لاتحرمونا نقدكم البناء لاحرمكم الله جنته .
[poem=font="Simplified Arabic,4,orange,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بأول العشرين لكن فيني انسام الطفوله=طفلة تجني ثمار العقل في حقل الجهاله
طفلةٍ ربوني اللي كلهم طيب ورجوله=من وراهم ارتشفت الطيب الى حد الثماله
دوني صقور لهم في ساحة النخوه حموله=لاانتخيت بواحد منهم يجي في طول باله
وشيخ اليا من ضحك لي همي اعلن في افوله=وقلب ام مثل ما ربي او اصفا من زلاله
وخمس جوريات في قلبي لهن صوله وجوله=وحدةٍ منهن مثل روحي معي في كل حاله
بعدها وشلون ابخذل منبع الطيب وأصوله=استحاله يفهم اللي مثل عقلك إستحاله
شوف هالعالم تأمل دنيتك عرضه وطوله=وسع آفاقك .. تطور .. لاتعيش بها الضحاله
ودع الغفله وثمٍ اسرج لفكرك خيوله=دنيتك ماهي مثل ماانتَ بحاسبها سهاله
لونهايتنا بنهاية عمرنا كان محلوله=كان كلٍ تارك عقله وسوى مابدا له
أعقل ولاعاد تطريه الكلام اللي تقوله=طفله ولكن ربت باأحضان كساب الجماله[/poem]
مع التحيه
