((أميـــــــ الجرووووح ــــــــــرة ))
هل حدث وان اتخذت الالم خليلا ..
يرافقك اينما كنت
وتشتكي منه اليه..
وتبوح له عما سببه لك من عناء
وهو طبعا بدورهـ
سيخفف عنك ذلك العناء
بعناءٍ اشد بأساً!
ارتباطك به وثيق
في كل شيء..
حتى وان ابتسمت يوما
ستبتسم بألم..
هل حدث ذلك؟؟
في هذة الدنيا
نعــــــــم!
في دنيا الشتات
كل شيء وارد..
في دنيا القهر
لا غرابة في ذلك..
إليكم يامعشر الكرام اقدم حروفي المتواضعة..
وكلي أمل ان تحظى حروفي هذة ولوبقليل من استحسانكم..
ولا تبخلوا على اختكم بالنقد البّناء..
[poem=font="Simplified Arabic,4,skyblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالحنين اللي صداه بداخلي باقي ينادي=يالجروح اللي سكنت فيني وانا طفلة صغيرهـ
طفلتك امست بوادي.. واصبحت والا بوادي=والبراءة..مالها في دنيتي طاري وسيرهـ
آهـ.. ياصعب الحياة.. وياقسى قلوب العبادي=نيتي بيضاء.. وهم نياتهم سوداء مريرهـ
يومني طفلة حسبت الجو كله دوم هادي=وكنت اظن الناس مثلي بالنوايا والسريرهـ
واكتشفت الواقع المر..الاليم..ان الايادي=اللي مدت لي تبي تلوي ذراعي مو جبيرهـ
ياجروحي..يارفيقة دربي بدنيا العنادي=جيت لك يوم الحنايا هزها الدرب ومسيرهـ
ياجروحي منهو استبدل بياضي بالرمادي=ومنهو اللي بعثر الواني بدنيانا النضيرهـ
قالت جروحي وهي تضحك علي يابنت عادي=وشلك بألوانها اللي زادت الحيرهـ.. بحيرهـ
لا يغرك هالبريق اللي لمن مثلك ينادي=ولا تغرك هالوجيه اللي بظاهرها سفيرهـ
حلوهـ .. وخضرهـ .. ونضرهـ .. قالها خير العبادي=وكلها ملعونه الا ذكر علام البصيرهـ
ياجروحي لا يهمك أوغلي فيني تمادي=ثنين وعشرينٍ بها اصبحت في دنياك أميرهـ
كنها عاشت معاي و شاركتني في مهادي=ومن هذاك الوقت إلى يومي وانا ذيك الاسيرهـ
ماتعودت أشتكي الا لها توأم فؤادي=أشتكيها عندها.. وأذعن لها .. وهيا وضميرهـ
احرقتني هالجروح وانهكتني هالمبادي=والطريق يطول .. ماأطوله! .. انا إيدي قصيرهـ...[/poem]
قال الرسول صلى الله عليه وسلم: ))الدنيا حلوةٌ خضرهـ .. ملعونةٌ ملعونٌ مافيها الا ذكر الله))
وسلامتكم...
النجلا
