تــشـــــــدى لك الله شــــــــاربـيــن البــلاكـــــــا
[poem=font="Simplified Arabic,4,black,bold,normal" bkcolor="transparent" bkimage="backgrounds/14.gif" border="none,medium,burlywood" type=4 line=0 align=center use=ex num="0,black"]
بمناسبة فوز الشيخ /محمد بن قشعان بالشعل بمزاين أم رقيبه
مبداي بالله هو رجا من تشكّا=مده ولا من اليدين الصكاكا
وبعده بدا بالقاف فكري وشكّا=في صفح مصقول الصحايف عطاكا
من ريهجانٍ بالحشا ما يصكّا=ولفظه كما صب الذهب بالسباكا
وياراكب جيب جديد المتكّا=آخر موديلات الخليجي نصاكا
من دار حاتم منتوي درب مكّا=واليا وصل ساجر تنهض وجاكا
يا دار من بالكون خصمه يدكّا =بساعةٍ فيها المحارم تباكا
دارٍ لابن قشعان مافيه شكّا=ليث هصور وباللقا له عراكا
يا شبه حرٍ ماكره راس ركّا=يوم الهداد مجربين معداكا
من لابةٍ دروعها ما تفكّا=ضاقت حلقها بالعضود السماكا
السابغات بنسج تبّع ودكّا=بساعةٍ فيها المحارم تباكا
ما دام من غال المعادن تسكّا=كالفرقدين اللي بعالي سماكا
يوم المزاين شعلكم ما تضكّا=فرقه عن الأذواد يروي ضماكا
دلت ترزّم لو بعقله توكّا=تشدى لك الله شاربين البلاكا
جت بالمنصه يوم صار المحكّا=واليا ندبته ما تخيب رجاكا
الشعل ما مثله خذى اليوم صكّا =غصبٍ على أهل الكيف وأهل الجراكا
تسوى أهل الشمبل وسكان عكّا=واللي ورى باريس ديرة شراكا
صكوا عليها محتمين المدكّا=أولاد روق اللي عزاها عزاكا
وصلوا على اللي ما بشرعه تلكّا=صفوة قريش اللي أمر بالسواكا
مبارك الشوباش[/poem]
