[align=center]ياهلا بهالوجيه
المعطان او معطان
هو مارد ماء عند "اباالقور" وكلهن تابعاه لعنزه
يامار اكا السنه نازلن على المعطان الدهامشه من عنزه والدهامشه عربان ماهم شوين
ومعهم حول ست سبع بيوت من الوهوب من حرب
الوكاااااااااااااد
وهم يجون الشلقان وهم ماهم كثيرين وينزلون حول المعطان والعرب ظميا
وهم يردون المعطان هم وحلالهم والحريم والوغدان
ويدري بهم "ندا بن ضبيان " شيخ الدهامشه يامار ندا لوه اكثر من وقعه مع شمر انكسربه
وهو يجيك يبي ياخذ حقوه وهي تجيك الدهامشه كله
وياصل العلم للشلقان ويرسلون لندا قالوا ياندا ادخل على ربك حنا هاللي تشوف
واردين الماء وتونا نزيل وحريم ووغدان ولاحنا يمك
قال ندا جيتوا وجابكم الله ياشمر والله اني متحلفن باطرف شمري
وهم ينهزمون الشلقان نكس لبيوتهم
قال واحدن مع الشلقان اسموه بعيجان لعنبو حيكم يالدعوج ماهي هي
قال واحدن منهم يابعيجان خل ياما الحريم يكتفن ونثني دونهن ان الله اشا الا تشوف فعلنا
يامار مع الشلقان بنت اسمه "شاويه"
وانتي ياشاويه طموح عن ولد عمه اسموه برغوث
وبينهم زعل وهي مع اهله يوم هم يردون
الوكاد ويصير ذلوله اخر العرب يوم انكسوا
وهو يجي واحدن من الدهامشه وعندك وهو يضرب الذلول ياذابحه
وهي تقع شاويه بالقاع وهي تجلس تنخى وهو يرجع له ولد عمه برغوث
وهو يضرب الدهمشي ياذابحوه
ويشيل شاويه ويجيبه ويجلس يهيجن[/align]
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الورع لعيون شاويه=خلي ببالقور مذبوحي
لعيون من حضرة ريه=تشوف بعينه وهي توحي[/poem]
[align=center]هذولا الشلقان يوم وصلو البيوت وردو الحريم وهم يردون على الدهامشه
وهم يتصالخون
واول طلقه بفرس ندا ويذبحونه ويركب الثانيه ويضربونه الشلقان ويذبحونه
والطلقة الثالث تصير براس ندا وهم يذبحونوه وهم ينكسرون الدهامشه
هذولا الحروب اسرو ثلاث من الشلقان هم رميح ومشعل وواحدن ماعرف اسموه
وهم يتشاورون الحروب قالو نذبح هم
قال واحدن منهم اطلقوهم
السالفه بين شمر وعنزه وانت مالكم دخل
والله ان ذبحتوهم الا تصيرون دمويه لشمر ولايخلونكم
وهم يطلقونهم
وهم يجون الدهامشه يم الحروب قالوا وين الشلقان
قالوا الحروب اطلقناهم
وهم يزعلون الدهامشه ويطردون الحروب
ويجي واحدن من الحروب اسموه البوزي زعلان
وهو يهيجن على مسامع الدهامشه يقول[/align]
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شيلوا ترى شيلكم ملهاء=شيلوا ترى شمرٍ جوكم
الي ذبحوا راعي البلهاء=وعلى معطان حدوكم[/poem]
[align=center]ويقولون ان شاويه عقب هالسالفه لبست عباته قال ابوه وين ياشاويه
قالت يبه عقب ماشفت فعل برغوث تبيني اخليه وهي تنكس لوه
وسلامه تسلمكم
"ملاحظه فيه شباب من برى المضايف لاموني يقولون ليش ماتجيب سوالفك باللغه العربيه
وليه تجيبه بالعاميه يمكن ماحد يفهمك"
عاد مادري انتم وش رايكم
مشعل الغفيلي[/align]
