مسهم بالخير>>>حسب توقيتي
جمعت هالسالفتين وبلشت بعنوانهن:)
..فايد الغيثي..
فايد الغيثي هو من فريس الغيثه اللي يشار لهم بالبنان
يقولون نوى عوده ابو تايه شيخ الحويطات مغزى شمر
والمعروف ان الحويطات ماهم حددا مرتع ولاهم حددا ملك لشمر
فلذلك المواجهات بينهم قليله
المهم ان عوده نوى المسير لكن يبي الدليله
جوه فريق من عنزه قالوا حنا دللاك وكسبنا من كسبك وهو يجيك عوده ومعوه الحويطات على كبة ابوه ومن معوه من عنزه
وهم يباغتون شمر هاللي بهالنفود وياخذون اللي بوجههم ويقفون
شمر فزّعت اللي فزّعت وجتك الفزوع من كل جهه يوم اجتمعو هم يلحقون تايه
بالمعركه هذي شمر كانت خليطا صعب انك تحدد فخذ معين لكن الاغلبيه كانو من الغيثه
والسويد ومعهم قطعة ربع من الرمال
مامدا عوده يتعدى الا شمر لاحقتوه وهي تثور السليما جدع خيل ومزارق رماح
وهو ينكسر عوده ابو تايه ومن معوه وتصير قلايع الخيل من حض شمر
عاد الحويطات يوم شافو فعل فايد
يهيجنون:
[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الهجن ضيق بها فايد=من فوق شيب المحاقيبي
طيبه على طيبنا زايد=يوم الدخن كنه السيبي[/poem]
..ردية الشمريه والعنزيه..
جازت لي هالرديه
يقولون ان عنزه غزت وهي تاخذ حلال شمر
اليامار فيه عنزيه عاشقتن واحد من ربعه اسموه فلاح
تقول:
[poem=font="Simplified Arabic,5,sandybrown,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
فلاح ياشوق نشميه=ياشوق من نهدها ثمّر
من ركب بنت العبيه=جاب المغاتير من شمّر[/poem]
وهم يلحقونهم شمر ويستردون الحلال وياخذون حلال عنزه
اليامار من حسن الصدف فيه واحد مع شمر اسموه فلاح
وعاشقتوه وحده شمريه
تقول الشمريه:
[poem=font="Simplified Arabic,5,sandybrown,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
فلاح ياشوق نشميه=ياشوق من نهدها نازي
من ركب بنت العبيه=جاب المغاتير عنازي[/poem][/poem]
وهذا اللي عندنا ونبي اللي عندكم
