كون مطيردة

السلام عليكم جميعا

ما دعاني اكتب عن هذة المعركة هي اني وجدتها مكتوبة في موقع وموضوع ابيات لهزيمة شمر بها

والمعركة حدثت على وقت الملك خالد رحمه الله وهي بين الخرصة ومعهم اثنين من رجال السويد بقيادة شافي السحيمي البريكي والجعافرة من عنزة ومعهم بعض ابنا عمهم بقيادة الامعط العواجي
وقصد كثير من شعرا شمر ابرزهم خفيج الرمالي وابن عمران السويدي وعبيدالله سالم وراضي الربوض من الزميل وغيرهم الكثير وكثير من شعرا قبيلة عنزة وما يحضرني الان قصيدة / شفق حشم الجهيلي

راكب اللي من جبــل حايل تمد !!!!! فـــوقـــــها منـــي وصــــــاة لـلعـــــداه

تلفــي الامعــط وقلـــه لايـــــــرد !!!!! شيخ من شيخــــان عطبيــــن الهواه

عد الي منكم ذبحنـــاهــم عـدد !!!!! ويازحمـــنا الشيـــــخ تر هـــــذا جـزاه

كم هدمنا رباع من فـــوق العمد !!!!! كــــم حيـــلنــا مــن بنــــات متـــرفــاه

ننطح المخــطيــن بعيــال تسد !!!!! نردع المخطـــــي وندبـــل لــه خطـــاه

ياركبنـا ا لخيــل وانقــد السـعد !!!!! عـــادة سرحـــان نجـــدع لــــه عشـــاه

وكان تبــي حربنــا ومثلــك ولــد !!!!! هات لنــــا الرخصــة ومن الي عـطــاه

هات لنا توقيــع خالد مــع فهــد !!!!! وتلقــــــا ربعـــك بالعصــــور المـــاضياه

ما فعلــوه جدودنــا حنــــا بعــــد !!!!! لين تطفــي النــــار ويبطــــل سنـــاه

هذا قولي وانا من ربع الاســـد !!!!! شيـــخنـــا مطلــق وحـــنـــا مــــن وراه

من السيافا شيوخ شمــــر ياولد !!!!! من سودان الــــروس من روس العصاه

وهذة ل محشم حشم الجهيلي

مزنة تمطر غضب قامت تحوس @@ دونها الخميس قاموا ينتخون

حسن السعدون بايمنها يهوس @@ وناهي العقيل ظهـــر له فنون

المراجـــل ما تهيــــا بالجلـــوس @@ تبي ربـــع يوم صارت يفعلـون

جو يبونا طفحة ............... @@ وزغرتن لا فعالهــم نجل العيـون

ودمتم

نايف الجهيلي




تسلم والله على ايراد مثل هذه القصائد الثمينة


اخوك

وعليكم السلام

سلمت يمينك لهذا الجلب الرائع

الاخ نايف الجهيلي تسلم والله يعطيك العافيه .
وبيّض الله وجهك ومشكور وما قصّرت

يعطيك العافيه يانايف

تسلم يابعد حي

لاهنت

اخوي هايس الشمري


ما قصرت يا بعدي و يشرفني مرورك


ولا هنت يالغالي


وفقك الله

الاخ نايف اظن فيه قصيده قيلت بهالمناسبه من ضمنه :

(وين عقاب وين حجاب وين سعود )
(ولا تعيوج ياعواجي ......)

اذا هي عندك الله لايهينك نبي منك

بنت النور


يا هلا فيك ومن قال يسلم


حياك الله وما قصرتي


شاكرين

الاخ العزيز نايف هذي القصيده قيلت ((ماادري بالكون هذا او بسالفه ثانيه )) ويسنده صاحبه على الامعط العواجي :
[poem=font="Simplified Arabic,5,white,bold,normal" bkcolor="transparent" bkimage="" border="double,medium,white" type=4 line=0 align=center use=ex num="0,black"]
يابو صالح دارنا دار الجدود=محتمينه من عقاب ومن حجاب
ندري انك شيخ والساس محمود=مار قدّامك شمر تهدّي الصعاب
ياأسد بالله لاتصادم أسود=تر جدودك راحو في روس الحراب
امش (سيدا) ولا تعرّض للحدود=تر بجحر الداب يابن الشيخ داب
احذر تزحم عنز وجدي للنفود=واحذر قعر الذيب تاطى له تراب
لاتغرك الغشيّه والكبود=ماتروح الدار منا بإغتصاب
ماتروح الدار وشمر بالوجود=لاتحسب الدار سكانه غياب
كل يوم ٍ مثل صولات القرود=ولا يضيّع حقنا نفض الثياب
من قديم نرسي في وجه الجرود =لاغدى عج الوغى مثل الرباب
كم شيخ ٍ مثلك وان بغى يزود=لازم ٍ نسقيه من مر الشراب
وكم شيخ ٍ منكم من ثمدا ثمود= طشّته عقبان شمر للذياب
عد خبرك تر تقنع بلا شهود=لاتعيوج ياعواجي بغير باب
كم صلتو وكم حطيتو باللحود=كم توطّت شمر ٍ من شيب ٍ وشاب
وين عقاب وين حجاب ووين سعود=صالو وجالو وخضعوا عقب اضطراب
يااخو ذكر لاتناطح للسنود=تر شمر لكم مثل الالتهاب
من عصر سعدون لاعدتو نعود= انتم مثل الجن وشمر كالشهاب[/poem]

