قرادة مستر راعي الطيب ... الجزء 2
[mark=999999]اخواني واخواتي
مساكم الله بالخير .... شلونكم عساكم مرتاحين وشلون من يعز عليكم ؟؟؟
ابي اذكر لكم جزء اخر من هالقراده اللي تلوحقن من يوم انا صغير
انتهت ايام اختبارات الثانويه العامه وتخرجنا ويوم من الايام سمعت عن تسجيل ارامكو اللي كلكم يعرفه اذا ما طلع يشتغل به
المهم يالربع سجلت لي ولواحد من خوياي بالانترنت وهو ما يدري وعلمتوه واستانس (اخوه توه متقاعد من ارامكو)
المهم جا يوم الاختبار وركبنا الددسن حقت رفيدزي ودزيناه وراح واحد ثالث معنا يبي يختبر على وظيفه بجامعة البترول
بغينا ناخذ مخالفه بالطريدز وحب خشوم ولولا رفيدزنا يوم قال للعسكري شكلك تبي تخلينا قال العسكري ما هي شينه قال خويي اجل جب الاستماره والرخصه ومع السلامه وحنا نمشي
مالكم بطويله موعدنا بالظهران الساعه 1 الظهر جيناهم الساعه 10 واعطونا بطاقات دخول الاختبار اللي هو من بكرا الساعه 7 الصبح
طيب وين نروح هالحين قلت لخوياي الحقوووا الحل عندي وانا ابو محمد
قالوا هات وش عندك قلت نزبن ابو فهد (ولد عمتن لي براس تنوره) توه يدرس نظام السنتين مدري هو سي بي سي او الثاني المهم رحنا يموه الساعه وحده وهو مداوم و ايامه القيض والرطوبه وانا اول مره اطب الشرقيه
طبينا راس تنوره وطلعنا للكورنيش والرطوبه خلت هديماتنا صفر وكلهن زيت مدينا بطانياتنا وجينا نبي ننام
خوياي راحو مدري وين وانا والله اتوسد هاكالشجره وانا احط رجلي ونوم الين جت الساعه 3 على طلعة الشباب رحنا تغدينا ورحنا يمهم
المهم جلسنا عندهم هاكالليله وسالنا ابو فهد شلون الاختبار وكذا قال ابي ادرسكم عنقليزي اذا تبون تعدون الاختبار قلنا تم
عاد رفيدزي تكرمون بوه لوه دلاخه شوي واستيعابوه ضعيف مره (ولا اهون انا)
قعد ابو فهد يشرح لنا وحنا على ابو فاهمين يوم قضى فهمتوا قلنا ايه بالحيل ولا كلمه
المهم قال امرحوا بهذا والصبح توكلوا على الله قالوا خوياي لا نبي نروح هالحين قلت كيفكم
المهم رحنا وطبينا الظهران الساعه حول 1 بالليل قالوا نبي لنا مسجد ننام بوه قلت دوروا مع اني ما اتوقع انهم يخلون مساجدهم مفتوحه
المهم ما لقينا مسجد مفتوح اللي لقيناه مسجد وعندوه دوريه سالناهم قالوا كل المساجد مقفله اذا تبون روحوا للثقبه مدري وشي هذي
المهم ما لقينا الا حديقتن مهنا حليله وحنا نجي ونمد كراتين ونمد بطيطيناتنا(اويحي بغا يطيح حنتسي مدري شلون نطقته)
المهم وحنا ننام يوم غفينا يوم صار لربعي مناطق هذا اللي ولا هنا وهذا هنا
وانا نيم وانا استانس واتلفلف بالبطانيه وانام ولا ادري وش السالفه
وهم يقعدوني عايد يا ملا الرضمه قم
قلت وش السالفه قالوا النوافير ترش عليك يا ملا البهضه قم قلت زين وانا اقوم يمار ما ترطشت بالحيل وانا اراعي لهم يمار هدومهم ترطرط بالماء
وانا اقوم اضحك على شكولهم واسالهم وشنوحكم ووش اللي صار؟؟؟؟
قال الاول انا ما دريت الا والماء يصب باذني هههههههههههههه
وهو يجي الثاني ويقول ما دريت الا الماء يصب بحضني
قلت شكل السالفه مقصوده والنوافير موجهه بدقه
(لو اعرف ابو غازي تسان متعزبوه هاكاليوم انا وربعي)
المهم يالربع وحنا نرتسب بالسياره وحنا نشغل المكيف وحنا ننام يوم صلينا الفجر وحنا نبقى بالمسجد ما طلعنا يوم راحوا العالم وحنا نكمل نومتنا ونقوم على الساعه 6.30 ونروح نفطر بهاكالمحل اللي كلوه ناس ماشاء الله على راعيوه
وانا ارعي لخوياي قلت هالعالم ما عندهم حريم تصلح لهم فطور قالوا يمكن من حريم هالوقت اللي تعطي رجله فلوس وهو يروح بس علشان ما تقوم ويخرب عليه مسلسل النوم والاحلام
المهم رحنا واختبرنا وانا اشوف الهوايل
بق بقي مدري وش اسموه وعالم وشعور وبس حنا اللي لابسين شمغ ومكشخين واشكالنا غلط بينهم
قلت لخوياي اليوم اختبار رجال او حريم والله وانتم ما حلفتوني يالربع اشكالهم تقل حريم ما تقل رجال وشنبات
المهم رحنا وقعدنا بوسط الحديقه على الارض وكل من مر مريكي عربي سوداني يطالع تقل شايفنا منظر جمالي مزين قسم التقديم
يوم قضينا من الاختبار قلت يالربع ما لنا قعده شدينا على حايل
وحنا ندز الموتر وحنا نطبدز على حايل الساعه حول ال 11 بالليل
وسلامتكم ...........
هذي وحده من قرادات او قرارييد مستر راعي الطيب ......... وجه قراده
اعلان للجاي .... ترقبوا راعي الطيب ايام الطفوله
يعطيكم العافيه وشكرا لكم على طولة هالبال
[/mark]
