بســــــــــــــــــــــم الله الرحمن الرحيـــــــــــــــــــــــــم
السلام عليكم ورحمة الله وبركاته
وش لونكم وش اخباركم
عساكن بخير انتن ياملات العافيه***
بصراحه هذي اول مشاركه لي في هذا المنتدى العزيز00000واتمنى انه تنال وتحوز على اعجابكم0
القصه ومافيها من الواقع المرير الذي يدل على براءة الطفوله وحرية التصرف00المهم نبدء بالحتسي اللي يجمد على الشارب0000يوم كنا صغار كان الوالد الله يعطيه العافيه كل يوم اربعاء يجمع العيال من سن سبع سنوات وما فوق وياخذنا معه للبر عند الغنم والبعارين نجلس خميس وجمعه والشاهد اننا نحتري يوم الاربعاء بفارغ الصبر00حنا عددنا اربعه اصغرنا ابو سبع سنوات والكبير خمس طعش سنه0
طبعأ تبدى القصه من يوم الاربعاءالعصر كل واحد ياخذلوه كيس مخفي يعني ماينشاف اللي وراوه ويدعس بوه لوه سريويل وثويب وبجامه للنوم وكتاب التوحيد والعلوم تسني ابذاكر اختبار السبت ونقرطهن بالحوض مع اكياس الشعير ونركب كلنا فوق بعض لان الجيب شاص---يعني غماره وحده فهمتن---ايه نكمل
ابوي دايم يحط الصغير بجنبوه يخليه يفحج على القير وتحتوه الرشاش
وعلى الطبلون ام خمس00والله ان هذا اللي يصير بس الله حامينا من ابوان ارهابيين00
المهم مانطوله عليكم00اذا وصلنا هناك انواع الكرف من الوالد0اللي يقوله افرش الفرشات --واللي يجمع الحطب ويشب النار واللي يعبي ابريق المفواح --واللي يحلب البعارين مع الراعي--واخوي الصغير كان ابي مدلعه يقوله انت رح تفرج على البهم00طبعآ كل هالاشياء تهون عند رغباتنا بعد الساعه 12 من منتصف الليل اذا نام الشايب00وهي تبدء بدحدرة الجيب مسافه بعيده عن الخيام وبعدين نشغله ويبدء الشغل ويالله طول الليل وحنا من عوشزه لجرف ومن جحر ضب لجحر جرذي وانواع القفزات البهلوانيه على المهسهس وراء الجرابيع امحق من صيد تقل ذابحنا الجوع لا ونذبحهن بعود رمث ونشويهن ونبلعهن---احساسنا في هذه اللحضات اننا صدنا قحوم وارانب00طالت هالسالفه على هالموال واخر شي ملينا وحسينا ان هالشي مافيه متعه ولا فايده عقب ماوقفنا الشايب بالصناعيه كل يوم سبت وحواجبوه طايراتن بصلعتوه متهول من خراب الجيب اللي مايجي الابعد الخميس والجمعه0
المهم00رجعت لنا برائتنا وصرنا نتجمع على الكبس بعد العشاء نلعب ام تسع وننام الساعه عشر00الابأحد الليالي جانا السوداني راعي الابل وجلس معنا واندمج مع اللعبه ومع السوالف وقعد يتذكر ايامه مع الناس اللي اشتغل عندهم قبل لايجينا00
وتذكر الاتي00
قال كان يشتغل عند ناس بدو وعندهم عيال مجانين0يقول كانو يلاحقون تكرمون (حمير)جمع(****)بالليل00في هالاثنا رجعت لنا شياطيننا وحسينا اننا ولا شي00العيال جالسين يطاردون (حمير)وحنا نلحق جرابيع اخييييييييه بس وااااكصم وجهي00
ايه وبعدين كمل يازول-----قال الزول يلحقونهن ويجمعونهن بشبك ويصبون عليهن (قاز)ويشعلون النار فيهن ويخلونهن يركضن وهن مشتعلات000
بصراحه اغرانا الزول بكلاموه وقمنا نفرك الارض ب............من الانسجام والفرحه بالمشروع الجديد00وعندك هويتكلم وحنا نحلم انهم حنا اللي نسوي هالبطولات00
ويالله ونطبق من الليله اللي بعده وخصوصآ ان الحمير تجي تشرب من وايت الماء
[[[جت لك يامهنا على ماتمنى]]]]ونقوم نحشرهن مامسكنا الاواحد منهن صغير ويالله تبدء الجريمه الساعه الخامسه وجه الصبح**يالله صباح خير00حضرالعده يافلان00جركل القاز وكبريت ونصب نص الجركل على ظهر المسكين وعلى راسوه واذانوه وذنبوه وعلى العراقيب وحنا فاطسين من الضحك 00ويقوم اخوي الاوسط بأشعال النار في الحميروهوينطلق يجيك يمشي عشرالاف وانواع المنافص خضيير 00وهويجدع نفسوه بالشعيب اهب ياذكيوه ويفرك ظهروه بالارض شكلوه متخرج من الدفاع المدني بس عيا لايطفي00في هالاثناء لاحظت الاسف بعيون الربع والتفت على صغير القوم ليمار مغورقاتن عويناتوه تقل عيون مجلخ بصل وكاتم نفسوه --وهوينطلق وراء الحمير وياخذ تراب بيدوه ويكوحوه ويوم شفناوه كذا رحنا بثروه نسوي مثلوه رحمنا الحمير--ويوم جاء الظهر ليمار الحمير منتفخ على حزم الضامي وظهروه منزلط--مشوي وجاهز
وحنا نروح للزول قلنا لوه والله الانعلم ابوي عليك انت اللي فسدتنا--وهو ينخرع ويروح مع الغنم
يوم رجع المغرب ليمار جايب معوه شي ومغيبوه يقول هازا الشي انا جايبوه ليكم هديه ااااي
وخاصتن الزغيرون هازا يعني اخوي الصغير يرشينا علشان مانعلم عليه0وهويطلعوه ليمار ((جرو))صغير الله يعزكم ولونوه ابيض ناااصع0وفعلأفرحنا بالجروونسينا المشكله وجلسنا نحلب المعزى ونسقي الجرو0والزول كاشر يراعي لنا اللي يشوفوه يحسبوه متشقق من الضحك00
وهالجرو لوه قصه لذيذه اذا تبونها تامروني امر 00واذا ماتبونها اختصروها
بكلمتين-------ضف----------فيسك------
اتمنى ماطولت عليكم0000تقبلوخالص احتراماتي0000000000
