مـن مُـبـلـغ الأقـــوامِ ان مـصـيــولـن !
http://kld213.jeeran.com/s22.gif
8
8
ملطوشه :)
الا يا ايها المطنوخ الطويلُ الا انجلي ـــــــ بشبثن ومالشبث منك بأجملي !
المطنوخ بالله للحين مسابقة الفله ماخلصت هههههههههه
والله لو هي مسابقه مكسيكيه :)
تصدق ذكرتن بالمسابقات اللي تجي على قناة السودان برمضان !
لو انا منك اسحب هالمسابقه واتبرع بريعه للمتقاعدين ــــــ خل ابو خليف يسترزق :)
عبدالعزيز ادري انك مثلي ماتدري هي بك ولا باللي بجنبك ـــــــ بس خذ السالفه !
عملت لي عملتن البارح الله اعلم به ــــــ منه ماجيت البيت !
جدي للحين يبي حنوكي :)
اخيييه ـــــ والله اني افتشلت وتلفع وجهي !
من عقبه دريت اني ما سرح حتى مع البهم :(
البارح ياطويلين عندنا عشاء ـــــــ لا ماهو عشاء عشي <<=== علشان محد يقول ليه ماعزمتنا :)
وبه شخصيات هامه ـــــــ جايين لجدي من برا الديره !
وعزيزين عليه ـــــ
لدرجة انه هو اللي اشرف على القهوه والعشاء ـــــ وحتى الذبايح هو اللي منقيهن :)
انا بي بلا واعرف نفسي ــــــ اللي هو لازم اجيب العيد !
يعني الا اكب دله ـــــ ولا انثر كاسة حديهم
هذا على خفيف ــــــ
واحيان تاصل لكب طاسة لبن على حدا هالشيبان ـــــــ هذا ليا وصل قردي حد الذروه !
جو الرجال وتقهوو ــــــ وانا للحين مجودن روحي !
جاء وقت العشا ــــ
وجت سيارة المطبخ !
وهو يلحقن جدي ـــــ يبي يشرف على تنزيل الصحون والماء والبيبسي واللبن وملاحقاتهم !
جيت ابي اشيل اول صحن ـــــ وهو يحشرن جدي !
خله خله يقول ماتقوا له لحالك ـــــ وين العيال مايجون يساعدونك !
قلت بقلبي العيال والله بالاحيمرات !
قلت له ــــ ماهي اول مره انزل الصحون لحالي ــــــ خلن بس اعرف شغلي !
وهي تمسك عناد مع جدي قال ــــــ يا اشيل معك ياتصوت لحدا العيال !
انجز بسااع نبي نقلط الرجال تأخرنا عليهم !
من دلاختي قعدت اردد كلمة جدي الاخير نقلط الرجال تأخرنا عليهم
وانا امشي للمشب ابي ادعي احد عيال عمي ــــــ وكلمة جدي الاخيره بقلبي اردده مادري ليه
يمكن من الزعل والتعب لأني من صباح ربي وجدي كادن !
دخلت المشب والشيبان منسجمين مع السوالف ــــــــ واقعد اتلفت نسيت اللي انا مرسلن له !
وهي تطري بقلبي كلمة جدي ـــــ نقلط الرجال !
وانا اقولهم ــــــــ ثورو ثورو كلكم ولا يقعد احد
يالله حيهم
قم يابو فلان وانت يابو فلان
وانا اقعد اسحبهم قومو ـــــــ وتخبرون الشيبان كلن يقول شف ابو فلان قومه
وانا اقعد انتل هالشيبان ـــــــ !
والعشاء وينهو !؟
العشاء بسيارة المطبخ ! ياحالة قسقس !!
قامو الشيبان وقبل لايدخلون المقلط بامتار تذكرت ان العشاء بالسياره ــــــــ وهي تخمن ام الركب !!
وش اقولهم ارجعو ارجعوا ـــــــــ امزح معكم !
وشلون ارقعه !!!!
وهو يقعد يتلون وجهي اصفر واحمر واخضر وازرق وبني وبنفجسي !!!!!!!
دخلو المقلط ـــــــ الا هو يهوي
مابه الا الجدران والستاير ـــــــــ حتى السفر مافرشتهن :g:
قلت ااااااااااااااا
ووووووووووووووو
ااااااااالعشاء بالسياره ـــــ اجلسو اجلسو
ارتاحو وثواني وهو عندكم
وانا اروح ومعي بعض الربع القريبين يم جدي عند السياره برا ـــــــ
مادري بشي للحين !
احس انه حس ان به شي ماهو طبيعي !!
وعقبن يم المقلط
المهم نزلنا الصحون ـــــ وانا اشووف جدي يتحوفن بنظراته ـــــ !!
تعشوا الرجال ــــــ وهو يلزم حديهم على جدي الا يقلط معهم
عياا جدي يقول ابي عند الشاهي
ــــــ وانا ابي الفكه ـــــــ قلت والله الا تقلط ياجدي ياحيفك بس انا وين رحت انا عندهن !!
ماله حجه قلط ــــــ ويوم قامو الرجال وقام جدي !
قلطت انااا مع الثانيه !
اروغ عن جدي
قمت الا وثلاثة اربااع الشيبان سارين !
وانا اعدي للشارع ـــــ ركبت سيارتي وعلى وجهي
حتى جوالي قفلته !
والله مالي وجه احط عيني بعين جدي !!!!
من مبلغ الاقوام ان مصيولن ـــــــ ــــ ك ـ م ــ ل ــ و ـــ ه ـــ اـــ ل ـــ ب ــــ ي ــــ ت ـــ ت ــ ك ـــــ ف ــ و ـــــ و ــــ و ـــ ن ــــــ
