المعلّقة الخامسة..بل السادسة...للمنتهين فقط

السلام عليكم ورحمة الله وبركاته
يامعشر القوم ...ايها المواطنون والمواطنات...لقد رحنا مع ردنه مع الاسهم الله لايريكم مكروه ...اما
بعد:
اليوم استدعوني البنك قالوا تدفع على كل سهم 500 ريال حتى نبيعه لك ...قلت اصلا قيمة السهم كله
300 ريال وشلون تجي هذي...قالوا حنا نصحناك ورايح تندم...طبعا رفضت. قالوا اجل الله لايهينك
شف اسهمك بهكا الخيشة شلها رح تصيد بها جرابيع...عاد انتم الله يسلمكم عارفين البير وغطاه
عندي سليك ولذع ...قلت ياولد مابدهاش ابي اشقر على جماعة الربع واوسع الخاطر...واوسع صدورهم
وهذا اللي عندي...وسلامتكـــــــــــــــــــــــــــ� �ــــــــــــــــــــــــــو


البارحة قربت ( صفر).. المعاميل @ يوم ان بعض الناس شانت ظنونه

وشربت لي فنجال وعقبه فناجيل @ من ظمنها...... فنجال ماتعرفونه

وفكرت ..بالبرّان والليل.....والخيل @حتى...(بخشبهم) ليه مايصبغونه

وغنيت لي لحنين مع(سالم حويل)@ وكتبت لي بيتين..... من هالنمونه:

ياراكب"ن" من عندنا( نجمة سهيل)@ واليا... سرت.... بالليل مايلحقونه

والا على جرم"ن" وفيض به السيل @ والا على تيس"ن" طوال"ن"قرونه

تلفي على ربع"ن" كرام"ن"مهابيل@ فيهم من" الرقة" بقدر" الخشونه"

بلّغ سلامي وخصّ لي منهم (صخيل)@ اسأل.. عنه تر.. كلهم.....يعرفونه

تلقاه (بالدكه)..... وعنده.... رجاجيل@ رجل"ن" (وسيم) بس حول"ن" عيونه

تلقاه مرة لسوق الأسهم.....(تحاليل)@ وتلقاه... ساعة (يمدح) المعكرونه

ومرة.. تجيه يسب ...لعب ( البرازيل)@ وتلقاه... مرة (بالشماغ) او بدونه

وصّل له الاخبار.......من دون... تاجيل@ معلومة"ن" مهمة"ن" من شؤنه

قلّه.. حبيبي له عيون"ن" مظاليل@ اما حبيبه قامزات"ن " عيونه!!!

وقله حبيبي يسهر الليل ( بالليل) @ والاحبيبه وارمات"ن" جفونه!!!

قدس الله سرك




.

تبي الحقيقه .. والله اشتقت لك ..


وتبي الصراحه .. انت اكثر من يشدني هنا ..



واكون معك اكثر صدق..



انت .. غير..




صح لسانك .. بس البرازيل هذي وين ؟؟

وين لقيته يالبناخي الله يرجك واسمحلي اقول اوقتنك دحدرت مع هالاسهم
يما اثرت عليك او مادري عن الفنيجيل اللي عقب المعاميل خلاك تنشد عن الباب
ليه ماصبغوه واوقتنه قريطيسه لانه اقلعبك يم نجمة سهيل مره وحده والفنجال من السقف وجاي مايبعد يالبناخي واشكرك كثيرا على هالقصيده...

[movet=left] ولد عم جار امير الحزم (شقيقه) [/movet]

أخوي عصير الله يعوضك خير مما فقدت...



اما صبغة الخشب هذي شكله ماسكه غلط!!!





يسلمواااااااااا....

.

