((كم عاش في طيبي غبي))!!!!!!!
[poem=font="Simplified Arabic,5,crimson,bold,normal" bkcolor="transparent" bkimage="backgrounds/23.gif" border="outset,medium,royalblue" type=2 line=0 align=center use=ex num="0,black"]
ياليل وش سر المساري تفتح اسراري وابوح=والصدر صندوقٍ عجز غيرك يمون ويسبـره
تجتاحني ظلماك واستودعك قلب أخضر وروح=فيها تساوى المقبلات بمـا تشيـل المدبـره
يا شادي الألحان صدر الشاعر المغرم يفـوح=آلام وأحـلام وكـلام وحـزن يمـلا دفتـره
أسرج خيول الشعر وآقطف من ثنايا كل بـوح=مايرضي الهاجس ويرضي كل من حب وكـره
شاعر خطب ود أمنياته مالقى منهـا وضـوح=وآعطى مواعيده سنين تعـد يومـه وشهـره
مريت من باب الثلاثين وعطى وقتي شحـوح=والروض تغريني (فراشاته) (وورده) (وزهره)
حتى ولو تاه المدى ماتـاه للشاعـر طمـوح=يسكب بسمع الليل مواله ليـا صـب سهـره
ياصغرحجم البحر والطوفان عند ألواح نـوح=يصنع سفينه تكسر الامـواج والقلـب جبـره
قلبك خلي ياعاذلـي قمريـة الـوادي تنـوح=وانا ليا ناحت يميل بخافقـي غصـن شجـره
من وين الاقيها وساقيها بـلا موعـد يـروح=والدرب سجّ بخطوة الساري طلاسـم وعبـره
يمطر مدادي كل وادي وأبني بحرفي صـروح=على مواعيده حضر فكـري وهـده وعمـره
كم عاش في طيبي غبي يهدي معازيبه جروح=مادمت طيّب شهم نادى سهم غيضه وشهـره
مافي سديم الغيث ما يمطـر ولا بـرقٍ يلـوح=ألاعجاج إليا نفضه الريح صـار إلـه غبـره
والمنتظر ظامي وأنا ايامي مثل خيـلٍ جمـوح=بيني وبين العالم الثانـي مـن الجـن شعـره
شـعـر/ عبـيـدالله الـعـرابـي
في يوم الاربعاء, 28 ذو القعدة, 1426هـ[/poem]
