سامعه انك تدور مسيار 00 كانك جاد انا موافقه 0

هلاوالله


مدرس رياضيات 00 ربة منزل

جا من الدوام تغدا نام
قم 00 اذن العصر
طيب 00 اعوذبالله من بليس
بعد الصلاة 00 ايه هذى القهوه اللى تركدالراس 00 جننى طالب عندى مدرى كيف وصل المتوسط مايفهم شى فى الرياضيات 00 يالله فهم
اقول عندى شى اهم من بزارينك فى المدرسه
وش عندتس بعد
ترانى طفشت من دبى 00 ودى اشوف ماليزيا 00 تقول جارتى ان ماليزيا طبيعه زينه 00 وتقول انهم مسلمين 00 وتقول ان الهدايا عندهم رخيصه 00 وتقول ان الفاكهه تقطفونها من الشارع 00 وتقول ان الملاهى تهبل 00 وتقول انها ماتكلف شى 00 وتقول انها شافت ناس تعرفهم يقولون انهم يقعدون فيها شهرين كل سنه 00 وتقول

بس ياحرمه 00 تقول وتقول وتقول جانى وجع فى راسى من تقول 00 انتى وش تبين تقولين00 قولى بسرعه بدون تقول
لاتزاعق على 00 ابقول بسرعه 00 ودى اروح ماليزيا تقول جارتنا ان فيها بعد
بس بس خلاص طفشت من قولة تقول 00 ودى افهم وش فيها دبى 00 اهلها طيبين وكلها مهرجانات وتمشيتها زينه وقريبه 00 وش يودينا لديره بعيده 00 يبي لها مصاريف كثيره
ايه انت ماتحبنى وحاجرنى فى هل بيت 00 طلقنى ودنى لاهلى ياالبخيل 00 تقول جارتنا كان زوجتس يحبتس بيوديتس ماليزيا 00 واااااااااع أهى أهى أهى < صاحت الخبله >
بس بس خلاص 00 لاتصيحين وش فيتس انهبلتى 00 ابوديتس ماليزيا لاتصيحين بس
طلع من البيت مهموم طفشان فى المقهى تقابل مع واحد يعرفه
اهليييييييين من طول الغيبات 00 وينك من زمان ماشفناك
يا خوى ضروف 00 وين الشباب وين البلوت
جاينى المغرب تبى الشباب والبلوت 00 كلهم يجون بعد تسع الين وحده ثنتين ويسرون
اقول 00 ياخى عندى مشكله تقدر تساعدنى فيها
ابشر والله
ودى بوضيفه بعد العصر غير التدريس 00 ودى ازيد دخلى
ولا يهمك قم مشينا
وين
تعال بس 00 بنروح لواحد من الجماعه عنده مكتب بنحاول نشغلك فيه
اتفقو الدوام من خمسه العصر الين تسعه
المسكين رجع يبشر الحرمه
وينك فيه جاينى نصايف الليالى علمنى وين كنت
أآآآآآآآه منك ياحرمه 00 منتيب صابره لين ابدل ملابسى واقعد وتهدا اعصابى
لا 00 منيب صابره 00 انت وراك شى من كنت عنده اكيد متزوج على 00 واااااااااااااااااء أهى أهى أهى 00 وين امى وين ابوى الخاين تزوج على
استغفر الله 00 ياحرمه اقعدى قرى فى الارض خلينى اعلمتس وينى فيه
ياحبيبتى يا عمرى يازوجتى مهوب تبين تروحين ماليزيا
ايه
خلاص 00 لقيت وضيفه بعد العصر بتساعدنا على المصاريف
صار يجى من المدرسه يرتاح شوى ويروح المكتب
اتصلت جارتها
وينتس فيه يا القاطعه من الصبح ماكلمتينى
ابد والله هبلتبى الشغاله وخليتها تعيد الكنس
وين زوجتس
فى وضيفته الثانيه
وشو 00 وضيفته الثانيه 00 يؤيؤيؤ ياويلتس 00 وش دراتس انه يروح لوضيفه صدق
وشو 00 البارح قايللى
اقول انتبهى تصدقين الرجاجيل تراهم راعين سولف شينه 00 ترانى ابخص منتس بهم

