من الذي يتحمل ماجرى في حائل؟؟؟
بسم الله الرحمن الرحيم
اخواني
يمكن اللي ساكن بحايل سمع في الاونه الاخيره حصول حالات اختطاف للبنات
من امام مدارسهن
قبل يومين وجدو بنت امام احد المساجد
قبل ثلاث ايام تقريبا خطفت بنت من الثانويه
وقبل شهر وجدت فتاه "بالنقره" وهي منطقه عندنا بحايل
ويوم سألوه من اللي خطفوه قالت "افغان"
الله واكبر حتى الاجناب يلعبون بأعراضنا
واللي دفعني لفتح الموضوع هذا حادثه حصلت لي اليوم
اليوم تقريبا الساعه 12 وعشر دقائق مريت من عند حي "صديان الغربي"
المهم كنت عطشان قلت خلن امر احد البقالات اشتري ماء قبل تسكر المحلات
لان الصلاة كانت قريبه
المهم كانت فيه بقاله بجنبه ابتدائيه بنات والمدرسه كانت شبه فاضيه
ماعدا ثلاث بنات صغيرات كانن واقفات عند ركن المدرسه وتقريبا هن من صف رابع الى خامس
المهم نزلت ولاحظت ان البنات اول مانزلت من السياره عيونهن لي دخلت البقاله وهن يراعن لي
يوم طلعت وركبت السياره تفاجات انهن قامن يركضن يمي جتن اكبرهن
قالت: "ابوي تأخر علينا وحنا متعودات اذا تاخر نمشي على رجلينا يم البيت بس يوم بغينا نروح جونا راعين السياره السوداء هذيتس يبون يسرقوننا"
التفت لقيت " فورد" سوداء قديمه به خمسه وكان الشارع فاضي
وسواق الفورد من تشوف وجهوه تغسل يدك سكّار مع مرتبة الشرف
المهم مابغيت اتسرع واخذ رقم السياره خفت ان البنات متوهمات
قلت لهن امشن قدامي وانا اتبعكن بسيارتي ياما تاصلن بيوتكن مابغيت اركبهن
تحسباً للنكبات
وصلن لبيوتهن وناديت لوحده منهن قلت خلي ابوك يجي
المهم ان ابوه جاني واخبرته بالسالفه و المفروض انوه مايتأخر عن البنات
فكان ردوه انوه قال:
"الله ياخذهم الهيئه والشرطه وينهم"
الان يااخوان اذا الاهل قالو ان الهيئه عليها الذنب الاكبر
والهيئه قالت المفروض ان الاباء مايتاخرون على بناتهم
البنت المسكينه اللي تنخطف ضحيت منهو
انا بااعتقادي ان البنت يتحمل ذنبها بالجزء الاكبر هم رجال الهيئه
السبب ان الهيئه موضوعه للشي هذا ويدفع لهم رواتب للشي هذا
مع ذلك لازالت البنات يخطفن
مع احترامي الشديد لهم
تجي الساعه واحده تقريبا الشارع فاضي وقت القيلوله ووقت الغداء
والمدارس شبه فاضيه ماعدا بنت بنتين تأخرو عليهن اهلهن ولانجد عندهن احد
وين الهيئه مادري
مع ان المفروض ان رجل الهيئه ويوقف على بعد امتار من البنت وينتظر الا ان يأتون له اهله
حنا صحيح نقول المفروض على الاهل انهم مايتاخرون
لكن لو فرضنا ان والد هالبنت او اخوه تعطلت سيارتوه البنت وش تسوي
"استميحكم عذرا اذا اخطأت على رجال الهيئه ولكن هذا الواقع
والذي لااله الا هو اني انغبن اذا سمعت بنت مخطوفه"
واللي يقول كلامك غير صحيح المدارس موجوده بامكانه ان يذهب ويشاهد
اخيرا تقبلو تحيات اخوكم
وين اهل البنات وين الشرطة عنهم
شكرا اخي الكريم على الموضوع
والحق اولا على اهل البنات
وثانيا على الشرطة
وين النشاما ما يقعدوا لهم قرب المدرسة ويلقوا القبض عليهم ووروهم انجوم الضحى
