اخواني واخوتي
عمتم مساء وصبحا وظهرا كلن بوقتوه (بالفصيح العربي)
السلام عليكم ورحمة الله وبركاته:)
ابي اذكر لكم روايات ومقتطفات من ردمياتي اقصد المواقف اللي تصير بالردميه اللي نغزيه
انا والربع :)
وسنتن من السنين اللي طافن(يعني فاتن) رحت انا والربع نبي نتونس
لنا بردميه من هالردميات انا وواحد من اخواني اللي يصغرني مدري يكبرني سننا (شرايك يالمخاوي بهاذي)
رحنا ونستاجر هاكالموتر مدري عليه لوه علامه مثل شفرولية بس شكلوه زيزو حوض وحنا نردموه اقصد نجلدوه مع الرديمه
ويوم وصلنا ونصبنا خويمتنا اللي مشقوقه وبدون رواق وحنا نضبط هاكالفنجال اللي يخليك اسبوع وعيونك خضر
هاك الحين الساعه بحدود التسعه الصبح المهم يالربع
وحنا نفله وشوي ووناسه وحنا نقعد يومين يوم جا اليوم الثالث اللي هو يوم مرواحنا:)
وهو يدق الوالد علي وينشد وينكم
قلت يا ابو فلان(مايبي يعلم باسم اخوه يخاف عليه من العين) مدري وين حنا بس الظاهر اننا قريب
وحنا ماغطين حول المية كيلو من حايل
المهم
قال اخوك معك قلت ايه قال وجعيه اللي تمصع اذانك
قلت ليش يا يبه
قال ما تدري اني ابي اجلب اليوم ليش تاخذوه معاك
قلت يا يبه هو اشوا مني بالسواقه وخذيتوه غديه يفزع لي وبعدين ابيه يجيب لك حطب للنار:) (ياليتن ما قلته)
قال ايه عفيه يا ولدي ابيك ترص الدقيسن اللي معكم وجيوب الربع كلهن
قلت يبه انت عازمن احد على حطب او وش السالفه ترا حنا ثلاث جيوب وهالدقيسن اللي تقول عليه
قال تسمع الكلام انت او لا
قلت لا بالله اسمع وابشر على هالخشم (لاني ادري انوه يبي يكون عند الباب وقاضبن عمود الرفه يبي يرداني بوه)
قال عليه بلكه عرضه مترين:)
قلت ان شاء الله
المهم يالربع قلت لخوياي قالوا عفشنا ومدري شلون ما نقدر قلت هين انا اوريكم
المهم شدينا نبي نمشي
قلت لاخوي يالله خلنا نشمي ونحمل للوالد حطيباتن حليلات
قال يالله المهم وانا اخليه يسوق المغظور
وهو يدخل بنا لنا نفود ماهو حليل :)
ووراك ودونك وراك ودونك
وحنا نغرس
ول يعلك ما تفيد
المهم انا نزلت احطب وهو قعد مع السياره وورا وقدام ورا وقدام من الساعه 11 الصبح الى الساعه
2 الظهر
يوم السياره طلعت ريحته وانا قضيت من الحطب وحطبت حمل جيب:)
وانا اجيه قلت تراك لعنت ابو كوثره ياهالملعون
خله وحنا نشوف له صرفه
وتعال هالحين نحمل الحطب وهو يحمل الحطب كلوه
ايه يستاهل
يوم راعيت لدينوه يمار تقل بسه قاضبتوه ووين اللي يوجعك:) :)
كلهن دم
قلت ايه تستاهل ما جاك وازود
يالله دف
وانا اشده وهي تطلع اثري الخبل على كيفوه معه ويداريه بالحيل
هذا وانا جايبوه ابيه يسوق مثل الاوادم
المهم يالربع يوم شاف ابوي الحطب وهو يراعي لي
وهو ييجني ويعيونه يتجادحن شرار انا افتريت وقلت اكيد يبي يفصخ العقيل ويبي يخليه يرقص على ظهيري
وهو يعدلن وهو يحب خشمي
انا بغيت اقول لوه مابي لك حبه بس فكن من العقال انا احبك لو تبي على رجلك :) :)
المهم
اخوي للحين قاعد بالسياره ويطلع الشوك من رجيلاتوه يا حبيبي
وسلامتن تسلمكم وراح اكمل لكم
الرديميات القادمه
اقصد القصص:)
اخوكم / ابو طفله:)
