... علــى لــنــــــدن...
السلام عليكم ورحمة الله وبركاته
.. هذه هي المصافحه الاولى وانا بينكم
***
***
.. كلمات سكنت خيــالي ليكون مينائها قلوبــكم...
أتمنى ان تــنول اعجـابكم
علـــى لنـــــــــدن
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
على لندن نويت ارحل وأجمع باقي اشتاتي
واغيض اللي نوت فرقاي واطفي بالحشا جمره
صعيب الوقت في عيني صعيبه لحظة اسكاتي
والأصعب دمعة سالت على خدي بلا عبره
جنون الحب لو يدري حرق ماضي ملفاتي
وخلاني بلا ماضي بلا ويـــل وبلا حسره
سألت القلب ليه تحب ليه تزود آهاااتي
وجاوبني لجل شئ يسمونه عشق نظره
دخيل النظره الحلوه دخيلك يااجمل اوقاتي
دخيل السحر بعيونك دخيل الكحل والحمره
ثلاث سنين من عمري ادور وين غاياتي
وغاياتي تدورني وضعنا في خبر بكره
ثلاث سنين قاضيها الم مكتوب بأبياتي
وصوت باح باوجاعي وقلب مل من صبره
متى تصفى نواياها وتحس بضيم حسراتي
وتقتل فيني احزاني وتمحي دموع منهمره
صحيح اني بعد ولهان لكن خوفي من الآتي
اخاف الحزن يملكني ويقتل فيني القدره
سمعت بصوت يهمس لي هنا لندن هنا ذاتي
هنا بابقى على ذكرى حشى محروق بالجمره[/poem]
تقبلو ارق تحياتي
علي الشهرانـــــــي
