الا ياعيوني مايفيد النظر والشوف

[align=center]سامــــــريـــــــــة للشاعـــــــر/ سليمــــــان بن شـــــــريـــــــــم :[/align]
[poem=font="Simplified Arabic,5,orange,normal,normal" bkcolor="transparent" bkimage="backgrounds/15.gif" border="groove,4,gray" type=1 line=0 align=center use=ex num="0,black"]
ألا ياعيونـي مـا يفـيـد النـظـر والـشـوف = تكـافـي وكـفــي لاتـراعـيـن ياعـيـونـي
تكافـي كفـاك مكايـد الجـادل الغطـروف = ابو وجنـة فيهـا اشهـر المـوت مقرونـي
انا اشوف شوفك واتمنى وانا مشغـوف = من اللي سلب عقلي على غير قانوني
لحظني بعين كـن فيهـا نمـش وسيـوف = وقـع مابكفـي واختلـط وانصفـق لونـي
اخذني جهار اكبر ضحى والعبـاد وقـوف = انادي بصوتـي والعـرب تقـل ماوحونـي
تبي ذبحتي ياريم وادي سكاكـا الجـوف = حسيبي عليك مصرف الخلق والكونـي
تعـرض غريـب نــازح عـنـد ابــو رفــروف = ورى دار قـاره يقنـب الذيـب مـن دونــي
الا واعذابـي منـك ياضـامـر السـرجـوف = شبكنـي هـواك وبيـح الـحـب مكنـونـي
الا يازريف الطول انـا ازهمـك بالمعـروف = بعد عونـة الله منـك انـا برجـي العونـي
دخيلـك تلبـي دعـوة مـن ثـلاث حــروف = طرف ساعـة افـرح بهـا وانـت ممنونـي
اريـح ضمـيـر بالـهـوى مـولـع مشـغـوف = مــن الله خلقـنـي بالغنـاديـر مفـتـونـي [/poem]

[align=center]وسلامتكـــــــــــــــم ...[/align]

صح السان الشاعر
وتسلم ياللي ماتنطفي ناروه :)
تحياتي

ولسانــــــك :)

ومن قال يسسسسلم يالزقروطــــــي-

لــك تحيتـــــــي ،،،

والسلااااااااااام ...
..

[align=center]يعطيكـ العافيــه على الايراد الجميـــلـ ...

ورحــم الله الشاعر سليمان ...

:
:
:
تحياتي
سيدة القلم [/align]

شكرا راعي الوقيد !! قصيده رائعه من روائع ابن شريم اللي لازال الناس يتذكرونه لعذوبه شعره وجزاله معانيه رحمه الله !!! شكرا مرة اخرى وعساك على القوة ..

الله يعافيـــــتــــس ويبارك فيتـــــس اخت للقلــــــــم سيـــــــــدة:)

الله يرحم امواتنا واموات المسلميــــــن .. آميــــــــن يارب العالميــــــن ،،،

تحيتي وسلاااااااااامـــــــي ...
..

[align=center]السلام عليكم راعي الوقيد :
الله ... الله .... ولا أحلى ....
مشكور اخي الكريم .... ودمت بألف خير ... [/align]

[align=center]الله الله يابوفيصل


قلبك خضر../ او مردغاني ..

الله لايهينك نقل رااائع وشيء بصراحه


دمت لي[/align]

العفووووو عزيـــــــزي الســرعـــــوفــــــي ،،،

لاهنـــــــت يالعــــــــزوة على المرور والتعليــــــــق:)

سلااااااااااااام ...
..

الله الله ماشاء الله بعد حتى اهل الشام يعرفون السامريات:)

العفووووووو خيتووووووووو:)

وانت بألــــــــف خيـــــر وعافيـــــــــة ،،،

سلاااااااااااام ...
..

لا بالله قلبي بنفسجي:)

ولاتهون يالطربــــــــــة انما حضورك هو الرااااااائع:)

تحيتـــــــــــي وسلاااااااااااااامــــــــــي ...
..

الأخ الكريم / راعي الوقيد . .
تحية الشكر والتقدير
أشكر لك حسن الاختيار , ورهافة الذوق . . وأود التنبيه على أن القصيدة ليست لابن شريم , بل هي لشاعر عنيزة الكبير المرحوم / حمد المغيولي (ت1417هـ) , رحمه الله ورحم ابن شريم .
ولك وللجميع عاطر التحية والتقدير .

