-
هذه القصيده للشاعر/ مطارد رويعي الوهبي الحربي
وحبيت اني اشارك بها ارجو ان تنال اعجابكم.
بديت بمن نزل تبارك وياسين
...........ومن بعده اخترت البيوت الجميله
في راس رجماً لاتعديت نقبين
...........جنوب جبه في شمــال الرعيلـــه
ذعذع به الغربي وتل الشرايين
...........طابت همومٍ بالضمايــر عليلـــه
وزاد ارتفاع امواج الاشعار مترين
...........وسجلت من زين البيـوت الجزيلـه
رداً على من قال مسكانكم وين
..........دارٍ بها المساكن من تنتميلـــه
وجاوبت سؤاله بحايل مقيمين
...........في ديرةٍ لايمكــن أجــد بديلــه
حايل عروس وقلدت بالبساتين
...........حايل تنسيك الهمــوم الثقيلــه
ولاغبت عنها دق بالقلب همين
...........الا بشعبانه ليــا رحــت قيلــه
وحايل عزيزه وسكنوها عزيزين
...........ناسٍ لهم بالطيــب درب ووسيلــه
حايل سكن فيها الرجال الكريمين
...........قبيلةٍ ياطيبهـا مــن قبيلــــه
شمر هل الطولات ياناشدٍ مين
...........شمر رجــال يكسبــون النفيلــه
وشمر لهم بالطيب علموبراهين
...........وشمر على كبد المعــادي مليلـه
خويهم مايشكي الضيم والبين
...........وعدوهم بالكــون يـا عزتيلـــه
نعمٍ بشمر عد ناسٍ ملبين
...........ونعمٍ بشمر عـد ماســال سيـلــه
من جيت حايل صارلي خمسة اسنين
...........مافيه يومٍ شفت منهـم رذيــلــه
ولا يجحد أهل الطيب غير الرديين
...........ضعاف النفوس اللي يديها بخيلـه
والرجل يذكر عند الاجناب بأمرين
...........واحد من الأمريـن لازم يشيــلــه
أما يقال أفلان والّله ونعمين
...........ولا كسب علم الردا والفشيــلــهr
والرجل جسم يميزونه بالأثنين
...........ولامن فقدهن ثور مافيــه حيلــه
لاصار قلبه مع لسانه سليمين
...........لابد مايعرف عــداله وميــلـــه
ماقل دل وحايل قرة العين
...........ومطارد عبر يوم عدا الطويـلــه
عبرت عنهم بعض روس العناوين
...........وتاريخهم في وسط حايـل دليلــه
ولاذم انا باقي القبايل ولا شين
...........وكلٍ على ماقيل يلقــى حصيـلــه
وتقبلو تحيات اخوكم
علي
-
تسلم على الاختيار
تسلم يايتيمي على الاختيار
وصح لسان صاحبها
ولا اقدر ان امدح اهل حايل
تدري ليه
!
!
!
لانهم اهلنا
و
و
و
و
ولكن لاتبخل علينا عطنا وعطنا من النوعية
وتسلم لنا
تقبل تحيات اخوووك بشير اللويش
-
هي حائل ..
وكفى !!
حايل عروس وقلدت بالبساتين
...........حايل تنسيك الهمــوم الثقيلــه
ولاغبت عنها دق بالقلب همين
...........الا بشعبانه ليــا رحــت قيلــه
وحايل عزيزه وسكنوها عزيزين
...........ناسٍ لهم بالطيــب درب ووسيلــه
كيف لي بمدحها ....
وعلى المحبة ,,,,
-
يتيمي الغالي
ماذا اقول لك وانا اعرف مدى ذائقتك
بماذا نجازي شاعرها على هذا الكلام الطيب
ليت الشكر يجدي
ولكن مانقول الا بيض الله وجيهكم
-
الاخ اليتيمي
قصيده رائعه جدا
واختيارك ممتاز
وجزى الله الشاعر الحربي خير الجزاء على مشاعره
-
يازينها
بسم الله الرحمن الرحيم
يعطيك العافيه اخوي يتيمي على هالقصيدة التي تنم عن ما يكنه الشاعر مطارد رويعي الوهبي الحربي من غلا واضح لحايل 0 حايل الود والورد والبساتين والشعبان والجبال حايل الطبيعة 0 وعن ما يكنه من معزة خاصة لشمررر 0
فشكرا لك كل الشكر اخي يتيمي على هذه الفذة الجميلة لجميع من يزور المنتدى بشكل عام 0
-
الاخوه الاعزاء .بشير اللويش.العذب .ممدوح المسطح.ابو علي .سنعوسي.
مشكورين كل الشكر على متابعتكم وتعقيبكم .
ولكم مني التحيه ولشاعر هذه القصيده كل الاحترام .
تقبلو تحيات اخوكم
علي
-
تسلم
ونا أشهد انه أختار بيوت جميله
صح لسانك ياليتيمي ولسان مطارد
-
الاخ يتيمي تسلم لنا ويسلم لنا قايلها ....
-
الاخ يتيمي لقد اخترت قصيده رائعه وتكمن روعتها انها من شخص محايد والمدح لما ياتي من غير الممدوح يكون اكثر مصداقيه
على اي حال يستاهلون شمر كل ماقيل بهم من المدح
تحياتي للجميع وخاصة مطارد
-
الاخوه الاعزاء .ابو صياح.السمن العرابي .ابو ماجد
اخواني اشكركم من كل قلبي على تواصلكم المستمر ومتابعتكم والله يعطيكم العافيه وتسلمو انشاء الله من كل شر .
اخوكم
علي
-
يتيمي
الله يعطيك الف عافيه وصح لسان الشاعر
شمر هل الطولات ياناشدٍ مين
...........شمر رجــال يكسبــون النفيلــه
وشمر لهم بالطيب علم وبراهين
...........وشمر على كبد المعــادي مليلـه
خويهم مايشكي الضيم والبين
...........وعدوهم بالكــون يـا عزتيلـــه
نعمٍ بشمر عد ناسٍ ملبين
...........ونعمٍ بشمر عـد ماســال سيـلــه
من جيت حايل صارلي خمسة اسنين
...........مافيه يومٍ شفت منهـم رذيــلــه
nولا يجحد أهل الطيب غير الرديين
...........ضعاف النفوس اللي يديها بخيلـه
-
يستاهلون خوالي.............
وماهي غريبه على ابن حرب (صصصصصصصصصصصصصح لسانه)
وماقصرت يايتيمي
-
الاخت العزيزه بنت ابوي...
الله يعافيك وشكرا على المتابعه.
اخوكي
علي
-
الاخ العزيز ابراهيم...
تستاهل العافيه يالبناخي.
اشكرك على تعقيبك .
اخوك
علي
