شعر في عتيبه

من قصيده طويله للشاعر محمد بن دخيل الله المعروف بـ أبو خطمة الشيباني
في مدح في عتيبه والشيخ هذال بن فهيد المعروف به بـ اخو هملا و الشيخ مسلط بن ربيعان والشيخ محمد بن هندي والشيخ سلطان بن ربيعان والشيخ مناحي الهيظل:

مرباعنا نجد المسمى بالاخبار0000جنوبنا قحطان وشمالنا كير

يازين في واد الرشا حل الامطار0000الى سقى عشبه سحاب شخاتير

فيها عتيبه كنهم زامي الطار0000مثل العساكر صوتهم بالمزامير
n
والشيخ اخو هملا عسل مر الامرار0000ضار بكسرات الجموع الصوابير

والشيخ بن هندي يعود له الشار0000ما خم رليه من خفاف المشاوير

حيد رسى له شوفة تملا الانظار0000يردون في رايه ونوج مصادير

ومسلط الى جات المحاضير جزار0000اليا اقبلت ثم ادبرت بالناعير

تلقى على جنبه من الهند صرار0000ياما نثر به من دما الضد تنثير

وعطفتهم الهيظل قديم وصبار0000با ولاد مفلح لابسين المقازير

مالوا صلاة الصبح والطير ماطار0000وارخوا عليهم بالسيوف البواتير

وصاحوا عليهم صيحة تخلي الدار0000وطح العشا لمعكفات الدناقير


وسلامتكم

ونعم والله

وياهلا بشاعر عتيبه

شرفتنا بطلتك


ونبي منك المزيد

اهلا وسهلا بك


وبيض الله وجهك عللى هاالرائعه


وصح لسانك ولسان الشيباني


وعتيبه ممدوحين من قبل مهو من اليوم

والله والنعم فيكم


اخوك 0000 فيصل اللويش

اخي الغالي

شاعر عتيبه

شكرا لتواصلك

لاهنت يابعدحيي

صح لسان الشاعر

وعتيبه يستاهلون من غير قصور بالقبائل والعوائل الاخرى

تقبل تحيات اخوك الصغير

ماعليك زود اخوي
والمهلي مايولي
ومشكور على ردك

مشكور اخوي على ردك
وتسلم على كلامك
وماعليك زود
وصح بدنك

مشكور اخوي على ردك
وصح بدنك
ونعم في القبائل

الأخ : شاعر عتيبه
يا هلا بك و بعتيبه كله
ومدام أنك شاعر وقصاص فأكيد أننا نستفيد الكثير الكثير
ومدام إن عندنا عتيبي فأنا أبسألك عن قصة بديوي الوقداني ورائعته الشعرية
ومنهم الي بغى يناسبهم ؟ وعند من أشتغل ؟ وين راح للطايف ولا مكة
ياليت تجيبلنا التفاصيل لأن عندي القصيدة كاملة والقصة مهي كاملة
والقصيدة الي مطلعها :

