نواف بن طلال العبدالعزيز الرشيد
[align=center]بسم الله..
هذه القصيدة مهداه من الشاعر سعود بن فهد الجش المطيري..
إلى الأمير/ نواف بن طلال العبدالعزيز الرشيد..[/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/13.gif" border="double,4,seagreen" type=0 line=1 align=center use=ex num="0,black"]
انا ليامنـّي نويـت ابـدع الـقـاف = اخترت من جزل المثايـل اتحفهـا
في سوقها تسوى صناديق الاصداف = وسري مع الهاجس وبيّـن هدفهـا
الله وهبنـى للصعيبـات عـسّـاف = عرفي يساعدنى وفكـري عسفهـا
ارقا بمعناها عـلا راس مشـراف = والكلمـه العذبـه تـزود بشرفهـا
لو جا البحر ميّه وخمسين غـراف = ماينقصـه حـرام قطـره غرفهـا
مثايـل ٍ جزلـه تفاكيـر عــراف = اللى قراهـا مـن التعاجيـب يفهـا
جزلات صملات ٍ عفيفـات ونظـاف = واحلا من اللى من عذوقه خرفهـا
الشعر بنك ومعـي للبنـك صـراف = واليا بغيتـه فـي دقيقـه صرفهـا
وقم يا نديبي فوق جيب ٍ له اوصاف = اوصافـه الشعـار كـل ٍ وصفهـا
اركب علا اللى للمشاوير مجـزاف = النفـس والله منـت شـاك ٍ كلفهـا
لكزس جديد اليا مشي له تظفظـاف = يوصلـك لديـار ٍ ضميـرك ولفهـا
سيارة ٍ غيره تـرى اليـوم تنعـاف = ياخاطـري كـل السياييـر عفهـا
ياكثر عشقيله لـه القلـب ميـلاف = نفسي علا الفكسـار زايـد لهفهـا
من يملكه مـا دق فيـه التحسـاف = ودراهـم ٍ بالجيـب ربـي خلفهـا
اللي يسوقه ما شكا هـم وخـلاف = ولاشال هم البيـد ذيـك وصلفهـا
يادحيـم تلّـه لاتمشيـه الاكتـاف = وكل المواتر ياابيض الوجـه طفهـا
خابـرك لنخـوه تكيّـف تكـيّـاف = من روس قـوم ٍ كلبونـا نعرفهـا
يادحيم سلملي عـلا خشـم نـواف = ستر الهنوف اللـى تمشـط زلفهـا
الطّيـب اللـى بالمهمـات ينشـاف = ونفسه علا العليـا كثيـر ٍ شغفهـا
متمسك ٍ في عهد ماضين الاسـلاف = يمشـي عـلا عاداتهـم ماخلفهـا
ماحط دون اسلوم الاجداد محـراف = قــدام عيـنـه حطها ماحذفـهـا
منج الدريك ومن ضوو هلك وهجاف = وعون الذي نفسه زمانـه جعفهـا
الضيف يلقى عنده اشكال وصنـاف = وحيـل ٍ تقلـط والشحـم ملتحفهـا
وفالموقف الغصاب ماهـو بخـواف = نمـر ٍ صواريـم النمـاره قصفهـا
اليا هجم جـا بالطوابيـر خفخـاف = ظفر ٍ فتـك فيهـا ويلعـن جدفهـا
وابوه قبله عاش في ضلّه اضعـاف = ياما انتشل نـاس ٍ غلبهـا ضعفهـا
وياما كسا اللي مالقا فراش والحاف = ويا ما مسح دمعـة يتيـم ٍ ذرفهـا
وياما عطا ناس ٍ لياليهـم اعجـاف = يمناه تعطـي جودهـا مـا كتفهـا
ويالله يامنـزل تبـارك والاعـراف = ياعالـم ٍ جـود السنيـن وعجفهـا
ترحم طلال برحمتـك ونـت روّاف = وفي جنة الفـردوس يلقى ترفهـا
ونواف ياامير السعد يابن الاشـراف = هـاذي تعابيـر ٍ ضميـري قطفـهـا
قطف الثمار اليانعه وسط الاريـاف = صخرتها ياشيـخ قدمـك وشفهـا
مالى وراها لامقاصـد ولا اهـداف = وسرارنـا نمـوت محـد ٍ كشفهـا [/poem]
[align=center]
وسلامتكم..
.[/align]