ماادري اذا عندك خبر منه ؟

نايف الجهيلي

الله يعطيك العافيه

ولاهنت

..".."..

إيرَاَد ثمِين

يعطِيك العَاَفِيه علَىَ الجلب المُمِيز

الف شُكرٍ لك

كُن بخِير

..".."..






.

[size=7]الله يعافيك يالغفيلي



شاكرين مرورك



وما قصرت يالغالي[/size]

الاخ العزيز ابو فراج


شاكرين مرورك وبالنسبة للقصيدة اللي ذكرتها اتوقع انها بنفس الكون لانه لم نسمع بمعركة للامعط ضد شمر غير هذة المعركة وقصد كثير من شعرا شمر واذا تعرف قايلها ياليت تزودنا يابو فراج او قصايد اخرى لنفس المعركة


دمت لنا سالما


وما قصرت

[
size=4]اخوي العزيز اجا


الله يعافيك ولا هنت يالغالي



اسفين على التاخير[/size]

الاخت سيدة القلم


بارك الله فيك ومشكور على المشاركة


واسفين على التاخير

بسم الله الرحمن الرحيم

قال الرسول صلى الله عليه وسلم .(دعوها فإنها منتنة), الأخوة الأعزاء في مضايف شمر,
وفعة مطيردة حدثت بين ولد سليمان وشيخها العواجي وبين ولد سليمان ,مع شمر وكان النصر حليفالولد سليمان والوقعة ليست بالبعيدة.
وفيها قال احد الشعراء:
بمطيردة هجيت من فوق الاموار يوم إن جمعك ما تجمع فلوله
ريح ضميرك عندنا كل الاسرار نهار جيش ابليس واللي انتخوا له
الحق حق ودوم للكذب دحار والباطل الله داعي(ن) في نزوله
++++++++++++++++++++++++++++++++++++++++++++++
هذا ليس تعصبا أو انحيازا ولكنه التاريخ يطلب إنصافه . يا أخوان عنزة معروفة منذ فجر التاريخ
وامتدت من نجد الى اواسط تركيا , وهذه القبيلة التي ضربت فيها الامثال بالقوة والمنعة
حتى قيل(كل قوم ولا عنزة) .
فأرجو التثبت مما يقال وأرجو من الاخوة القائمين على هذا الموقع التأكد قبل ايراد اي قصة
او ادنى شي مما يثير مشاعر الصخط والتعصب , والافضل عدم ايرادها من الاساس.
واقترح تيير اسم الصفحة الى اي اسم اخر بدلا من معارك عنزة وشمر
مثلا من((القصص الطريفة لعنزة وشمر)) مثل قصة محى الهبداني مع الجربا.
يا اخوان اقرب القبايل لعنزة شمر والعكس صحيح على الرغم من كل ماحصل بينهم في الماضي. وادل دليل فزعة الفدعان للجرباء وربعه ضد الشرابي وقبيلته الولدة
بين الدليمي منزلك والعقيدي لاجي طرودي بين شاوي وحمّار
نسيت يوم انك تضلل بحيدي غدت لك الويلان مزبان وستار
شي وكاد اللي هكا اليوم صيدي تسعة مشايخ طوحت فوق الاكوار
وانتهت بانتصار شمر و الفدعان.
حتى عندما يتقاتلون فإنهم لا يرضون الكسيرة على بعضهم.
إن قلت شمر جاوب الصوت عناز وان قلت وايل جاوبن طنايا
يا أخوان التاريخ يطلب حقه وإنصافه.................................................................. .
الاخوة الاعزاء دعوا الماضي وما حدث فيه من جاهلية وخذوا منه كل ماهو الدروس والعبر
وانبذوا الفرقة والكره والتباغض .
يا لأخوان الامم تتوحد على كل ما بينها من خلافات جذريه ولاكنها تتظافر للنيل من كرامت أمتنا الاسلاميه يا اخون استغفرو ربكم واوقيفو هذه المهازل والعصبيات النتنه .اللتي واله لاتزيدنا الا جهلا وتخلفا وتوجهو الى ربكم بالدعاء الى اخواننا المضلومين في كل مكان,اللهم لاعز الا عزك ولا نصر الا نصرك ولا حول ولا قوه الا بك.
أخوكم/خيال البويضا