*^*(( الزنبليـــــظه..........!! ))
[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وش فيه باقي لا تقولين مـا يصيـر=صعبه بعينك.. وفي عيوني بسيطـه
تستكثريـن الريشـة علـي الطـيـر=والريـش نبـت جروحنـا ياعبيطـه
جروحـي مالهـا عـد.. تحصـيـر=جرح ٍ أضمد بـه وجـرح ٍ أخيطـه
جرح ٍ بقلبي مـا ارسمنـه المعاييـر=ليت الألـم يرسـم لنـا هالخريطـه
وجرح ٍ عجزت ألقي لـه أي تعابيـر=نقـرب منـه ولا.. قدرنـا نخيطـه
آليـا ذبحنـا الضمـا نحفـر البيـر=وألا البحر ما ينشرب من محيطـه !!
بعض الجروح تعيش بحشمه وتقديـر=وبعض الجروح تموت موته.. حطيطه
تصبح جروحك يا فلانه علـى خيـر=مدامهـا تمسـي بقلبـي.. سليـطـه
لي عبرتين ادفـن وراهـا التحاسيـر=ولي نظرة ٍ محروقـة مستشيطـه ؟!
ولي قلب ٍ ما تلفـي عليـه التباشيـر=عزي لحظ ٍ مـا يحـرك.. زحيطـه
ولي نفس ٍ ما تقبل بـذل ٍ وتقصيـر=درب ٍ خلـي ولا دروب ٍ خليـطـه
خالـي سمـاي ولا نجـوم مكاشيـر=ليـل ٍ ظليـم ولا ظليـم المقيـطـه
ارقي بعينـي عـن أرذال ومعاييـر=خايف لا أشوف الساقطـة والسقيطـه
إمـا نسطرهـا بليـا.. مساطـيـر=ما نرتجـي للواسطـة.. والوسيطـه
ولا الرجا مـا فيـه فـود ٍ وتبريـر=الزنبليطـه يافلانـه.. زنبليـطـه ؟!
اخذي حـروف ٍ سطرتهـا المقاديـر=القـاف بّيـن.. والمعانـي غويطـه
واقرب جروحي خلها لـك مشاويـر=والمبعـدة للهاويــه.. والهبيـطـه
يـوم أتقـارب مقفـيـات مدابـيـر=ويوم نتباعـد يقتـرب لـي شريطـه
علمي بنفسي يـوم اعـد المخاسيـر=هذي تجي غصـب وهـذي لقيطـه
بس المهم ما بقي شـي مـا يصيـر=ومن غيرها هـذي تهـون وبسيطـه
ولـكـم مـنـي اطـيـب تحـيـه
فيصل الجهني،،،[/poem]
