نـكـهـة بـــــدو
أشتاق أنا لطعم الحياه اللي بـها نكهة بــدو
وأحب أنا روحاتـها وجيـاتهـا وقـانـونها
وأشتاق أنا لصفـر الدلال مركاه والمده سـدو
في ربعـة" ريح النفل يفـوح بين ركـونـها
صكو بها أهـل الكرم تسالمو ثم قـعـــدو
والـدلـة الصفرا على جمـريةٍ يـركـونـها
صغيرهم له رحمته كـبيرهـم فيه اقـتـدو
سوالفه أصـغو لها قصـايـده يـاعـونــها
محلاه نزل بيـوتهـم تقـاربـو تبـاعـدو
محلا البـيوت مشـورعه وضيوفهم يلفونـها
الخيل ترقـص شايشه لاهيجنو والياحــدو
والـذود لـه شياعته اليا أبـعـد يجرونـــها
وان ركبو كحيلاتهـم بظهورهن ثم لـكـدو
رديـهم كـرامته يمـوت لأجـل عيـونــها
تلومني بعشق الحياه اللي بها نكهة بــدو
أنا البـداوه يالخـوي أحـبها ومـجنـونـها
حسين الهوران
