(((طيّح شوارب دون قلب المعايير=وخلى نقاوة مملكتنا نقاوه)))
بسم الله الرحمن الرحيم
والصلاة والسلم على اشرف المرسلين
وتبقى معركة موازين القوى
المعركه ذات المسافات البعيده
بين سيف العروبه
ورمز الاصاله
http://upload.wikimedia.org/wikipedi...udi_Arabia.jpg
وبين هؤلاء
http://www.islammemo.cc/news/newsimages/965.jpg
[foq]انقلاب المعايير[/foq]
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
كثر المواقف وانقلاب المعايير=وزود الدها واحيان زود الغباوه
بين اضعف الاسباب واقوى المعاذير=وملامس الكف النجس للنقاوه
وين السلامه يوم نفّاخة الكير=من دوله لدوله تزيد الحفاوه
كلٍّ يرحب باليهود المساعير=باع المبادي والشقاوه شقاوه
دعوى التقدم وين ياللي مدابير=تكفون خفوا بالسنع والهداوه
خليتوا اتسوق البنات الغنادير=مركب طراوه فيه تركب طراوه
سبة فضاوة او سبب زحمة السير=وعداوة الزوجين من لاعداوه
لو طاحت بشرطي عزب صحه وعير=بيمصّها مص الولد للحلاوه
للسمع والنظرات والصوت تأثير=كلها شملها شرعنا بالزناوه*
سلّم على اللي مايهم لاغدى غير=وخل الردي يسمع مديحه وراوه
له بالاماره كسب ماهو بتأمير=وبشرع ربي حاكمٍ والبداوه
اللي يسر وبسعفة الله تياسير=للين لين وللقساوه قساوه
عبدالله اللي قدّر الوضع تقدير=للطيب طيب وللرذايل هراوه
طيّح شوارب دون قلب المعايير=وخلى نقاوة مملكتنا نقاوه
دارٍ تعز الشيخ وتعاقب الزير=ياعل روحي لابغتها فداوه
صغت المعاني يوم الابيات تعبير=فيض المشاعر جاهره بالصفاوه
ماهو طمع دنيا وانا طير من طير=لاخذتلي شرهه ولا اععطيت خاوه[/poem]
*عن النبي صلى الله عليه وسلم قال "كتب على ابن آدم نصيبه من الزنى. مدرك ذلك لا محالة. فالعينان زناهما النظر. والأذنان زناهما الاستماع. واللسان زناه الكلام...الى آخر الحديث
أهلا بكم في مشاركتي المتواضعه...عبدالستار مثقال
نتمنى ان تكون المشاركه قد حازت على رضاكم واستحسانكم...عبدالستار
[msg]أهلا بكم في مشاركتي المتواضعه...عبدالستار مثقال[/msg]
[Unload]نتمنى ان تكون المشاركه قد حازت على رضاكم واستحسانكم...عبدالستار[/Unload]
