قصيدة للشاعرة ليلى سعد الحربي منشورة في جريدة الجزيرة اليوم عنونتها بـ :
شاعرات الأمسيات الفضائية
وأهدتها إلى :
كل من غردت خارج سربها
أترككم مع القصيدة :
[poem=font="Simplified Arabic,6,skyblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
شاعره وانتي على راسي وعيني = بس عندي لك سؤال وجاوبيني
واعذريني لابكى قلبي اعذريني = دمعتي ماشاورتني صدقيني
بأي دين وبأي شرع وبأي مله = بالشعر بين الرجال تغرديني؟؟
تفتنين اللي حضر واللي تسمّع = بالقصيد وصوتك العذب الحزيني
اشغلتهم نظرة العين وهدبها = وحسّرتهم قذلةٍ فوق الجبيني
ما تذكّرتي شهودٍ يسمعونك = كل وقتك من شمال ومن يميني
أمسياتك والقصايد سجلوها = كلما كنتي بقولك تخضعيني
كل حرفٍ كل بيتٍ كل نظره = هم عليها عند ربي شاهديني
سطّروها في كتابٍ وحفظوها = لين يوم الحشر عنها تسأليني
اعذروني لا قسى قلبي عليها = عند قول الحق قلبي مايليني
تبدي الزينه وربي قد نهاها = من يرد امر لرب العالميني
وين من ربي بالإسلام اصطفاها = زادها مع زينها عقلٍ وديني
وين راح حجابها وينه غطاها = وين ستر البنت عند المتقيني
وين من تغلب عزيمتها هواها = وين من تبكي لهّم المسلميني
كيف ما تطلب رضا ربٍ عطاها = يسلب النعمه من اللي جاحديني
كيف ما تحمل رساله منتهاها = جنة الفردوس والنور المبيني
الأمانة هزّت جبالٍ رواسي = كيف في حمل الأمانه تستهيني
والختام أطلب من الرحمن ربي = يغفر ذنوبي وكل السامعيني[/poem]
