[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
اخواني الاعزاء
اهداء للجميع قصيده بعنوان (( شمر ))
ارجو ان تحوز على رضاكم
عندما هاضت القريحه كان السبب الوحيد هو
استهزاء احد ابناء الجنوب في البيت المعروف
للشاعر / حماد الخريصي والذي يقول فيه
(( الشمري هو شمري وين ماكان
ان كان في مدريد ولا بتايا ))
علما بانه لايدرك شأن ومقام قبيلة شمر
(( شمر ))
يابن الجنوب ان كنت بالفكر تعبان = بااعلمك وشلون عز الطنايا
ماهيب شمر تنجرح وسط نجران = شمر تجيب ارقاب مثلك هدايا
لاتجعل لسانك على اخطاك نيشان = ولاتمشي بشوك الطنايا حفايا
لاتزعل الطنيه على ضحكة افلان = لاتعجب بنفسك بخدعة مرايا
لاتحرق القرطاس يعميك دخان = لاتترك طيورك تحوم بسمايا
دامك صفر سبعه من الناس فسقان = تبطي ولا تاصل لشمر سوايا
(الشمري هو شمري وين ماكان = ان كان في مدريد ولا بتايا )
ان كنت تخطي فالبلى فيك شيطان = وان عاد شيطانك بيلقى منايا
شمر هل الطولات في كل ميدان = شمر هل الصولات لين النهايا
شمر وساع اطعون واعداه خسران = شمر كبار اصحون وقت العطايا
شمر هل الوقفات والسيف شامان = شمر هل النخوات فوق المطايا
شمر ملاذ الضيف لاصار بحلان = شمر ذرى المضيوم بيض النوايا
شمر هل البارود لاثار دخان = شمر ترى تآرد حياض المنايا
شمر هل التاريخ ياورع نجران = شمر لجل عز الطنايا فدايا
قبلك رجالٍ حاولو دون جدوان = ماتو : ويبقى كبريا الطنايا
الشاعر /
نايف الجهيلي[/poem]
