium,gray" type=4 line=0 align=center use=ex num="0,black"]
تغيّر الدستـور ياراعـي الحـوم=ياحر شف فوقك تحوم الحمامـه
قم يالسنافي خلها تجلس رخـوم=بنقالي الحـاره زعيـم الامامـه
باقي تغشّـوا يامسميـن وقـروم=وعلى المراكي اقلطـي يانعامـه
صارت قديمه سالفة عرف وسلوم=والابيض المعروف صاير جهامـه
العود هز الراس بأوكـي معلـوم=وبن الشيوخ الهاي صارت سلامه
رجال عليهم وقف الرخص بالسوم=وبو العصا المملوك زحّف عمامه
نفز ياحضـروا هـذولاك ونقـوم=بيّد الزمن يلعب بنا لعـب دامـه
الخادم اصبح بالنهايـات مخـدوم=والشيخ راع مناقصـات القمامـه
عبدالكــريم امن الدلع صار كروم=والبنت يمكن اخر الليل زامـــه
بمجالس فلوس النواميس ملطـوم=رجلٍ علومـه ماتثمـن شهامـه
شوري عليك انك تحطين فطـوم=حدٍ لأساطير الخـرف والقوامـه
الكايده ماهي حلى طعـم حلقـوم=لاتصدقيـن المسخـره والدرامـه
والله غنيمه ياحصل بالدجى نـوم=وماكل اسامه فيه خصلة اسامـه
أخاف تلحقني العذاريـب واللـوم=ان مانصفت القاف قبل ارتطامـه
فيني وفيه من العنا حفنة همـوم=وحزني يتجدد مع بدايـات عامـه
صحيح واجد بالسما لمعة نجـوم=لكن لها بالنـور راعـي علامـه
اظن واجب نطحة القـوم بالقـوم=والسيف ياصاحن تلاشى صيامـه
وياخيبته ياصار به حضرة البوم=عزيله الماخوذ عجل انخدامــه
ان كان حاضرها عويدات وجروم=امقابـل الكايـد يجيـب الندامـه
فلاح السعد[/poem]
