ْْ ْســــارا ْْْْْْ ْْْ من طرف الشيخ قوقل ْ ْ
السلام عليكم
مساء الخير لكل اعضاء وعضوات مضايف شمر
مادري وش اقول او من وين ابتدي بكلامي
بس الحقيقه تفاجأت لما شفت منتدى المضايف
لا من ناحية التصميم ولامن ناحية الاعضاء ولا من المواضيع الدسمه اللي يزخر به كل قسم على حده
لدرجة اني قعدت اتصفح المضايف لثلاثة اسابيع كامله وانا ادخل واقرا
وما اطلع الا وعيوني وحده مسيره على الثانيه :)
صحيح تأخرتو علي بتفعيل العضويه بس ان شاءالله انها خيره
لأني بالمده المذكوره كونت مجموعة افكار مبدئيه عن المضايف وعن شعبها ان صح التعبير
والفكره كلها خير عن اعضاء متحابين كأنهم اعضاء اسره واحده
هذي فكرتي المبدئيه ان لم يثبت العكس :)
وبالنسبه لي انا ماحب المنتديات وبحياتي ماقد شاركت الا بمنتديين
لأني احب اقرا اكثر من اكتب "فيني عرق سوداني"
واحب الصرقعه والامور الفكاهيه
وبالفلسفه خوذو بنت :)
قصتي مع المضايف بدت من قررت اني اسير على الشيخ قوقل وانشده عن مواقع تعليم الفوتوشوب وبعض حركات السويتش
ومن ضمن ما وصاني عليه الشيخ قوقل موضوع بالمضايف كان لعضو اسمه "مناكد"
ويعلم الله كم استفدت من موضوعه
وكان لي سبب خير بان اتواجد بين ابناء قبيلة شمر
فهل تقبلون سبيعيه بين الشمريات ؟
