قرادة عضو (((الجزء الثاني)))
[align=center]السلام عليكم
مساكم الله بالخير والعافيه....ماجورين والسلامه
مانبي نطول عليكم
اليوم جايب لكم اثنين من اخطر المقرد الذين عرفتهم البشريه
قرادتهم جاوزت حدود المعقول الى الا معقول
و أوغلت في الا معقول حتى عدت من الخيال<<واحد يهذري
ومقرودنا الاول ////// مطنووووووووخ دبل يو بيك
وهذا لو تجمع عشر مقرد مثل شنقل
ماوصلوا لربع قرادته<<الله لا يبلانا
7
7
7
7
7
7
7
آآآآآآه وجاء يومك يا المطنوخ ... كما تدين تدان
يوم انت تولجت عباد الله وش قومك
7
7
7
7
7
7
يقول المطنوخ
هذي مرتن قبل العيد بيوم ووقتها كنت ابو 18 سنه
وتخبر زحمة ليلة العيد بالاسواق تقل يوم الحشر
الوكاد معاي ولد عمي
وهذا تقل مخلوق علشان يضحك بس فاتحن افموه عساه يندحي بالتراب:)
الوكاد وتخبروم ايام ايام المراهقه لازم ننذخ بهالاسواق
نزلنا انا وولد عمي من السيارة ومن زود النذخ الغترة مالبستها :)
معلقها بالكشن اللي ورى علشان ما تعفس :)<<والله لو انك معرس
الوكاد نزلت وانا اشوف بوجهي جمس مغيّم كله
قلت ابي اروح له علشان انسّف غترتي
الوكاد وهو يجي ولد عمي بجنبي ونقعد نشخص على الجام الاسود
يوم خذينا 10 دقايق وحنا نشخص
ليا والله نزل الجام!!!!!
يمار داخل حوالي 90 نفس بشريه ههههههههههههه
عائلة ومعاهم ابوهم والاخوان والجيران والحارة!!:)
يمار كلهم يراعون لنا
وهي تزوم تسبدي ويوم عفت ولعنت اليوم اللي جابني
ليا والله وجهي غدا تقل واحد حاشرن بكفوف :)
وولد عمي من زود الفشله فتح حلقه وعجس لا يسكت من زود الاحراج يبي يرقعها ولا يدري شلون
الوكاد هالبشريه اللي داخل الجمس غدى لهم ضحك
تقل جماهير بملعب قدم:)
طبعا وجيهنا سفرة وعادي ولا تقل صار شي
قلنا عادي حصل خير
وكملنا طريقنا للسوق
ويوم وصلت لعتبة السوق
((العتبه من صغرها النملة تطمره:) ))
واجي اتسلط عليها واخثع قدام هالبشريه
وليا والله التفت على ولد عمي ولا القاه
((ملعون الجدف تبرى مني من زود الفشله:)))
طبعا العالم تقل يشوفون عرض سيرك قعدوا يتفرجون :)
تقولون خلاص يالمطنوخ مستحيل انك كملت للسوق
اقولكم ...............خير انشالله:)
وانا ادخل للسوق
نزلنا بالسرداب واول ما نزلت يمار على يميني محل ملابس ومن كثر ملابسه عارضهن برى المحل ومسويات زحمه
الوكاد حدى المعاليق بوه حديده طالعه
طبعا جاء اخوكم السبهه ومشى بجنبها وانا مستعجل شوي
وهي تعلق بمخباي الايمن وانا اسحبه معاي وليا والله غديت تقل كرنك:)
وهو يخثعن كلهن وهو ينسرد ثوبي ليا دون ركبتي شوين
يوم بغيت اطرش من زود الفشله وليا والله تشوفون غبرتي ركض للسياره
قلت والله للعن ابو من يجيهم هو واسواقهم
طبعا ولد عمي ليا هالحين وهو فاتح افموه:)
((تنرفزت وانا اذكر هالسالفه خايف احد منكم كان بهالسوق وقتها))
اما مقرودنا الثاني فهو من الجنس اللطيف
مقروده لا يعلم قرادتها الا خالقها
انها صاحبة الاسم الممغوط
راعية الطلايب والعلم الخايب
صاحبة الحق والعق
انها كلي بكم اعجاب
7
7
7
7
7
7
7
7
7
7
7
7
نترككم معها لتروي لكم يومها المقرود بمدرسة الورود
يالربع على حسب اعتقادي وادراكي في نفسي اني حليله وماعندي من الشر طاري وعلى الخط السريع لااعرف ديور ولا عكسيه
ففي (لاحظو ففي ) يوم من الايام ذات البرد القارص وكانت ايام الثانوي لله درها من ايام ايام اختبارات وعيشتن قشرا ومدرستن تجيب الهم مابها زاويتن تظف المسلم
المهم
وانا اشتري لي جكيت طلقه يدفي عن 13 دفاية وقلت اخذه معي بكره انذخ به
ويوم جاء الصبح وانا اراجع الماده وهو يدق الباص عند الباب ومن العجله البس العبيه واخذ الدفيتر والقليم << يعنني تحزن!!
ومن الخلفه وفي روايه من العجله((اختر اي منهما اشوا))
امعط ثوبي (دشداشتي ) الشتوي و اركض واركب الباص ولا يامير عوينات بنات الباص تخايلني
وانا عــــــــــــــادي اراجع دافوره اسم الله علي
والله ويوم طالعت باللي معي
بغيت اطرش من الروعه وش ذا وش جايبه
والله وتنمسح المعلومات كلها ماعاد في بالي الا وين اغدي بذا البليه
فكرت اني احذفه من الدريشه بس ماش عز علي(( الثوب جديد ))
لاتقولون خليه بالباص لان باصاتنا اللي بالصبح غير اللي بالظهر يتغيرون زامات
المهم
والله وانا اصفطه تصفيطتن ما صفط بحياته كلها مثله واكرفسه بالشنطه
عاد خبركم شناط الاختبارات شناط كشخه صغيره
وادخل القاعه واختبر
ويوم طلعت الا العالم تضفضف اغراضهم وش جاكم ؟
قالوا يومنا نختبر الادارة قامت تفتش شناط البنات
عاد انا ماعندي مشكله <<< طالبه نظاميه ! <<ياوجه الله !!
ويوم رحت للشنطه ولا يامير حلتي منكته
وثوبي وخذ حسبي الله عليهم
يافضيحتي عند ابلة التوحيد << تحبها !!
يافضيحتي عند الفراشه << تعرف حسبة امها !!
وانا اتبرى منه ليوم الدين وذاك علمي به
والله اني كل ماشفته بدرجي
قلت
احساسي ان بيجيك يوم اغبر
وسلامتكم
اما مقرودنا القادم فهو مقرود من نوع خاص
له مع القراده صولات وجولات
وكأن القراده ماخلقت الا له
انه شبيثان
[/align]