هههههههههههههه
مثل ما يقولون أهل الفضحى : على ذمة الراوي .: ترجمة طنخان , نسيت المثل من كثر الأسماء


لا حول الله يعوض عليك ياخوي


معلقة فريدة


تقبل تحياتي

اقتباس:

---

شف اسهمك بهكا الخيشة شلها رح تصيد بها جرابيع

---

جرابيع

جرابيع

جرابيع

:)

اقتباس:

---

والا على تيس"ن" طوال"ن"قرونه

---

اقتباس:

---

رجل"ن" (وسيم) بس حول"ن" عيونه

---

اقتباس:

---

اما حبيبه قامزات"ن " عيونه!!!

---

اقتباس:

---

والاحبيبه وارمات"ن" جفونه!

---

بعد :)

عادي كل ما سبق من تأثير الأسهم

البارحة قربت ( صفر).. المعاميل @ يوم ان بعض الناس شانت ظنونه

وشربت لي فنجال وعقبه فناجيل @ من ظمنها...... فنجال ماتعرفونه

صح لسانوهـ من حصانوهـ

الله العالم انه ماهو بس فنجال اللي مانعرفه فنااااجيل

قلّه.. حبيبي له عيون"ن" مظاليل@ اما حبيبه قامزات"ن " عيونه!!!

وقله حبيبي يسهر الليل ( بالليل) @ والاحبيبه وارمات"ن" جفونه!!!

اقول ابد يالقاضي الا يختمه بغزل:tongue:

اقتباس:

---

اما صبغة الخشب

---

احسبوهـ صبغة الله:)

واقول بعدها ،، للي كتبها ،،،

يسلمووووووو ...

ياخي كل ليله


اركب التيس اللي قرونه طوال :)

وأقصد أنت و سالم حويل :)


وخلك من الأسهم ووجع الرأس

يعين اللـــــــــــه

قراءه في معلقة الاسطوره ابوكهرب..رفع الله قدره وأكرم بنانه:)

معلقه جديده فماذا عساي ان اقول؟؟ (انثبر ولاتقول شي:) )

بل سأتجرأ وأخربه وسأتنبأ بما كان يدور في حويصلات عصير المخيه (يالربع لا تلوموني توني مخلص من كتاب تنبؤات نوتراداموس:puzzled: )

البارحة قربت ( صفر).. المعاميل @ يوم ان بعض الناس شانت ظنونه

صفر= اعتقد والله اعلم ان له علاقه برصيده هالأيام؟ :puzzled:
---------------------------

وشربت لي فنجال وعقبه فناجيل @ من ظمنها...... فنجال ماتعرفونه

ماهو فنجال الضيم؟:goooood:

---------------
وفكرت ..بالبرّان والليل.....والخيل @حتى...(بخشبهم) ليه مايصبغونه
الخشب= فيه اشاره الى جذوع النخل والنخل اسم مرتبط بمدينة بيشه وبيشه شركه دهورت كثير من الضعوف بل وحتى الهوامير ونخشى ان يكون صاحب المعلقه احد المتعلقين بهذا الخشب:) وقوله (مايصبغونه= سؤال ينم عن يأسه من تحول اللون الاحمر الى اخضر:tongue:
------------------
وغنيت لي لحنين مع(سالم حويل)@ وكتبت لي بيتين..... من هالنمونه:
سالم حويل= يظهرلي:) ان الشاعر يشير الى شركة حايل وقال (حويل) لتتماشى مع القافيه (لله دري:) )
----------------

ياراكب"ن" من عندنا( نجمة سهيل)@ واليا... سرت.... بالليل مايلحقونه

لم اجد لهذا البيت الا تفسير وحيد واخشى ما اخشاه ان يكون شاعرنا قد حصل على تسهيلات بنكيه وان صدق تفسيري فلا اعرفه ولا يعرفن:)
--------------------------

والا على جرم"ن" وفيض به السيل @ والا على تيس"ن" طوال"ن"قرونه
ما اقول الا خل المواشي تنفعك:p:
---------------------------
.
.


.

.


