[poem=font="Arabic Transparent,4,burlywood,normal,normal" bkcolor="transparent" bkimage="" border="inset,medium,burlywood" type=1 line=0 align=center use=ex num="0,black"]
ياحبيب الروح لن كانك على فرقاي ناوى=يعلم الله مانويت امفارقك يوم ٍ وليله
انت تدري بي وتدري بالغلى مانته بغاوى=ولا انا مادري ضميرك فالهوى وشـ ينتمي له
ياهل العشق القديم ويابعيدين الهقاوى=فالمحبّه وشـ علاج اللي غدت روحه عليله
الهوى بلوى كبيره غيررر عن كل البلاوى=بلوة ٍ لاتذبح العاشق ولا تشفي غليله
الهوى شي ٍ زرعه الله في قلب الهواوى=والله أني ماعلمت الغيب لكن هقوتي له
في فعوله شبه سيف ٍ لاجرح ماله مداوى=ومثل من ينوى الجميل ولا يكمّل في جميله
والهوى داب ٍ عمى مايقرص الا فالحناوى=سلّطه ربي على خلقه ووفر له حصيله
داب ٍ اعمى مايفررّق بين وبال ٍ وشاوى=لانواله واحد ٍ ينصاه لو دونه قبيله
وأن رجعنا للزمن فالوقت سيّف ٍ مايساوى=مايساوي لين مايبقى خليل ٍ مع خليله
عظمة ٍ من عنّد علاّم الخفآ وأمر ٍ سماوى=ومن بلاه الله في هذا الزمان الله وكيله
وكان خلّي تالي العشره على فرقاي ناوى=يعلم الله مانويت أمفارقه يوم ٍ وليله[/poem]
abu_lail14@hotmail.com
