ارحم دموعٍ جاريه لام بدهان= في كل ساعه تشرب المر بصحون
[poem=font="Simplified Arabic,4,black,bold,normal" bkcolor="transparent" bkimage="backgrounds/7.gif" border="none,medium,gray" type=4 line=0 align=center use=ex num="0,black"]
بديت باسم اللي فرض خمس الاركان=اللي فرض شرعٍ من الدين مسنون
ومن بعدها نهدي سلاماً لقبلان=نسل الرجال اللي تنزه عن الدون
المعدن الصافي طويلين الايمان=انتم ذهب دراً من الماس مكنون
عندي يقين انك على الطيب شفقان=من لابةٍ بالضيف دايم يحيون
في حلبة الناقه للاجواد برهان=يوم الردي غطا عن الضيف ماعون
ونعم بكم لامن غشى الكون دخان=تردون حوض الموت لادخن الكون
اسألك باللي عالمٍ كل ماكان=باسط شعاع النور في مظلم الكون
محي العظام اللي بلت عبر الازمان=اللي سمع بالليل تسبيح ذا النون
ثم نتوجه بابو متعب وسلطان=وفي جاه نايف نطلبك فك مرهون
وفي جاه اخوهم راعي الخير سلمان=ننخاك ياقبلان باطلاق مسجون
تنخاك شمر مع عنوزٍ وعتبان=ومطير معهم حرب ياشيخ ينخون
وتنخاك يام وبني مره وقحطان=وبني عطيه مع بلي يستحثون
ومعهم جهينه والهواجر وعجمان=ورويل تنخا والدواسر ينادون
ومعهم بن خالد وغامد وسبعان=وسهول معهم والعوازم يردون
وبني صخر واللي سكن دون حوران= ومعهم حويطاتٍ بالارواح يفدون
والاسمري والاحمري واهل جيزان= والمالكي لاحسان شرواك ممنون
واشراف بيت الله يريدون الاحسان=نسل الرسول ايمانهم لك يمدون
وبالقرن تنخا مع بقومٍ وظفران= وتميم قالوا طيب قبلان مضمون
وبني رشيد وبني عمك وزهران=وبني شهر وفضول وسليم يدعون
وقريش معهم جوك يمشون شهران=وعسير مع شمران للفضل يبغون
والمالكي والشيخ عايض وسلمان=توجهوا لك مقصد العفو يرجون
ومعهم طلبك الشيخ ابن العبيكان=وكل المشايخ للشراري يوصون
وحتى اليمن واللي سكن ديرة اعمان=يم الكويت وفي قطر تبكي عيون
ومن دار زايد غرب لا اشراف عمّان=وبالشام مع بغداد للعفو يدعون
وارض الكنانه في مصر يابليهان=ومن تونس الخضراء ينادون تكفون
ومن فاس بالمغرب على سنة ايران=ومن ليبا عليك بالخير يثنون
اعفو عفى عنك الولي عالي الشان=اسمع ملايينٍ من الناس يبكون
ارحم دموعٍ جاريه لام بدهان=في كل ساعه تشرب المر بصحون
العفو ياقبلان من صلب الايمان=والعفو عند المقدره مابها هوون
والطيب يا قبلان يوضع بميزان=مايندفن حتى ولو كنت مدفون
واذكر جنان الخلد في يوم الاحزان=ماظنتي من يعتق الله مغبون
وصلاة ربي عد مانادى الآذان=واعداد خلقٍ عند بيته يطوفون
على النبي المصطفى نسل عدنان=واعداد ما ينخاك تسعين مليون[/poem]
