بما اننا على وجه الربيع
اقبلو هذه المتواضعه اما شموخكم
واعذرونا:)
لازال بوحنا تقليدي:)
ومحاكي للشعر النبطي القديم
فلم استسغ شعر الحداثه حتى الان:)
ربما بالمستقبل:)
[poem=font="Simplified Arabic,6,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يقول: من عدا على جال.."ضلعين"=ضلعٍ على اليمنى..وضلعٍ يساري
"بوسطهن"..ماعني الخلق دارين=ياكود..حس مغلثّات الضواري
ماكر حرارٍ...ماتطّب الاراضين=او واحدٍ..مطلوب..حكمه..انتحاري
شبيت ناري...والمخاليق ممسين=حزة غروب الشمس...تالي النهاري
ماهمني ياحسين..طرد النساوين=ولاعذبني...لابسات الخزاري
مشيمٍ نفسي عن العيب..ياحسين=موتي...ولابعض العلوم القصاري
يوم العرب تدله..على جال برلين=ماشاقني ياكود..قطع الصحاري
ويوم العرب تطرب على صوت "نادين"=انا طرب بالي..."صفير الذواري"
في.سهلةٍ..عن باقي الخلق منحين=في..مهمهٍ..قفرٍ..من الناس عاري
ياكود شوف اذواد وضحٍ مزايين=ترتع بديان الخلا ماتداري
00000000000000000000000000
قمت اتفكر..بالمقادير..ياحسين=وانا لك الله..يابيض الوجه..داري
دنياك هذي تتبع..الدين..بالدين=ويجيك من عقب الرفاع...انحداري
ياتقل..يطعن بسرة القلب..سكين=الوقت...قطع مهجتي بالشباري
ياحسين كيف تبدلت..بالموازين=تبدلت عقب الصفا...بالكداري
الحر..يرجع..ماكره..مامعه شين=والبوم يامشكاي..صيده..خياري
ياحسين..طف النار!!ياحسين ياحسين=نام وتريح..واترك اليوم..ناري
مالك عليها يافتى الجود..تمكين=دام الزمن..لبضاعة الذل شاري
لابوك دنيا..ماتفيد الملايين=دام القبر..ياحسين..تالي مساري
ولابوك رجلٍ..مايفز..حزة البين=ولابوك..رجلٍ..عيشته للمصاري
ابي اتونس..دامني حي.. ياحسين=وامشي على ماريد..حسب اختياري
واكرم بها..ياحسين..بالعسر..واللين=وافزع لابن عمي..ورفيقي..وجاري
لابد..ماحنا..عن الحي.. مقفين=بالقبر مالك من..خويٍ..مباري
صيور..لابد..المخاليق..ناسين=هي دنيتك ياحسين تمحى المواري
0000000000000000000000
والبارحه يوم المخاليق..غافين=طرالنا بالبال..ياحسين..طاري
زان الربيع..وطرّف الوقت..ياحسين=ونبي لنا باطراف.. رفحاء..محاري
عند الرجال اللي ..تعز.. الذليلين=اليا جرالك..يابيض الوجه..جاري
نعمٍ بربعي..واتبع النعم..نعمين=في حزةٍ..كلٍ بربعه..يماري
ابي اشوف الدار ياخوك بالعين=من قبل ماوضع داخل القبر..عاري
قالولنا: صار الوطا كالبساتين=ريح الفياض...ومنقعٍ للخباري
قلت افزعو ياهل البلد...يالمساكين=من فوق جيب..للمشاوير..ضاري
صمم من..اليابان..حسب القوانيين=خصّصّ ..لروحات.. الخلا..والبراري
منوة غريبٍ..حده..الوقت..مابين=بعد الاهل..مع..موحشات المساري
جيبّ..تشادي.. فزته..للشياهين=ياطالعن بالجو..جول الحباري
ابي عليه..امر انا الدار..ياحسين=دارٍ غلاها..غصب..عني اجباري
ماني من اللي يعشق الدار..يومين=من شان شيٍ..وان قضى الشي..باري
ولاني من اللي يعشق الدار..للزين=من شان خله باوسط الدار..صاري
حبيتها من شان ...ربعٍ قديمين=اجدادنا ياحسين..والدار داري
هذي..مكان..نجورهم..والرسالين=وهذي..مكب..دلاله ..والوجاري
وهذي..مديد..ضعونهم..بالميادين=وهذي..مرابط..خي هم..بالمحاري
وهذي..مرابعهم..وذيك..الديواين=وهذي..مناخيهم.. هار المثاري
عسى عليها ينزل الخير..عامين=مزنٍ من المولى..تبل القفاري
ماهو غضب..من والي العرش..امين=من فضل ربي..تقتلب للخضاري
وصلو على خاتم..جميع النبيين= شفيعنا.. يوم الخلايق عواري[/poem]
اخواني استخدمت العديد من المفردات
اللي قد يصعب معناها على البعض
والقصيده بدون فهم ماله داعي اي استفسار انا موجود
اخوكم مشعل حاشم الشمري
