يازين شب النار حل التعاليل
قصيدة للشاعر معطش بن ردعان
رحمة الله عليه ...اعحبتني واحببت ان انقلها لكم
[poem=font="Simplified Arabic,4,black,bold,normal" bkcolor="transparent" bkimage="backgrounds/8.gif" border="double,medium,indigo" type=4 line=0 align=center use=ex num="0,black"]
يا زين شب النار حـل التعاليـل
في مربعٍ علـه مـن المـزن سبـار
يدنى لها سمرٍ خشبهـا محاويـل
يجلب سناها اللي من البعـد خطـار
تلقـا دلال البـن فوقـه مناهيـل
واللـي لفـا يلقـى مقـام ومقـدار
حق المسير يالربـوع المشاكيـل
بن ويبرى له جنـى زيـن الاثمـار
تمر الصفاري من غروس مضاليل
معا حليب العرب من كـل مزغـار
ياما حلى مرواحها لا اظلم الليـل
ترعى نبات الروض غاشيـه نـوار
حب العرابا في الحشا له مداهيل
ورث ورثته من جدودي هـل الـدار
ياما حمينا العرب جيل باثر جيـل
وانرد من صوب المعاديـن الاخبـار
معا بني عم عصاة علـى الخيـل
الاد ابن رامث هل المـدح والكـار
نتلى شيوخ تكرم الضيف بالحيـل
دعـوى شكابيـنٍ قديميـن الاذكـار
لاجا نهارٍ فيه حـذف الدساميـل
رجالهم يـارد علـى واهـج النـار
يروون حد امرهفـات المصاقيـل
لطامـة للشـره ضــدٍ لـلاشـرار
وانا من اللي باللقا تعـدل الميـل
جدي صليب الراي لا جات الاشوار
ينقل ثقيل الحمل بالعزم والحيـل
ولا هوب عن نقل الثقيـلات جظـار
واليا لفوا هل ضمر ٍتالـي الليـل
ما حسّب لكثـر المخاسيـر صبّـار
يذبح سمان الضان معها التساهيـل
ريف الضعيف ومكرم الضيف والجار
عزي لمن يرجي خطاة الرجاجيل
اللي ليـا جـات المواجيـب بـوار
لا مكرم نـزلٍ ولاشايـل شيـل
طبعه على الخاطر تجي منه الاكدار
لا تعشقه يا داعج العيـن بالميـل
تـرى ردي السـاس عفـنٍ وبـوار
خبلٍ حديثه في المجالس هرافيـل
في ساقة الطيب كمـا حـد منشـار
بين الجماعه ينقل القـال والقيـل
هرج النمامـه لـه ورود ومصـدار
هذا حصيله يوم تطرى المحاصيل
امجنـب درب النشامـا والاخـيـار
بحسناك يا منشي حقوق المخاييل
تسقي ديار امصلحة حسـك الاوبـار [/poem]