المسكين جا تعبان على الاخر 00 على طول تمدد على السرير 00غمض عيونه من الارهاق يشوف قدامه ارقام 00 عشرات خمسات ميات 00 زوجته الخبله شافته راحت تركض لجارتها
الو الو الو ونتس فيه ليه ماتردين بسرعه
شوفينى رديت وش تبين وش فيه علمينى
تعالى شوفى جانى الرجال مهدود حيله ومكسر ذب نفسه على سرير وقاعد يشخر مدرى وش فيه
ايه شفتى قايلتلتس ياميتة القلب زوجتس ماخذ وحده مسيار وانت يا البارده ماتدرين0
جارتها قالت لجارتها وقالت لجارتها وقالت لجارتها وجارتها ملحتها وبهرتها وقالت لوحده قريبتها 00 زوج جارت جارت جارت جارتى يدور مسيار
هذيك بطريقتها جابت رقم المسكين
الو انت زوج فلانه
نعم
((سامعه انك تدور مسيار 00 كانك جاد انا موافقه 0))

:tongue: :p: :)



منقووووول للعبره والعظه n)


وكتعليق مني

فنحن لاننكر وجود هذه النوعيه من النساء

اللحوحه اللجوجه ( الغبيــــــــه ) التي تظطر الرجل ليهرب منها

وان تزوج عليها ( تستاااااهل )

لكن هذا الموضوع بالذات وجهة نظر رجاليه بحته

وبكاميرا زوج ,,,,,,,اظن انه وضع في رأسه زواج آخر

مسيار او غيره:puzzled: وبعدها,,,

ماأسهل ان يضع اللوم على الزوجه :)

اقتباس:

---

وكتعليق مني

فنحن لاننكر وجود هذه النوعيه من النساء

اللحوحه اللجوجه ( الغبيــــــــه ) التي تظطر الرجل ليهرب منها

وان تزوج عليها ( تستاااااهل )

لكن هذا الموضوع بالذات وجهة نظر رجاليه بحته

وبكاميرا زوج ,,,,,,,اظن انه وضع في رأسه زواج آخر

مسيار او غيره وبعدها,,,

ماأسهل ان يضع اللوم على الزوجه

---

زين يومنك ما تنكرين ليه تشكين في سهولة وضع اللوم على الزوجه :232r:

بعدين يا ريم واجد الحريم اللي اللي يجعلن رجالهن يدورون المسيار وغيره !!

عموما أرى في الكاتب لهذا الموضوع توجيهه لرسالة من طراز توماهوك للنساء هنا فعليهن عدم اللحوح واللجوج في الذهاب ماليزيا ، والتفكير في الذهاب الى حفر الباطن أو الكمب أو الطلعة ، وأذا
تعذر ذلك فعليهن بنفود لينا سقاها السيل
ألا ما حطت رقم تلفونه هالجاره في الموضوع:p:

يقطع ابليستس ياريموه :thumb:

ياختي قطع قلبي هالمسيكين :(

تسانه الى الحين يدور تراني أخبر له كم وحدة :)

ريمووووووووه ,,

فيه حريم قلق هذي مايبيلها كلام ,, بس غالبا اللي زوجته قلق ومطلعة في راسه نخل مايتزوج عليها !! تدرين ليه ؟؟

لأنه يحس ان كل الحريم مثلها ويقول في نفسه : أنا عساني أعيش مع هالغثا أروح أجيب لي غثا ثاني !!

واللي حرمته عسل ولا فيها عذاريب تلقينه متزوج ثانية ومسيار وزواج اللقاءات " موديل جديد توهم طايحين فيه " :)

ليش تزوج عليها !!؟ لأنه يبي يشكل وينوع مادام ان الحريم مثل حرمته وش حليلهن :thumb:

واحد أعرفه ماله فترة متزوج الثانية بس طبعا الزواج الشرعي يعني اللي فيه عدل :)

بعد شهر طلع وجهه أسود وجاي عند أمه يشكي لها :(

يقول الأولى اذا جيتها لقيتها تصيح وتشكي وتقول حرمتني منك أنا وعيالي ,, أنا وش سويت لك عشان تتزوج علي !!

