[poem=font="Simplified Arabic,4,white,bold,normal" bkcolor="black" bkimage="" border="none,medium,gray" type=2 line=1 align=center use=ex num="0,black"]
مساء الثلج في كاس الامير المترف المغرور = مساء عنق الاميره لاتدلت فوقه الماسه
مساء اللول ومساء المرجان والياقوت والبلور = مساء المشتاق لازاره حبيب وعانق انفاسه
بعد هذا عليك ابدي عتاب وكلمتين قصور= عتابٍ غلفه باقة شعر لشعور حساسه
شهر ياظالمه تنوي تغيبي كيف انا ماثور = واخلي كل من حولي حرام يضيع الطاسه
ألاياحظ رفحا ياسعدها كل طلعة نور = توشح في صباحك للورود ويزهي لباسه
أنا ماعاد بي حيل المفارق او دلع شطور = تعال وخل عنك هي بدون النفس منحاسه
حبيبك حط لك قلبه فناك ومن ضلوعه سور = إلين اصبحت بين الناس نبراسه وهوجاسه
اذا بتجور يالغالي كفاني من زماني جور = تجي فوق الزمن قلي سواتك ويش ابو ساسه
واذا مليت قلي يالهوى واقول لك معذور = ترافقك السلامه والكرامه ماحدٍ داسه
على خبرك ترى قلبي عنيد ولايعرف الشور = إذا قفى خلاص أقفى شديد ولانكسر باسه
ترى شاعرك وان جاله مكانٍ جاء بكل غرور = يحق إله ايتباها وانت فضلته على ناسه
لعينك عانق بحور من سمعه يخور = وشف ابيات شعره شفة الفنجال والكاسه
قهر بس القهر ماحسه الا واحدٍ مقهور = على فرقاء محبينه يصير الليل ملباسه
يقوله شاعرك ماهو لجل يصبح بها مشهور = يبلغك الزمن به دار لكن ماحنى راسه
ويشوف ان اسعد العالم صغيرٍ ذاق ضم الحور = ايشمشم في ذوايبها والا من سلهمت باسه
ومسا الماسٍ على عنق الاميره راغدٍ منثور = ومسا ذاك الامير اللي تباها عند حراسه[/poem]
وسلامتكم
.