الله يعز مقدارك يالغالــــــي حياك الله روح التميمــــــي ،،،

والله يمكن انـــــــك صويــــدز:)

الكلمات توحي للقاري بأنها للمغيولي !!

مشكور يالعــــــــزيـــــز على التنــويه ،،،

وننتظـــــر إبـــــداعاتـــــــك هووووووون:)

تحيتـــــــــي لك ،،،

والسلاااااااااااام ...
..

الا واعذابي منك ياضامـر السرجـوف
شبكني هواك وبيـح الحـب مكنونـي

راعي الوقيد تسلم يمينك

تبي ذبحتي ياريم وادي سكاكا الجـوف
حسيبي عليك مصرف الخلق والكونـي

شكرا لك راعي الوقيد على النقل الحلو ورحم الله شاعرها المغيولي .... لانه كان في
سكاكا يعمل بحفر الابار .الله يرحم اموات المسلمين اجمعين

تسلم ابو فيصل //

اختيار رايق وراقي ,,,


ممكن سؤال :)

اقتباس:

---

لحظني بعين كن فيها نمـش وسيـوف
وقع مابكفي واختلـط وانصفـق لونـي

---

سيوف معلومه

بس نمش وشو ؟؟؟؟؟؟؟:puzzled:

عبد الله الاسلمي

سكاكا

ريم شمر

مشكورين على مروركم

اقتباس:

---

بس نمش وشو ؟؟؟؟؟؟؟:puzzled:

---

والله ما ادري وش يقصد الشاعر لان المعنى ببطنه:)

بس يمكن يعني النمش اللي بالوجه او العمش:puzzled:

لكم التحية

[align=center]انتقاء حلو

تسلم يدينك

أما سالفة نمش وسيوف :)

<<<<< بصراحة ماجابني إلا هي :)


أقول وبالله التوفيق

الله العالم إن الشاعر قال :

لحظني بعين كن فيها نعش وسيـوف
وقع مابكفي واختلـط وانصفـق لونـي

نعش بدل نمش :thumb:

لأن النعش هو الأنسب للسيوف وأنسب بعد لتكملة البيت اللي يقول فيه إنه خاف ووقع مابكفه واختلط وانصفق لونه :)

والواحد ماينصفق لونه إلا لاشاف النعش مع السيوف :thumb:

تراني محللة خطيرة وصدقوني أكيد هذا هو التصحيح :) لأني دجت النت وكلهم ناقلينها خطأ <<<< الله من الثقة فيتس بعد :)


على كلٍ سلمت يدينك على النقل



[/align]

للتوضيح فقط:)

النمش = الرمح

ومتاكد بدون حذف اجابتين او اتصال بصديق:)

بس عاد الموضوع قديم
شلون نبشتوه امنا بالله:)

[align=center]^
^
يا خسارة كان عندك وسيلتين مساعدة ما استخدمتون ، وكان ودنا تواصل معنا يالغالي بس ماش تسرعت شوي ولا اتجاهك صحيح 100% فهي فعلاً من الأسلحة ولكن النمش غير الرماح:(

ما عليش خيرها بغيرها والإجابة للأسف خاطئة:ezpi_blus

النمش ليست من الرماح ولكنها من السيوف:)

ومفردها نمشة أي كردة والكردة هي الي شلق به أخو نوره (عبدالله الرشيد) جنب مشاري آل سعود وأعاد الملك لفيصل بن تركي:goooood:

وهي أقصر من السيف ومستقيمة.

الجازي صباح الخير:thumb:

ما شاءالله عليك وش هالتحليل لو ما أعرف النمش ومتأكد منه قبل أقرأ تحليلك تسان بصمت لك بالعشر:)

تحياتي[/align]

يالله حيهم كلن باسمه:)

الجازي !!