والثانية اذا دخلت عليها لقيتها تصيح وتتشكى ,, حرام عليك أنا ماعندي أحد قاعدة لحالي وتوني عروس تروح وتخليني ,, المفروض تجلس معي كم شهر ,, هذيك عندها عيالها وووووووووو :)

وهو محتار وجاي يشاور أمه :)

عاد أمه رهيبة بصراحة بردت قلبي :thumb: تسان تبيني أعلمتس وش قالت تراني حاضرة بتوصلتس في رسالة خاصة :thumb:

الزبدة ,, اذا الزوج مايتزوج على زوجته إلا اذا كانت مثل هالنوعية اللي في قصتك فهذا نبارك له الزواج ونطالبه بالعدل بينهم :) يعني لاياخذها مسيار الا يحط لها يوم وليلة بعد,, وش فرقها عن الأولى :)

أما اللي يتميلح ويتزوج مسيار وعلى وقت فرغته ومتى ماروّق وصار فاضي راح لمسياره تقل ضيف ,, والكرف كله عند الأولى فهذا أقل شيء في حقه توريطه في عملية ارهابية تنتهي به لقوانتناموا :)

ريومة ,, تراني معتس على الخط على طول :) يعني اسمحي لي لو تدخلت ورديت على بعض الردود من باب الحمية لنون النسوة :)

الأخت / ريم

موضوع جميل بس انا شايف ان معشر النساء هنا مصعبات الزواج من ثانيه او ثالثه او حتي رابعه في حدود ان الزوجه تكون مثل اللي ذكرتي بموضوعك بس. انا لو عندي مثل هالزوجه هذي تسان ذبحته مو بس اتزوج عليها:)

بعدين فيه اسباب ومبررات شرعيه كثيره لتعدد الزواج ولذلك شرع هذا التعدد ولكن بشرط العدل اكيد.

وليش اللجوء اصلا لزواج المسيار؟ الزواج علي وضح النقى احسن واطيب

الرجل اللي مو مرتاح مع زوجته بالعيشه يقدر يتزوج زواج شرعي لوحده يعيش معها مو يسير عليها مثل المسيار:)

بعدين الرجال اللي ذكرتيه يستاهل اللي تسوي فيه زوجته. تدرين ليش؟

ببساطه لضعف شخصية هذا المثال من الرجال. الرجل هو اللي يقدر يدير دفة الحياة وما ياخذ ويعطي ويناقر تقل نقرة جارات مع زوجته. اذا صار كذا وكانت زوجته مثل اللي ذكرتي، اكيد راح تروح هيبته وتسوي فيه الهوايل بعد.

تحياتي لك

موضوع قيم بكل المقاييس


وكتعليق على الموضوع
اقتبس هالمقطع من رد اخوي فيصل

اقتباس:

---

ببساطه لضعف شخصية هذا المثال من الرجال. الرجل هو اللي يقدر يدير دفة الحياة وما ياخذ ويعطي ويناقر تقل نقرة جارات مع زوجته. اذا صار كذا وكانت زوجته مثل اللي ذكرتي، اكيد راح تروح هيبته وتسوي فيه الهوايل بعد.

---

فعلا الشخصيه لها دور جدا فعال وخاصه في قيادة اي شي

لكن ؟؟؟؟ زي ما ذكر قبل ان الكثير من الازواج يتبع المثل اللي يقول

(((( تجود بمجنونك ... لا يجيك اجن منوه ))))

اختي ريم مشكوووره على هالموضوع واشوف ان زواج المسيار اكثر النساء ما ترغبوه

لانوه ما يعطيها كل حقوقها على حسب كلام الكثير منهن

وموضوع الزواج عند النساء من ثانيه او ثالثه مكروووووووه بالحيل ليش ؟مدري
مع ان هالتفكير بنظري غلط

اشوف ابو حميد يدور على رقم الجاره خير يا ابو حميد

لا هنتي

حيا الله محمد الشمري

اقتباس:

