ياليـت بشعـب المملكـه كــم ملـيـون
رجالٍ مثل ممـدوح الافعـال سلطـان
سلطان ابو نايف مهـو شـك وظنـون
اللـي لـه الامجـاد والخـيـر عـنـوان
ماقدمـه سلـطـان للـنـاس بــه عــون
يامـا فـرج همـاً علـى صـدر بلشـان
للخيـر مالـه كـل الاوقـات مـرهـون
عسى عظيم الشان يجـزاه الاحسـان
عــزالله انــه يزبـنـه طـالـب الـعـون
مـاهـو عـلـى مـالـه بخـيـلِ ومـنـأان
ياما فرج هماً علـى صـدر محـزون
عنـد ابـو نايفـنتـهـي كــل الاحــزان
لله ثـــم للـشـيـخ بالـعـسـر يـنـصـون
من المملكه وايضا بعيدات الاوطـان
ماقـول كـل النـاس مـاعـاد يعـطـون
والخيـر مـالـه بينـهـم بالفـعـل شــان
النـاس لـو ماقـلـت بالفـعـل يــدرون
لـكـن شبـيـه سهـيـل يـفـرق اليـابـان
يامـا عتـق مـن سبتـه كــم مسـجـون
محكوم با لقصاص بالشـرع ومـدان
مابـاقـي الا الـنـاس تـاتـي يـعــزون
وجاه الفرج من عند خـلاق الانسـان
ثـم الشهيـم اللـي لـه الـنـاس يـاتـون
اليا ختلف في وزن الا فعال ميـزان
اليانـصـى نـــاسٍ بـشـوفـه يـحـيـون
حـي الله اللـي بــا لمهـمـات مـزبـان
كلٍ يقول اطلب على رضاك ممنون
ماتطلبه لـو كـان صعـبٍ علـي هـان
للمـرجـلـه تــــواق مـانـظـرتـه دون
طيبه ماهـو مـره علـى كـل الاحيـان
اللي علـى اسمـه للاسامـي يسمـون
ياكثر من سمـوه علـى اسـم سلطـان
بوجهـه بشيـر الخيـر لـلـي يعـانـون
شـح المـوارد مـن هـل الـبـر بــوان
عطـاهـم الـلـي بالمطـالـب يـريـدون
والفـعـل للفـاعـل شـهـاده وبـرهــان
ابـار منـهـا الـنـاس قـامـوا يــروون
من ينكر اللي شاهده شوف الاعيـان
وخفف عنا ناسٍ من الطرق يشكـون
عقب العنا درب الصحاري لهم زان
طرقاً معه في راحت البـال يمشـون
قـاراً مشـا مـع وسـط نـفـداً وكثـبـان
وللـي بساحـات المسابـق يعرضـون
للهجن هـي والخيـل ساحـات ميـدان
ولمزايـن البـل كـل عـامٍ يحضـرون
حـط التنافـس بيـن زيـنـات الالــوان
ونهـنـي الـلـي بـالاوايــل يـفــوزون
ساعة فرح حنا بـه احبـاب واخـوان
ماضنـتـي لافـعـال سلـطـان ينـسـون
ومن شاف بعيونه خذا العلـم وكـدان
ياعـل مـن جابـوه بالخيـر يحـضـون
يوم الوفا يمشون مع جمـع رضـوان
مـع مدخـل الريـان بـالاسـم يـدعـون
لهـم مـع الابـرار مـدخـل ومسـكـان
لـذكـر الـوفـا ثــم الـدعـا يستحـقـون
وللـي بعـد بالخيـر مـن بعدهـم بــان
ياكثـر اللـي للشيـخ بالخيـر يـدعـون
وهاذي مكاسب من حفظ قلبة ايمـان
واعداد ماعيون البشـر بـه يشوفـون
صلوا على خير المـلا نسـل عدنـان