خوش تحليل:3ajebni:

اختلف الشعراء:3ayyen_khair:

اقترح ان كل واحد يثبت مدى صحة إجابته ببيت شعر

وعلى العموم مشكورين على مروركم

ولكم التحية

8
هلا ابو فيصل الشعراء لو يدرون اننا نبي نتغالط به تسان موصفينه لنا
لكن للاسف ماحصل:)
من ضمنه قول الشاعر
عيو بها معطرة النمش على كل من زم *** ياسعد والله من لجا في حماها

ابو خالد
صراحه اول مره اسمع بالكرده ولا ادري وشي

واللي اعرفوه عن النمش انا معك بان حجمه صغير لكنه نوع من انواع الرمح
مثله مثل الشلفا والمشنشل

والدليل
اننا نسمع بابيات الشعر القديم
دائما مايقولون " تزارقو بخضر الانماش"

تزارقو بمعنى تراسلو
اي ان النمش طريقة استعماله بالحرب هو ان الفارس يرميه من بعيد
وهذي هي طريقة استخدام الرماح بعكس استخدام السيوف
يعني لو كانت من انواع السيوف ماقالو عنه تزارقو يمكن يقولون تصافقو او تضاربو:)

ولذلك اقول والله واعلم
انه نوع من الرماح

اما وصف الخاله الجازي:315r: للنمش انه خطأ يمكن النعش:mrrzeff::solh:
____________
احببت ان اوضح
1 ـ ان الكرده مايوضع به الطلق (الفشق:)) وهي حزام من الجلد القوي يمكن وضع الخنجر او الشبريه او الجنبيه فيه ماتخبر عبدالله الرشيد يوم يحك العبد حمزه يديه بالكرده وهم متشابطين واثّر ذالك بجلد الامير عبدالله يوم يقول ابوطلال
((شهودي بجلدي والعدو به بداله والناس تدري بالجدايد والاسمال))
2 ـ ان النمش جمع نمشه وهي سلاح اقصر من السيف وغير منحني ويمكن ان ترميه كالرمح تماما اذا لم تستطع التمكن من خصمك يعني فرقه عن السيف انه اقصر من السيف وغير منحني ويمكن رميه على الخصم عكس السيف وفيه ناس يدعون النمشه بالشلفا

8
8
سألت مجموعه من كبار السن عن النمشه
والاغلبيه صفو معكم يقولون اقرب للسيف من الرمح:)
بس على الوصف انه تختلف اختلاف كامل عن الشلفا

والله والعالم انكم كليتو عشاي:)

فلذلك الشاورما ماتيزي يالربع:)

اقتباس:

---

المشاركة الأصلية كتبت بواسطة خالد الشمري

اما وصف الخاله الجازي:315r: للنمش انه خطأ يمكن النعش:mrrzeff::solh:
____________

---

الله يوسع صدري بالعافية اللي وسعت صدوركم :)

أنا قلت لكم تحليلي وحلي هذا تقدرون تعتمدونه في حالة إنكم مالقيتوا معنى للنمش :qannaj:

يعني كثر الله خيري اللي عرفت أسعفكم وأجيب لكم هالحل اللي مايخرش المية :) خصوصا إني مالي في هالسوالف الأثرية :) حدي الفصيح وعساني بعد :)


لكن بما إن السالفة تحتاج إثباتات !! جاني السنع ورحت وفتحت المعجم الوسيط ولقيت لكم معنى النمش :)

من ضمن معانيه الكثيرة معنى يناسب هوشتكم هذي :3ajebni:

يقول : يقال سيف نمش أي فيه شطب وهي خطوط تتراءى في متنه :thumb:

يعني سيفن خربان :)

وسلامتكم

[align=center]أطيب المواضيع الي تجر لسوالف نستمتع بهن ونظهر منهن بفايدة:goooood:

وبما أن النمش اتفقنا على انه من أنواع السيوف بعد ما نشَّدنا شيبان وفتحنا معاجم وكررنا الزيارات لطيب الذكر (قوقل) وكنت من الي زاروا قوقل أبحث عن أبيات فيها ذكر للنمش وقد وجدت الكثير أقربها لقلبي وان لم تكن أجملها أبيات لحدا الرولة رد على قصيدة ابو زويد يومه يمدح ابن شعلان ويعرض بأخو نورة بقوله (البيض خطوى المشتبه وش تبي به) ويقصد فيها بنت ابن مهيد الي قيل ان محمد العبدالله خطبه ورفضته لأنه عقيم وخطبه بعده ابن شعلان وتزوجته!

