صدقوا اللي يقولون هم العرس ولا هم الضرس
[align=center]يالربع السلام عليكم ورحمة الله وبركاته
يالربع وش الحل انا ضرسي يوجعن وجع ما شفته على بشر
والمستشفيات ما عندهم الا الدجه وما عندهم الا حبه مساء وحبه صباح
والمواعيد تموت وتحيا وموعدك باقي عليه كم شهر هذا اذا اعطوك
مدري هم دافعين شي من مخابيهم او وش السالفه مدري
المهم يالربع انا ما كتبت الا ان الموضوع اكبر مما تصورون لانه مهو بس انا اللي معاي الوجع
من بيتنا انا والوالده واخوي ومرته بوقت واحد ومن بيت خوالي خالتن لي معه الظاهر نفس المرض
اللي رحت لهم انا وامي يقولون انه التهاب شديد باللثه واعطونا حبوبن حمر اسمهن بروفين
وغسول الظاهر انه ماء ومعبينه لنا ماله طعم انا اول ما خذيت منه بغيت اشربه كنت عطشان وقته
المهم يالربع اللي يعرف وعنده خلفيه او يعرف لوه دكتورن زين يدلن عليه باسرع وقت
المشكله ان الملوي هذا خرب على اللي حوله وخرب اثنين معه[/align]
