(( الــوجـيـه الـقـبـيـحه ))
السلام عليكم ورحمة الله وبركاته
اخواني اخواتي وابناء عمومتي
اعضاء هذا الصرح الشامخ 0000
اقدم لكم هذه المتواضعه بعد الغياب
علها تشفعلي وتشفع لغياااااااااابي
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
النفس بحرٍ والمصايب دوافيق = والروح تعطي 00 والهداوي شحيحه
والفج يوسع 00 ثمٍ يضيق 00 ويضيق = وكلٍ يحاسب ياجماعه بظريحه
وانا جروحي غارسه بالمعاليق = مثل الذي فتًح بطان 00 الذبيحه
اويق من جور الليالي وانا اويق = اشوف طعنات الزمان الجريحه
تحرقني الدمعه على الخد تحريق = وتلح بي لحة عجوزٍ لحيحه
والبارحه سهران 00 مع دله وبريق = والذيب يعوي 00 والكلاب النبيحه
ماغير اهيجن فوق جزل الطواريق = والنفس ماهي ياعرب مستريحه
نوبات اغربها 000 ونوبات تشريق = ونوبات ادوس الشوك واقول 00 شيحه
ليلي 00 ودمعي 00 البلاوي مشافيق = وسهري 00 وحزني 00 والهقاوي صحيحه
شعب الخليجي غير عن شعب الاغريق = وطبع البداوه راسخٍ بالصفيحه
وسنجار ثابت 00 ماتحرك على طويق = الله واكبر منهو يقدر يزيحه
ويابو خلف خيًك تراهو مع الضيق = ياكم تعثر بس ماطاح 00 طيحه
حدوه يالغباش اهل الغرانيق = واصبح محارب بين كل الشريحه
وانت تخبرني دون كل المخاليق = من عافني عفته ولو 00 هب ريحه
(( وانا عمر راسي بعال الشواهيق = ماطمنوه اهل 00 (( الوجيه القبيحه ))))
ماني من اللي لفق الهرج 00 تلفيق = دايم علومي 000 بالمجالس صريحه
عيني على الرديان ماعمرها تفيق = ماتفتح الا للوجيه الفليحه
مافرق العربان غير المطافيق = اهل الدوادي 000 والعلوم الفضيحه
والشعر عندي مايجي بالتلافيق = اما يهيض الجرح والا القررريحه [/poem]
وسلامتكم وسامحوني على القصور
ابنكم ومغليكم // عمر اللهيميد
