قصه الشيخ عادي وتذكره لاخوة الدعوج
مساكم الله بالخير ....
قصتنا اليوم مع الشيخ الجواد الكريم عادي بن رمال من الرمال من سنجاره من شمر حصلت له قصه طريفه عندما تخاوى وهو رجال يدعى ابن عرّوج تخاوو لهم كم يوم بطريق سفر وعند رجعتهم لقريه (جبه) وقبل يدخلونه قال عادي اسبقن يابن عروج وانا ابي لي عرب هنا
وفعلا دخل ابن عرّوج داخل الديره.... وعادي راح لم له عرب يبيهم
ابن عرّوج حب انه يمازح الشيخ عادي واطلع عليه قصه انه ضيّع طريقه وانه غدى بهالنفود وانه مايدل دربه ومن هالكلام ....
ويوم رجع عادي وسمع هالاشاعه زعل وقال ماهو انا اللي يضّيع طريقه وطلب من ابن عروّج الاعتذار ورفض ابن عرّوج الاعتذار وقال عادي بن رمال هالقصيده مذكرا بقصه الشلقان من شمر الخالده وانه مضرب الاخوه ماهو انت يابن عروج قال عادي رحمة الله عليه :
[poem=font="Simplified Arabic,5,black,bold,normal" bkcolor="burlywood" bkimage="" border="solid,medium,black" type=1 line=0 align=center use=ex num="0,black"]
ياراكب اللي لانهمته يروجي = يشدى ظليم مذيّره حس مهروج
يزهى الميارك والرسن والهروجي =ويلفي على اللي ماكر الظلم والعوج
قل غديت في غبه بحور تموجي=وعز الله انك تايه ٍ يابن عروّج
عندي ذلولي ضاير ٍ للنهوجي =وياما سريت بليله دج ودجوج
ابوج ديّان السهال الفجوجي=خلاوي مبسوط وعدّي على دوج
وعند النشامى وافيات هروجي=مثل المدير اللي تخاضع له الفوج
والا انت مثل اللي يزّت الحجوجي= ذاك الغريب اللي على الدرب مسهوج
الفعل فعل غرّيب (1)والدعوجي(2)=يوم انكسر خويّهم صاح يادعوج
غدو عليه إبرام خلج ٍ تلوجي=وشالوه من ديرة صرغ من وراء الهوج
مار ياعل قصر ٍ مابفيّه نلوجي=يرداه نجم ٍ من عواليه مطعوج[/poem]
1 ـ غريب هو الفارس المشهور غريب ابن معيقل من الشلقان من الزميل من سنجاره من شمر
2 ـ (الدعوج) لقب لفخذ الشلقان من الزميل من سنجاره من شمر
ولهم الرحمه ولكم طولة العمر
