من لارقى للطيب روس الشواهيق...مازان له وقته على ما بداله
[align=center]بســـم الله الرحمن الرحيــــم
السلام عليكم ورحمة الله وبركاته
>>من مكتبتي<<
بمناسبة قرب حلول شهر رمضان المبارك أتقدم لكم بأحلى وأجمل
التهاني بهذه المناسبة المباركة سائلاً الله العلي القدير أن يبلغنا
وإياكم شهر رمضان ونحنُ ننعمُ بالصحة والعافية وأن يعيننا على
صيامه وقيامه وأن يعتق رقابنا من النارويحفظ لنا أمن بلادنا
وأمانها أنهُ على كل شيءٍ قدير وكل عام وأنتم بخير
سأحاول ان تكون المشاركات في رمضان بما يتعلق برمضان
أخوكم/ الأسلمـ فهد ـي
^
^
^
المشاركة >> قصيدة وصلتني عبر البريد والمؤسف بدون اسم
الطيب فرصه والجمايل توافيق
.... ومن لا توفق ماكتب له جماله
ومن لارقى للطيب روس الشواهيق
.... مازان له وقته على ما بداله
وما دام لفعول الجمايل عشاشيق
.... كسب الجمايل ما يجي بالسهاله
ولو أنّها تشرب مع فكّة الريق
.... كل خذا له كل ما أ صبح بياله
والطيب منوه للقلوب المشافيق
.... كل ٍ يتوق ومنوته رأس ماله
والمدح مايزهى على الرجل ويليق
.... الاّ لا صارت وافيات ٍ خصاله
يستاهله رجلٍ يفك المزانيق
.... اللي يقال ونعم لا جا مجاله
ومن ساقته نفسه وهو مابعد سيق
.... لأجل الجميل يزيّن الله فاله
والمرجله ماهي بتحتاج تنسيق
.... من بين قلب اللي عشقها وباله
ومن عادة الدنيا تخون المواثيق
.... تفترّ مكرتها سواة المحاله
ولو لا اللوازم ما عرفنا المخاليق
.... مانعرف الرجال لين انعناله
والكفؤ تظهر فزعته حزة الضيق
.... وينشاف في الشدة بعين العداله
نسل الرجال متعّبين الملاحيق
.... متوسط من بين عمه وخاله
واللي يطيق ولابغى قال ماأطيق
.... تحرم عليه المرجله والشكاله
والهيّنه تكبر على اللاش والهيق
.... له في الرخاء قاله وفي الضيق قاله
والطيب شاره والضماير صناديق
.... واللاش طيبه ما تعدى ظلاله
وانا اسبر قلوب الرجال المغاليق
.... والصامت اقطع غايته من مقاله
ومادام في الدنيا رجال ومطاليق
.... نصيتهم واللاش مالي وماله
سلامتكم... منقول
مع خالص تحياتي للجميع
الأسلمـ فهد ـد[/align]
