ساجر الرفدي ومحارب بن دهيثم
[align=center]يالله انت محييهم
هذا الشيخ محارب بن دهيثم فارس من فريس شمر
يقولون باحد المغازي بين شمر وعنزه كان قايد عنزه ساجر الرفدي
تواجهو بوسط المعركه محارب بن دهيثم وساجر الرفدي على ظهور الخيل
وهو يحصل بينهم اكا الطراد وهو يجي محارب وهو يضرب ساجر ياجادعه من فوق الفرس وانكسرت عنزه باكا المغزى
وهو يقصد محارب اكا القصيده اللي يقول به:[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/8.gif" border="none,4,gray" type=1 line=0 align=center use=ex num="0,black"]
يالله طلبتك ياحسين التدابير=يالواحد اللي للعباد معبودي
عدواننا جونا على بلجة الطير=يتلون ساجر زبن راعي البلودي
زبن العياد الجاذيات المقاصير=ان ثار حس الماطلي كالرعودي
راعي البويضا ستر بيضٍ غنادير=رجلٍ بفعل الطيبات معدودي
ساجر شجاعٍ يجمع الشر والخير=وبالمرجله فعله تعدا الحدودي
قايد جموعٍ كالهضاب المزابير=ويتليه جمعٍ مثل رمل النفودي
من يوم صار الهوش عند المضاهير=وطار الحيا عن ناقضات الجعودي
لي عادةٍ نطح الوجيه المشاهير=صيارمٍ فريس مثل الاسودي
واليا ركبت معسكرات المسامير=ارويت حد المرهفات الحدودي
ورميت ساجر وقفوته للمناعير=هرجٍ وكاد والنشامى شهودي
ماهي جبانه مار هذي مقادير=حضه هفى وحنا سعدنا يزودي[/poem]
[align=center]مرت السنيين وهو يتوجه محارب للشمال يامار اكا الوقت ساجر نازلن بالشمال
عقب مااجلاوه الامير عبيد الرشيد
وهو يقبل محارب على نزل عنزه يامار محارب ثيابه وصخات وشكله وسط من طول المسافه والتعب
وهو يجيهم محارب يامار عنزه جالسين ببيت ساجر يامار على قومة ساجر من المجلس
وهو يشوفوه ساجر مار ماعرفوه وشاف شكله وسط مااعطاوه بال
قال ساجر للرجال الجالسين شوفوا الضيف اعطوه ثايبن نضيفات واكرموه
وهو يضحك محارب ويفوت للمجلس
قال ساجر وش الي يضحكك ياضيف
قال محارب مايضحكن شي
قال ساجر والله اني مامشي ياما تعلمن وش الي ضحكك
قال محارب الي يضحكن اني امس جادعك واليوم ماتعطيني بال
قال ساجر انت محارب قال ايبالله انا محارب
قال ساجر انا راعي البويضا وهو يفزع ويزود النار ويجدد القهوه
"هذي من السوالف الي تبين طيب الاولين يعني الرجل ضربوه وجدعوه من فوق الفرس ولولا لطف الله كان ذابحوه مع ذلك اكرموه وقدروه"[/align]
[align=center]وهذي من سوالف الطيبين الي مثلكم وشرواكم[/align]