يقول الرويلي من قصيدة طويلة:
الشيخ يزهن له عيون التشابيب ،،، والمشتبه ينهج لشبهه يجيبه
بنات مادبر عليهن بتحسيب ،،، ولا خايلن ورد الدبش مع عزيبه
بنات مروين النمش والمغاليب ،،، ضياغم عقب الجدود العريبه
ياما عطوا من زاهيات الدباديب ،،، وخيل تنسف بالمعاذر سبيبه

فهو قلب معنى أبو زويد وخلى المشتبه ابن شعلان وانه تزوج شبهه ، ثم وصف من يزهن الشيخ ويليقن بمقامه وهن بنات النعمة والعز ممن يصرف عليهن بلا حساب وممن لم يعرفن البداوة ولا البل ولا العزيب وهن بنات عمه من الضياغم.<<استانسن يالضيغميات:3ajebni:

بالنسبة للكردة فهي تسمية أخرى للنمشة حسب ظني لأني متأكد أنها من السيوف وبما أن مواصفاتها قريبة جداً من مواصفات النمش فلا أراها الا تسمية أخرى لها، وأن السيف المشهور لعبدالله الرشيد (صرخة)ولي استخدمه من بعده أخوه عبيد ثم تناقله أكثر الحكام من بعده هو عبارة عن كردة جاء بها من العراق في قصة معروفة (موجوده بالمضايف بموضوع للأخ مشعل الغفيلي) ولعل من شواهد تسميتها بصرخة قولهم أنها يظهر منها صوت أشبه بالصرخة عندما تضرب الحديد ، وهذا الوصف ذكره الشاعر الأسمر الجويعان في وصف النمش بقوله:معاركٍ دارت رحاها مهيله **تصرخ بها خضر النمش واللغا شان:thumb:

على أني لم أجد الا ذكر قليل للكردة بالأشعار رغم أني وجدت لها ذكر بمواضيع تتكلم عن بعض فرسان البادية ومنهم فارس عتيبي أو سبيعي وجدت بالموضوع أنه كان مشهور بكردته التي يقطع بها رقاب الفرسان وهذا يعني أن التسمية معروفة.

أما شعراً فلم أجدها الا عند شاعر صلبي يمدح الأمير عبدالعزيز الجنازة يقول من عرضها:
صعصيع مروي كردته من دم شيخان الجموع<<في قصيدة لم يجملها عندي الا هذا الشاهد على الكردة:3ajebni:

ألا هالموضوع لو نقل للمضيف الأصلي ما يكون أفضل لأنه راح يفتح باب للنقاش واستجلاب الفوائد والشواهد مما يثري القارئ ويرفع ذائقته الأدبية:)

تحياتي[/align]

لو دريت ان سؤالي بيطلع كل هالدرر تسان سألت من زمان :puzzled:

تسلمووووووون وفعلا ياليت تكون المواضيع هنا بهالشكل بحيث نستفيد

خصوصا حنا راعيات الاي لاينر والمسكره ..

وش يعرفنا بالنمش وربعها :)

أسعد الله أوقاتكم .. وخصوصا راعي الوقيد

كنت أبحث عند العم قوقل فوقعت على هذا الموضوع مصادفة ..

ووجدت لي عليه تعليقا قديما , يقول إن القصيدة لحمد المغيولي لا لابن شريم

ولم أر رد الزميل راعي الوقيد عليّ إلا الآن .. أي بعد ما يقارب السنوات الثلاث !

ولما رأيت أن آخر عهد بالتعليق على الموضوع قريب يُعدّ بأشهر

لا يتجاوز عددها أصابع اليد الواحدة .. آثرت أن أعود لأقول (منب صويدز)

(إلا متأكد) من أن القصيدة للمغيولي لا لابن شريم .. وعُرفت وانتشرت عندما

غناها الفنان حمد الطيار شفاه الله .. قبل ما يقارب الثلاثين عاما ..

كما أجدها فرصة لتصحيح خطأ الرواية في البيت:

لحظني بعين كن فيها نمـش وسيـوف
وقع مابكفي واختلـط وانصفـق لونـي

والرواية الصحيحة , هي :

لحظني بعين كن فيها لي نشر سيـوف
وقع مابكفي واختلـف وانصفـق لونـي

والمعنى هنا واضح , فالنظرة كانت حادة كالسيف

فارتبك منها وسقط ما بيده , واختلف لونه لهول سحرها ..

أخوكم / روح التميمي

تسلم الله لايهينك

ابيض وجه دايم يـ( الوقيد )

ورحم الله شاعرها

اخوكم

ابو عصبه


:7ayyoh::):7ayyoh::):7ayyoh: