جيتي غريبة ... مصافحة أولى
[poem=font="Simplified Arabic,4,black,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
ياللي على بابي بتحيين الاطلال =ترى المشاعر ميته عند بابك
وان كان قلبك فيه نبضٍ ولا زال =قلبي ونبضه ميت ٍ من عذابك
الله كم زفره وصرخه وموال =عانيتها وانتي بزهرة شبابك
كم ليلةٍ عانيت همٍ وغربال =عني غرورك كم ليله سرابك
من قلت احبك رحت تضحك وتختال =كن المشاعر صفحةٍ في كتابك
واليوم في قلبك من الشوق زلزال = غرّك زمانك لاكن الوقت جابك
دار الزمان وبدل الحال بالحال=ونسيت حبك والسهر واغترابك
مال الزمان اللي يجيب الهوى مال =وان كان فيني حب مات بغيابك
كتلة مشاعر ميته بقلب رجال =لانتي ولا غيرك تفوز بـهلابك
رحتي حبيبه تشغل الفكر والبال =وجيتي غريبه والمطر في سحابك
جيتي تبين الحب يشعلني اشعال =وانا انطفيت بشوف حضرة جنابك
معاد اشوفك شي ترى الحكي طال =الله يسـهـل لك طريق ٍ لفابك
وسلامتكم
فيصل الرقيب (( احساس العالم))[/poem]