---

زين يومنك ما تنكرين ليه تشكين في سهولة وضع اللوم على الزوجه

---

طبعا مااقدر انكر ان هالنوعيه موجوده بس انتم بعد ماتقدرون تنكرون

وجود بعض الرجال ممن يتحجج باي حجه او يضخم الوضع ويبالغ فيه

علشان يبرر لنفسه ولمن حوله الزواج مره اخرى سواء مسيار او غيره


صح :)



شكرا لك لروعة الحضور

-----------

هلا وغلا ريومتي

تدرين احسن مافيتس

انه عندك قدره عجيبه لتحوير الامور لصالح نون النسوه دائما :thumb:

اسم الله عليتس من عين الحسود

استمري وتعالي هنا على كيفك اعتبري الموضوع موضوعك

ووريني الحميه على اصولها


وباقي السالفه حقت ابو الثنتين وامه

ابي اسمعها بالجوال احسن :)


اشتقت لسواليفك يابت :d:

بما اني اعزوبي امتنع عن التعليق عن الزوجات والزواج نهائيا ً :smileyb:

ولكن بتكلم عن المسيار بنبذة صغيره ...

حلل من اغلب العلماء لاسباب معينة فقط ...

ولكن تم استخدامه كل ٍ على هواء نفسه وجعله ذريعه له ...

هذا ما في جعبتي الان وان شالله لي عودة
في حال استمرار النقاش في صلب الموضوع ...

الاخت الفاضلة ريم شمر ...

لا استغرب الابداع فيك ... !!

ولكن استغرب اذا لم يستوطن الابداع ويحط رواحله عندك ...

على فكره اذا تعرفين لها اخت او قريبه
لها تبي مسيار ترى ما اقول لا ابد :tongue:

تقبلي فائق احترامي وتقديري لشخصك الكريم والعزيز

دمت ِ بالف خير

فيصل حمود

هلا فيك اخوي وشكرا لاضافتك التي كعادتك مميزه

لااجد مايمكن ان اعلق عليه من كلامك

كله صح :smileyb:

ماخليت لي فرصه اعارض او اجد ثغره

وينك يالريم وقت الفزعه :)



--------
راعي الطيب

تسلم على الحضور والاضافه القيمه

الله يعطيك العافيه

طيب راحو ماليزيا ولا لأ :008b: :7_5_131:

أنا أشوف ان ماله داعي يشتغل بوظيفة ثانية عشان يسافر الله يهدية لو سوى جمعية <<< هذي وين والناس وين :)

عودة لطرحك ياختي الفاضلة

بالنسبة لنكد الزوجات والزن الزايد ،، انا أري بان هالزوجة تجهل تماماً وضع زوجها المادي ولا تعلم بمزانية البيت بالضبط فهي تتصرف مثل الأطفال لطلبو شي ..
وهذا الامر له حل فوري أنه يضع أمامها جميع خطة الصرف علي البيت ويطلب منها الحل ،، لو كان فعلاً ماعندة فلوس

ولكن لابد أن يعترف الرجل بانه يمتلك بحياته الكثير من الغموض وبالخصوص عن أموره المالية .. لا يفشيها إلا من رحم ربي من الرجال لنسائهم ..
ويريد بعد ذلك الزوجة تقدر مع تواجد هالجدار الجليدي بينهما ..

الحل مهو بالزواج من ثانية ولا بالمسيار الحل بتغير نفسية كل منهم وتقبلهم مبدأ المشاركة


تحية لك

كحيلان

حياك اخوي وشاكره لك عذب كلماتك

واما المسيار فبغض النظر عن حكمه

فمن ترضاه لنفسها فقد قبلت الاهانه والتصغير

ومن يرضاه لابنته فقد عقد صفقة بيع وشراء


------------

هايدي

اهلييييييييين ياهايدي الشمري

وينك من زماااااااان :(

حياك ربي وشكرا للاضافه الجميله

الا كلهم قلق لكن الفرق ان بعضهم قلق مزمن وبعضهم نصفي والأغلبية قلق مستمر يصاحبه بعض التسرع

هذا وبالله التوفيق

هلاوالله ياخوي احمد

وين الغيبات ؟!!!

حياك الله وحيا هالاسم المميز

شكرا للمشاركه

ابداع متواصل من الاخت ريم شمر


منها الى الاعلى وننتظر المزيد