أيامنــا والليالــي كــم نعاتبهـا
********************شبنـا وشابت وعفنـا بعض الأحوالـي
تعد مواعيــد والجاهـل مكذبهـا
********************واللي عرف حدهـا من همهـا سالـي
إن أقبلـت يوم ما تصفـى مشاربهـا
********************تقفـي وتقبـل وما دامـت على حالي
في كــل يوم تورينـا عجايبهـا
********************واليوم الأول تراه احسـن من التالـي
أيـام فـي غلبهـا وايـام نغلبهـا
********************وايام فيهـا ســوا والدهـر ميالـي
جربت الأيام مثلـي من يجربهـا
********************تجريب عاقل وذاق المــر والحالـي
نضحك مع الناس والدنيا نلاعبـها
*******************نمشي مع الفي طوع حيـث ما مالـي
كم من علومٍ وكــم آداب نكسبهــا
********************والشعر مازون مثقــالٍ بمثقالــي
اعرف حروف الهجاء بالرمز واكتبها
********************عاقل ومجنون حاوى كـل الأشكالي
لكن حظــي ردي والروح متعبهـا
********************ما فادني حسن تاديبي مـع أمثالـي
إن جيت ابي حاجـةٍ عزت مطالبها
********************العفو ما واحدٍ فــي الناس يا والي
قومٍ الـى جيتهـم رفـت شواربهـا
********************بالضحك واقلوبها فيها الرا كالـي
وقومٍ الى جيتها صكـت حواجبهـا
********************وابد ت لي البغض في مقفاي واقبالي
ما كنــي إلا حــال مغضبهــا
********************والكل في عشرتـه ماكر ودجالـي
يا حيف تخفي أموراً كنت حاسبهـا
********************واللي على بالهـم كلـه على بالـي
الجار جافـي وكـم قومٍ محاربهـا
********************والأهل وأصحابنا والدون والعالــي
والروح ويش عذرها في ترك واجبها
********************راح الحسب والنسب في جمع الأموالي
نفسي تبى العز والحاجات تغصبهـ
********************ترمي بها بيـن أجاويـد وانذالــي
المال يحــي رجالاً لا حيـاة ابها
********************كالسيل يحي الهشيـم الدمدم البالــي
عفت المنازل وروحـي يوم اجنبها
********************منها غنيمـه وعنها البعـد أولا لـي
لا خير في ديرةٍ يشقـى العزيز ابها
********************يمشي مع الناس في هـمٍ وإذلالـي
دارٍ بها الخــوف دومٍ ما يغايبهـا
********************والجوع فيها ومعها بعض الاحوالي
جوعى سراحينها شبعـى ثعالبهـا
********************الكلـب والـر يقـدم كل ريبالـي
عز الفتى راس ماله من مكاسبهـا
********************يا مرتضي الهون لا عزٍّ ولا مالي
دللت بالروح لين ارخصت جانبهـا
********************وانا عتيبي عريب الجـد والخالـي
قومٍ تدوس الافاعـي مع عقاربهـا
********************ولها عزايم تهــد الشامـخ العالـي
خل المنازل وقل للبيــن يندبهــا
********************يبكي عليها بدمـع العيـن هطالـي
لا تعمـر الدار والقالات تخربهــا
********************بيع الردي بالخساره واشتر الغالـي
ما ضاقت الأرض واندت مذاهبها
********************فيها السعــه والمراجــل والتفتالِ
دارٍ بدار وجيــرانٍ نقاربهــا
********************وارضٍ بأرض وأطلالٍ بأطلالـي
والناس اجانيب لين إنك تصاحبهـا
********************تكون منهــم كما قالوا بالأمثالـي
الارض لله نمشــي فـي مناكبهـا
********************والله قدر لنـا أرزاق وآجالـــي
حث المطايـا وشرِّقهـا وغرِّبهــا
********************واقطع بها كل فـجٍّ دارسٍ خالــي
واطعن انحور الفيافـي في ترايبهـا
********************وابعدعن الهم تمسي خالي البالـي
من كل عمليـةٍ تقطــع براكبهـا
********************فدافد البيــد درهـامٍ وزرفالــي
تبعدك عـن دار قـومٍ ودار تقربها
********************واختر لنفسـك للمنزال منزالــي
لو مـتّ فـي ديرةٍ قفراً جوانبهــا
********************فيها لوطـى السباع الغبس مدهالي
اخير مـن ديرةٍ يجفـاك صاحبهـا
********************كم ذا الجفا والتجافـي والتعلالـي
دوس المخاطر ولا تخشى عواقبهـا
********************الموت واحد وبعد العـز يجلالـي
ان المنايــا ذا مـدت مخالبهــا
********************تدركك لو كنت في جو السما العالي
ما قرت الاسد في عالـي مراقبهـا
********************تسعى على الرزق ما حنت للاشبالي
والشمس في برجها والغيـم يحجبها
********************تقفي وتقبـل لها في العرش مجدالِ
رب السماوات يا محصي كواكبهـا
********************يا مجري السفن في لجات الأهوالي
ضاقت بنا الأرض واشتبت شبايبهـا
********************والغيث محبوس يا معبـود يا والي
يا الله من مزنــةٍ هبـت هبايبهـا
********************رعادها ات له في البحر زلزالي
ريح العوالي من المنشـا تجاذبهـا
********************جذب الدلى من جباء مطوية الجالي
ديمومةٍ سبلـت وأرخت ذوايبهــا
********************وانهل منها غزير الوبـل همالـي
تسقي دياراً شديد الوقـت حاربهـا
********************ما عاد فيها لبعض الناس منزالـي
يا جاهل اسمـع تماثيـلاً مرتبهـا
********************فيها معاني جميـع القيل والقالـي
مثـل المحابيـب زادت في قوالبها
********************في صرفها زايده عن قرش واريالي
يا ربي توبه وروحي لا تعذبهــا
********************يوم القيامه إذا ما ضاقت اعمالـي
وازكى صلاةٍ على المختار نوهبها
********************شفيعنا يوم حشرٍ فيه الأهوالــي

ياليت تعجل لنا بالقصة وتسلم على هذه المشاركة الرائعة
وتقبل فائق تقديري
_________أخوك______
ذعار الشمري

والله و 1000 نعم و لا تكفي بكم يا عتيبه

و1000 شكر على اتحافنا بهالقصيده الرائعه

الله لا يهينك...وصح لسان الشاعر





شاعر عتيبه ...اخي الكريم


تقبل احترامي و تحياتي


لا عدمناك

اخوي ذعار شكرا على ذي القصيده وبدوي الوقداني شاعر معروف بس القصه مهي عندي حاليا واذا وصلت لي ابشربها يا ولد شمر

هلا وغلا اخوي عادل الشمري ونعم بحالك ياولد شمر
ولو اقول ونعم في شمر من اليوم لين السنه الجايه ماتكفي ومشكور على ردك



ولك تحياتي اخوك/سطام ابن فهيد