roooose
الأهداء الى الشيخ .../
جلوي أبن سعدي الشمري
وأياديه البيضاء
roooose
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
قال العماري ينظم أبيات جزلات=شاعر ولامن جاب جاب الجزيله
فرايدٍ فيها معاني كبيرات=وغير القصايد مالي اليوم حيله
وشلون أبوفي راعي الطيب بأبيات=تعبّر عن اللي داخلي وتحكيله
وشلون أترجمله شعوري عبارات=يمكن تكون المسأله مستحيله
يامسندي واللي مخلّفك ما مات=مرحوم عودٍ فوق قبره نثيله
أنا أعرفك فيك فزعه وطنخات=وماترهبك ياكود شقرا جديله
أبي تزهّب كلٍ وله رغبات=وأركب عليلك رنج روفر مديله
ألفين وسبعه من ركب فيه ما بات=رنجٍ جديد ومايبيله دليله
متعودٍ يقطع دروب ومسافات=ولو منت سواقه ترا مايبيله
رنجٍ هديّه من شيوخ الأمارات=ياعزّتي للدرب ياعزّتي له
رنجٍ على ماقيل فخر الصناعات=بين المواتر ماوجدنا مثيله
فل أبشن وآخر دلع فيه لمسات=دقّ سلفه وشغّل ( حبيب الدويله )
وأمش أتّجاه البوصله مع محاذات=ريح الخزامى والنفل من خميله
أهل الشمال أهل الصدور الوسيعات=وتضيق لاشبّت خيوط الفتيله
أهل الكرم وأهل العزوم القويات=قبيلهم لاعال تسمع وليله
ومن قبل لاتاصل حدود القريات=تقبل على عرعر هذيك الجميله
وأنشد عن اللي له بيوتٍ مبنّات=مشرّعه كل الخلايق تجيله
( فنجاله أشدا من خضاب الخوندات )=يذهب عمس كل الزمان ويزيله
سلّم عليه وبلّغه بعض كلمات=وقلّه حروفٍ كلّها تبتدي له ..
الله يبيّض وجه راع الجمالات=حلحيل حلال الأمور الثقيله
هذاك أبو عراك راع الطويلات=يرقى ولايرقى ياكود الطويله
( جلوي أبن سعدي ) له اليوم وقفات=ومحدٍ مع الأيام ينسى جميله
عزّ الدخيل وعزّ كل ( الدغيرات )=ومابالغ أليا قلت يسوى قبيله
له في سنام العزّ بيرق ورايات=ومواقفه دايم وتبقى نبيله
وله موقفٍ بالعزّ يعطي دلالات=انه جمل والحمل دايم يشيله
ولايشيل الا الكبار الثقيلات=والصعب ماغيره أحد يرتكيله
جلاي كربات الزمن والمعانات=عون الضعيف أليا فقد من يعيله
ماخاب منهو كان له فيه هقوات=هني منهو بهالزمن يشتكيله
مبطي فعوله لكن اليوم بالذات=عان الأسير اليوم وأطلق سبيله
وأليا عطا يعطي ولاهي مرائات=وعليه أبو عراك ماهي قليله
ولامن غدا في تالي الوقت ميلات=ياقف وننسى بوقفته كل ميله
مثل الجبل شامخ بوجه المطمات=عزّ الكسير وكل نفسٍ عليله
حرٍ وله بالطيب وقفه وهدّات=جاب السمان ومايجيب الهزيله
للخير في وجهه سمات وعلامات=ولاقرّب دروب الدنس والفشيله
ونعمٍ بأبو عراك مرّه ومرات=أليا عشق مايعشق الا الأصيله
نجمٍ تعلا فوق كل المجرات=وأليا نزل فوق الثريا نخيله
شيخٍ ولاهي شيخةٍ بالريالات=قول وفعل يوم الليالي بخيله
ياجعل كل أيام عمره مسرات=وكل السعاده جعلها تنحني له
يارب يارب الوطا والسماوات=تجزاه خير بكل وقتٍ وليله
وقصيدتي ماهي نفاق ودعايات=راع الفضيله يستحق الفضيله
وأنا أشهد أنّه مايبي أيّت أثبات=يكفي أذا ضاقت علينا نعنيله
ويكفي تنومسبه جزيلات الأبيات=كنّ القصايد ماتدوّر بديله
بعذر القوافي لو تجي فيه جزلات=دام القصايد كلها تنحنيله[/poem]
