القحطاني (شاعر المليون) وقصيده بشمر .... لاتفوتكم

:7ayyoh:

القحاطين وشمر مرة اخرى


حبيت انقل لكم تحفه شعريه رائعه

للشاعر العذب والرائع :





محمد بن ساقان القحطاني


ويقولون
والذمه على شاعرنا ضحوي الاسلمي :surprised (انه مشارك في مسابقة شاعر المليون)


ارجو أن تنال على إ عجابكم ورضاكم

[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
من يم نجد وشرق مكه وطيبه = لين الديار اللي جنوب القريات



جيت بخفوقي شوق ماينحكي به = اكبر من حروف الشعر والكتابات



شوق ِ مهو شوق الحبيب لحبيبه= شوق الطنايا للكرم والجمالات



ولو قالوا ان الدار ماهي قريبه= بقول : يعني ماتهون المسافات



ماهم بربعي بالليالي الصعيبه= أجل وربي ماحسبت المشقات



(شمر) ليا صك الصليب بصليبه= إهجد ياجن وإنس لأهل الطويلات



يرضخ لهم هالطيب حشمه وهيبه= ويرفع لهم بالعز بيرق ورايات



ومن مرهم طرقي بيآخذ ضريبه= فنجال ٍ أشدى من خضاب الخوندات



والموقده تشهد براس الرقيبه=ومن طيبهم ماينزلون الطمانات



(والشمري) من طيب راسه وطيبه= به ميزة ٍ عدّت حدود المروات



لاثارت الفزعات .. لاتنتخي به= لأنه يثور من الطنا دون فزعات



الله خلقهم للمصيبه مصيبه= وللنار نار وللمعالي ريادات



وللموت موت ولللهيبه لهيبه=وللطيب طيب وللمراجل سيادات



لكن بهم حاجه ولاهي غريبه=يمكن يخون إبها الشعر والعبارات



إليا بطشوا خلو المضارب عطيبه=وإليا عطوا مامدوا إلا الجزيلات



ما ارفع مكانتهم بشعر ٍ اجيبه=هم يرفعون حروف شعري مقامات



وآخر ما اقول بهالشعر وانتهي به=بحطها بقوسين وأربع علامات !!!!



(الشمري ! عيبه ! وعيبه ! وعيبه != إليا ارتكى للحمل شال الثقيلات )[/poem]

الشاعر محمد بن ساقان القحطاني



من أجمل القصائد

.

صح لسانك ولسان شاعرها

والحقيقة هذه القصيدة تضاف الى سجل هذه القبيلة العريقة التي يعجز الانسان بان يوصف افعال وشيم اهلها

لاهنت يالكاسب بهذا الكسب الرائع

صح الله لسانه وتسلم يمناك على النقل

صح لسانه ....


لاهنت على النقل الطيب

صح لسان الشاعر
وتسلم لهذا النقل
تحياتي,,,

صح لسانك وفلك المليوون انشالله وابشر بالفزعه يابن ساقان

صح لسان ناقلها و قايلها...
ونعم و سبعين مليون بعيال عمي يستاهلون أكثر و ماقصروا القحاطين..

صح لسان الشاعر

ولا هان الناقل بعذوبه مشاعره

صح الله لسانه ولاهنت على النقل الرائع والمميز



دمت بود

والشمري) من طيب راسه وطيبـه = به ميزة ٍ عـدّت حـدود المـروات



لاثارت الفزعـات .. لاتنتخـي بـه = لأنه يثور مـن الطنـا دون فزعـات

صح لسان الشاعر ابن ساقان ولاهنت على النقل يالذيب وعزالله انه ماقصر وفا وكفا جعل والدين للجنان وبيض الله وجهه .

صح لسانك الكاسب ماقصرت على النقل
وصح لسان القحطاني على هذه الرائعة القوية ..
وليس كثير بحق شمر المجد هذا المدح ....
كما انه ليس غريب من القحطاني ابن العم ذلك ...