http://www.hailyat.com/images/q9eed_06.jpg
http://www.hailyat.com/images/q9eed_04.jpg
http://www.hailyat.com/images/q9eed_03.jpg
http://www.hailyat.com/images/q9eed_05.jpg
http://www.hailyat.com/images/q9eed_01.jpg
عرض للطباعة
[align=center]
أخي الفاضل
لابتي
باقة حائلية في قمة الروعة
شكرا لك على اتحافنا بها
و مرحبا بك و بكافة مشاركاتك
أختك
الدهور[/align]
الاخ لابتي مشكور وبارك الله فيك
:eek:لاااابتي
ووش هالزين ماشاءالله عليك
تسسسسلم يالابتــــي يالطنايا
لاهنت
وسلااااااام ...
..
[align=center]باقة تحمل عطر حايل 00 وتتوسد سهول الابداع
تفوح منها رائحة الاصالة والجزاله
سلمت الانامل 00 وماقصرت
دمت بخير
اختك 00 المهرة[/align]
[align=center]اخوي / لابتي
قصائد رائعه
لاهنت على النقل الجميل[/align]
الدهور
شكرا لترحيبك ومرورك
خالد فراج الشمري
شكرا لترحيبك ومرورك
راعي الوقيد
الشكر على مرورك وترحيبك
[align=center]السلام عليكم ورحمة الله وبركاته
انشاالله الجميع بخير
وبعد انقطاع نعود اليكم الى اغلى موقع
اما بالنسبه لك يا لابتي فانت شديتن يوم انك اطريت حايل
(ذبحت عمك بالودتس)
واحببت ان اضيف هذه الاناشيد عن حائل علما انها منقوله من موقع الخيمه
روحي بحايل
اغليك يادار
البرق لاح
حمامي اللي
دار حاتم
ولكم تحياتي
سعود[/align][/size]
المهره
شكرا لمرورك وتعقيبك
الغالي عايد الشمري
الشكر لك ولكلماتك الجميلة
ssss_ksa
يازين سوالفك ومرورك والرابط اللي حطيت تشكر عليه
ومني خذ هالرابط هديةhttp://www.barzan.ws/pages/hail/poem.html
[align=center]الله يعطيك العافيه يالابتي على الموقع الرائع
:023b:[/align]
[align=center]لاااااابتي
سلمت اناملك
اخوك
الذيب[/align]
[align=center]أخي لابتي
سلمت يداك على هذه الباقه الحائليه
وننتظر منك المزيد[/align]
اخوي الذيب
بارك الله فيك ولك الشكر على كلماتك
اخوي المحروووم
لاحرم الله وجهك من الجنه
وشكرا لك على المرور
الشاعر فهد المارق صاحب كتاب "من شيم العرب" في قصيده
يتوجد بها على حائل.
عسى الحيا في حايل حاير ماه
يسقيك يادار به الجود ماجود
يابو فهد يستر قلبي لطرياه
يذكر على حايل مراهيش ورعود
عساه كل اسبوع تجري شغاياه
آمين يافرد على الخلق معبود
يخضر وطنها والعراميس ترعاه
يفرح به الملهوف وينقص به الزود
أطلب لها لو كان مالي برجواه
لو صار خيره مالنا منه مقصود
هي امنا نطلب لها كيف ننساه ؟
والوالده مايجحده كود مقرود
دار بها المعروف عمرت بناياه
دار الشجاعة والعزا مركز الجود
دار الصخا والطيب والبذل بحماه
قديمةٍ من عصر كسرى و داود
--------------------------------------
الشاعر / سعد الخريجي
سحابةٍ وسميةٍ هل مـــاهـــا ****** أروى بساتيــن الضمــــايـــر مطرها
سحابةٍ طفت بروحي ظماها **** سبحان ربٍ ساقها من بحــــرهــا
دعوه عزيزه حي منهو دعاها***** وحي القلوب اللي عزفت لي وترهــا
حايل نظر عيني وروحي فداها**** وش فايدة عينٍ بليا نظرهــــــــــــــــا
بحميضها وقرّيصها ماحلاهـا ****** بنوارها مع شيحها مع زهرهـــــــــا
تسلم بواديها وتسلم قراهـــا*** تسلم منابتها ويسلم شجرهــــــا
يكفي بأهل حائل عظيمٍ ولاها **** ومن حاتم الطائي ملامح بشرهــــــا
هدية الشاعر حروفٍ قلراها ***** مشــاعــرٍ في داخله ما قدرهـــــــا
حاول يهدّي موجها ماقواهـا ***** هبت شمال وهيضت من خبـــرهـــا
أحبـها في صيفها في شتاها*** أحبـــها في شمسها في قمــــرهـا
يازينها في أرضها في سماها ****** ونور القمر لين إنتصف بك شهرهـا
يومي صغير وخطوتي في ثراها **** لو الشهيبا باقيه جبت أثرهــــــــــا
والشاعر هضيبان لاجا ضحاها ****** يمر أبوي وكم سوالف ذكرهــــــا
أنا تسمّع كل قصه بداهــــــــا ***** أبي الحقاق وكيسته لانثـــرهـــــــا
العزوة اللي تسعدك في وفاهـا**** مــيــّــل على حائل وتلقى خبرهــا
العزوة اللي كل حايل وراهـــا ******* ماظن بالدنيا شبيهْ لـــصـــورهـــا
أقطف من أعشاب النفود وجناها **** وأفرش لأهل حايل بقلبي ثمرهــا
وأجمع من نجوم السماءفي رضاها*** وألبـّـسه عقدٍ لها في نحــــــرهـا
حنا بدوله طيّب الله مســـــــاها **** كلٍ لها يدعي وكل شكــــــــــرها
فوق المية عام وحنا برخاهـــا ****** وعشرين أبو فيصل تشـرّف ديرها
لعبدالله وسلطان زايد علاهــا ***** هـــذا سـحـايبها وهذا نــهـــرهـــــا
الله يرحم من تعب في بناهــــا ***** ورّث صقورٍ تسعدك في خـــطرها
لاهيب دار الشرق..لاهيب شامي =
لاهي مصر لاهيب تونس ولاعراق
لاهيب دار سبيع ..لادار يامي =
دارٍ هويته وانكتب بيننا فراق
ارسلت انا لجبال حايل سلامي =
يوم الغلا والشوق والشمس عشاق
حايل ..بعشقه ينتهي بي كلامي =
ورقيت انا في عشقها كل الآفاق
لاتنشدن يالايمي وش علامي =
حبيتها من هامتي ..لاسفل الساق
حبيتها واسرفت له من غرامي =
ومن زودشوقي له غدى الشوق مشتاق
بيني وبين الشوق شبه احتدامي =
يكمش وريد القلب والقلب صفّاق
اشوف انا صديانها في منامي =
واشوف باحاته على كل الاوراق
واشوف اجا ورمان وهاكالعصامي =
وبرزان يضحك لي وانا بالوصل عاق
حايل ..تهدّي..واستريحي ونامي =
دام القدر ياحلوتي صار ..سراق
دام القدر سوّا سوات الحرامي =
لابد مايسمحلي الوقت ..بعناق
يالايمي وشلون مثلي يلامي =
وشلون ينلام الضحى بحب الاشراق ؟!
