المشاركة الأصلية كتبت بواسطة محمد الوبير
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الاهداء
الى زمن لاينفث سوى الغروب .. !!
تفضح خفايا لهفتي بين الاصحاب = لحظة غروب الشمس يا هاجرتني
اروح ادق من الوله خرس الابواب = ويكلـ / متني يوم ماكلمتني
يامهديه للغيم ديمومة اطياب =راحت سنه ديمومتك ماسقتني
وشلون تنبت في خفوقي لك اعشاب =وذودين شكي من غيابك رعتني
وشلون تنعم لأقبل الليل اهداب = واحزاني اللي عقبها واسدتني
كني وطن منهوب من زمرة اقراب = تستجدي النبضات ماحررتني
للموت احبه دام للموت اسباب = وانا اشهد اني ميتِ وزهقتني
ومدام مثوى خافقي حفنة تراب =ياليتها في طرحته كفنتني
لكن بلاني مابلاء بوك يا عقاب =ياليتها بجنازتي شيعتني
غنى لها قلبِ شرب حزن زرياب = يوم انها بالدلعنه مولتني
(لاتجرحيني جرحك العام ماطاب) = لاكنها غابت وغابت وجتني
جتني معاها طفل بيدينه العاب =وقبل السلام بدبلته صافحتني
قفت وطفله شاخصِ بي ومرتاب= لدت وزادت جرحها وجرحتني
ولاعاد في عيني سوى دمعة عتاب = شحيت به لاكنها موجعتني
خلوني اسهر دام ماعندي احباب = مادام عينه للنجوم رهنتني
وان كان رمح الليل للثار طلاب = الله يقوي عيني اللي كرمتني
(العشق ماعذرب طويلين الاشناب ) = لاكنها في عشقها عذربتني
خلتني اهذي بين ربعي والاجناب = ادخل على الله كنها ساحرتني[/poem]
