هذه القصيده قالها الاخ الشاعر صباح الظفيري
في خوالـــه شمر والقاها في احدى الامسيات الشعريه
حيث لاقت اتحسان الحضور بشكل كبير
[poem=font="Simplified Arabic,4,deeppink,bold,normal" bkcolor="transparent" bkimage="backgrounds/21.gif" border="groove,medium,deeppink" type=4 line=0 align=center use=ex num="0,black"]
سلام الله عليكم ياخوالي ثـم كيـف الحـال = سلام من الهجوس اللي بفعل الطيب مسروره
اذا كان القصيد جبال يحنـي هامتـه لجبـال = تعلت كنها سلمـى واجـا وسنجارمذكـوره
مداغيش الرجال اللي تسمى فاللزوم رجـال = اذا هاب الردي تقلط خوالي وتظهر الصوره
ابشعل سهرة الليلـه بقـافٍ كنـه الزلـزال = مثل ما اشعل الجربا بخـام الهنـد لقـدوره
حقايق والحقايـق لاحكينـا تاجهـا الافعـال = سنا قصه لها يندى الجبين وعيسها سطوره
دعيتك يا سنا فكري تعال ولا يضيق البـال = نبي نرسم على ذيك الجبال افعال مشهـوره
سوالف بيننا هرجه نشاما والعلـوم جـزال = علومٍ خالده تبقـى واهلهـا داخـل قبـوره
طنايا طي زينيـن المحـازم لقبـل الخيـال = رياجيل المواقف كـل واحـد عـارفٍ دوره
زحازيح الرجال وفي وفاهم تضرب الامثـال = اعداهم في زمـان فـات منهيـه ومامـوره
اليا من هلهلن حلو البنات وطوحن بالشـال = تروح اخصامهم بالحرب مكسوره ومقهـوره
ترى هاذي فعايلهم اليا عدت فعـول ارجـال = فعولٍ باقيـه فالكتـب مطبوعـه ومنشـوره
ولاننسى القبايل بأي حالاتٍ مـن الاحـوال = قبايل مملكتنـا كـل منهـم تافـي شبـوره
هل الطالات والفزعات لاجا فالعلـوم جـدال = عدوالمملكه من فعلهـم يبـرك علـى زوره
وانا شاعر ظفير ومن رياجيلٍ كرام اسبـال = رياجيـل الوفـا وابيوتهـم بالعزمعـمـوره[/poem]
ارجو ان تنال على استحسان ذائقتكم
لاعدمتكم يالعزوه
