[frame="4 80"]صندوق امي
http://www.palintefada.com/upload/pic/klawy.gif
هذاك اللي بصفتنا
ولونه أحمر(ن) ...منقوش
باسود..مختلط بالزاج
مرصع في قمور
يا وسع صدر اللي نظمهن
يلعجن العاج
قويٍ..صامدٍ...ماااا خلخله
طول الدهر
وامي تباهى بالخشب من ساج
نسميه..بسفينة نووووح
نلقى به...فرادى
ونلقى به...أزواج
هدوم امي وابوي..
وكلنا...والمكحله..
.ومشط الخشب..والمنظره
ومعهن ...حلاو ملبسٍ.. مدفوووون
في حمص ...حقاق الحاج
++++
عطور امي محليه.. خلوله
مع زباد...وخنةٍ
تنطحك ريحتهن
وش انتي يالفرنسية
وبه درج...صغير
مخبأ ٍ...سري
به...ازنود.. وخلاخيلٍ
و تزاااارير صدريه
به مشلشل.. و منثوره
وخواتم "فص" فضيه
و فيه الهاااامة...
اللي لا البستها امي
تقل تااااج(ن)
علىراس انقيليزيه
++++
من اللي يفتح الصندوق ؟؟
أنااااا.......و الا
أخوي ....عزيّز
اللي دايمٍ....مطفوق
تجي من عقبنا امي
تجرد اللي فيه....والمسروق
والى من زعلت امي
تلفز المفتااااح..
في شطبٍ..
رفيعٍ...مانطوله...فوووق
++++
طلعناااا من بيوت الطين
وخلينااااه...مع قــشة
تمدنّا ...وصرنا..في قصووور
مابهن امراحٍ..ولامجبب.
.ولامصباح....أو عــشة
وجبنا ...من بلاد الشرق
تحف..من ضمنهن صندوق
بهن فن ن ن ن ,وبهن شغل
بس ..ان البلاااا..أخشابهن هشة
ولاااافيهن رواااايح امي
وصندوووقها..السكراااان بالفتشة
++++
الخلاوي 15/8/1426 هـ[/frame].
