[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
تشرق الشمس وتغيب / ويشرق الحب ويجيك = والمسافة لهفتين / وخطوتين ٍ تتبعك
ليلة الفرحة تغنـّـت بالموده تحتريك = والغلا نـبـره تهادت في رحابـة مسمعك
تلبس البسمه مكاني / وآقف بدربك ابيك= والمَـح العشق يتفجر / يا حلاته منبعك
انتي أمّـيـَـز بين ذيك / وبين ذيك / وبين ذيك= انتي اللي لامشيتي ما سآلنا من معك..!!
غاليه والشعر يكتب / يا هنّـي الشعر فيك = طبعك يسوق الذرابه / واللباقـه مرجعـك
بالسما مثل الثريا جيت يمـّـك مهتوويك = جيت انزّلْك بكفوفي / ثم احبـّـك وارفعك
قلت ابشبـع بالجمال / وعدت ثاني مبتديك= يا مْعْلّمّة العيون الكحل .. والله ماشبعك ..!!
تلفتين الشوف يمّـك / بي عروق ٍ ترتجيك= ودي انثر في ورودك / لييين ماتعب / واجمعك
يا ربيع الشعر ..شعري مثل غيمة تعتليك= ودها فوق الخلايق / تستهل وتزرعـك
ماتحسـّفت العذارى يووم جيتك مشتريك= والمهـار البيض " لمحة حِسْن مـرّت بإصبعك " ..!!
مـدي خيووط الحرير .. وحطــّي بكفك شريك= يسهرك حـد الغـرام / وثم يهيييم ويهجعـك
وتشرق الشمس وتغيب / ويشرق الشوق ويجيك= والهوى لجلك وعدني .. ما يغيب بمطلعك[/poem]
،، ،،
م . ع