اترك البقيه للي فاضي ويموت بدباديب الشماته .. وتروا عصير محللكم ومبيحكم وش ماقلتوا خخخخخخخخخخخخخخ

عدّي اشوف محارش مفسرن ذرعانوه تقل عليلوه مفطّح :) لأني اعرفوه يمووت بهالسويلفات خخخخخخخخخخخخخخخخخخخخخ



هلمّوا جرّا:good1:

^
^
^

عصير الاسهم...اسف عصير الكهرب عدي اشوفه عقب هالنزول يتسويه بالقوايل

مفتاح 14 يعني يابا الفيت صايرالدقاق ولا شبكشي

محارش وما ادراك ما محارش كذوبن مايصفي على ظهره الماء

يكفي اني اشوف الموضوع بحذافيروه منقول بأحد المنتديات ومذيل بأنه منقول من مضايف شمر ومن عصير الكهرب


عصير 240 فولت

لافض فوك

وعقب هالارتفاع اكتنك تبي تغير هالقصيده لمدح:)

خشمك يابوكهرب ><

لاهنت يالعشير

السلام عليكم جميعا واسف لتأخري بالردود نظرا لانشغالي بالتسجيل في صندوق الفقر....على فكرة اجراءت التسجيل سهلة وميسرة..ربما سيكون موضوع مستقل

سلطان الحجاج (نبراس سابقا):وانا اقول ياربي وشو سلطان الحجاج....اهلا...في اهلا...اس10اهلا...ياراجل فينك...وين الغيبات....ياخي اقل شيء عندك الماسنجر...كنت عندكم قبل مدة قلنا نشوفك ياواد بس....غبت مثل غيبت صاحب السرداب عجل الله فرجه وفرج امن جابته...والله مشتاقلك...ياحبيب البي هالطله

الاخ ولد عم جار امير الحزم:اولا زادني مرورك تشريفا...ثمن هالاسم وشلون نخشته يملا الفشاش؟؟؟
ولا تدقق يا لبناخي.....كثير...الناس كله ترقل!!!!!!!!

الاخ العزيز مناكد: شاكر الزيارة....اما ماسكتن غلط ...فهي ماسكة....انت تشوف؟؟؟؟!!!...والا وش دخل صبغ الخشب بالسالفة....لاهنت يالغالي

اخوي اسير الليل:شرفتني بمرورك يالغالي...الله لا يحرمنا طلتك

اختي الملاك غيداء:شرفني مرورك اختي الكريمة....لاتشرهين واجد وانا اخوتس

اخوي راعي الوقيد:ياهلا والله ومرحبا....عاد خليت كل هالمعلّقة ولا دققت الا بها الفنيجيل؟؟؟؟
اما عاد القــــــــــــــــــــــاضي هذي والله اني ضحكت ياما انصفرت....انت مقلع...ولا بك طب!!

اخوي الزقروطي....شرفتني زيارتك الكريمه.....وعلى ماقلت الله بيعين

الاخ ورفيق الدرب المفتاح الرابع عشر:ادام الله ظلاله الوارف فوق طاقيته اما بعد:
انت منتهي ورايح فيها...وخبل ...وترقل.....وش بقي بعد....ياخوي والله ماخبلني الا انت من يوم ماشيتك
وش التحليلات اللي انبطحت على الجرح الغائر في اديم الكوكب اللولبي....يافتى....ماذا تقول...لقد فضحتني بجلاجل...وسدير...لك الله ايها المفتاح الذهبي.....وش حنا بدونك(يرقع...بس ماعليك منه ...اخصره...وعطه اشكل)مابعد قولك قول....امالشماته يا"بسرة القلب" فهي حصلت...ويا شماتة ابله ظاظا فيّه

الاخ العزيز :عبدالله الجعيثن....شرفني مرورك الكريم اخي...ويالله من يد نشيط ليد متعافي

صاحب المعالي المظلي الركن المدير الطنوخ:ادام الله ظلّه الوارف على مضيف فلة الحجاج ...اما الارتفاع فـــ مثلك عارف.....والعزاء بوجود الاوفياء امثالك.....اشكرك على رفع الروح المعنوية....حفظك الله اخي العزيز