منقـــــــــــــول
للشاعر / نواف الشمري
--------------------------------
الشاعر المبدع :احمد الفهد العلي العريفي وفقه الله 00
اتمنى ان تنال اعجابكم 0000
العذر من دار الرجال الصناديد
000000000000000يوم اخلفت وعد الليال الشدايد
تصدق مواعيد 0وتكذب مواعيد
000000000000000والشوق عندي 00يشهد الله00زايد
دايم ركابي صادرات ومواريد
000000000000000ودايم وحنا والليالي طرايد
الى حدرنا :روعتنا بتسنيد
000000000000000واقفيت عن شم الجبال الفرايد
ماتقل انا من ربع خدام ورشيد
000000000000000كني غريب يم مرباه عايد
من غربتي شيبت روس الاواليد
000000000000000وعلمت مفجوع الحمام القصايد
عفت المراضع في رجا حلوة الديد
000000000000000امي00ولو حنت علي الولايد
لي دار 00يالافي 00من الحيد للحيد
000000000000000ولي عزوة مابه قريب ونايد
حجلان 00نطاحة خشوم البواريد
000000000000000مركاضنا :لاخيم الموت كايد
ناس دلال سيوفهم عرضة العيد
000000000000000وحنا ندللها نهار العوايد
بقلوبنا عيد00وبقدامنا قيد
000000000000000ومن عين واحدنا تشب الوقايد
وحنا حجاب الحمر والسمر والغيد
000000000000000وحنا :الطنايا 00لابكن الخرايد
يادار :مافيها علينا مناقيد
00000000000000كان العروس انتي00فحنا القلايد
خدام:خدام الفايز
ورشيد:رشيد الليلا
رحمهم الله00والمقصود اهل لبده 0
احمد الفهد العريفي
-------------------------------------------
هذه الرائعة ، للرائع ناصر القحطاني.
الشمس غابت وكل ٍ دوّر سراجه *** والشوق جمّر محرّ الشوق لاجمّر
دام اتجاهك شمال مودعك حاجه *** سلّم على حايل وسلّم على شمّر
قدامك الخافق اللي ينشد علاجه *** كنه معلّق على برزان ومسمّر
وانت تعرف يا بعد حيي من تواجه *** بيضان الافعال لامن الزمن سمّر
ان ضاقوا أعنف من البحر وامواجه *** وان راقو اركد من الخرمان لا عمّر
كم صيت بيت ٍ عتق في الباب مزالجه *** وكم شيخ اماره قبل تعيينه مومر
وكم حاتمي ٍ تكفيّ فلّة احجاجه *** وش لون للضيف لو عن ساعده شمّر ؟
وان مر تاريخهم متلبس ٍ تاجه *** كم عاشق ٍ كيّف وكم حاسد ٍ زمّر
في جو ٍ اغلى على الرجلي الى داجه *** من ديرة السادس ومن ديرة معمّر
كنّه الا اهدى له البراق فجاجه *** خلت غرير ٍ ضحك ومن الخجل حمّر
توارثو حرثه وتمتير ديباجه *** ركابة الجيب من ركابة الضمّر
الودّ لا غرس بدري صعب مخراجه *** والله ولا الذّ واحلى منه لا ثمّر
ادخل على اللي تطوف البيت حجاجه *** من ناقص ٍ عند مدح الغير يتذمّر
والمدح لو كان في الرديان للصاجه *** ويقال عمّر بلد بالعون ما عمّر
والذّم لو زاد في الطيب تولاجه *** لا احرق ولا اغرق ولا عمّر ولا دمّر
ماني بمتحسب بشعري على حاجه *** الا اني اروح ما غنيت في شمّر
الرائع / ناصر القحطاني
هـينه دام هــي هــــذي فـهـي هـينه = والله انــي حـسبت الــعـاقـبه عـاقـبه
عـاد تـدري هي من أول وهي بـينـه = شـــوفها مـايبـي لـه نـظــرة ثـاقـبـه
بـنت ســتين كـلـب وزفـت ومـطـينه = قــصـة النجم والخــبل الــذي راقبه
مابعد ماشـفت من همي سـوى عينه = كيف أجـل لو همـومي جتك متعاقبه
جيتك بغـصـن طيب زهـــرتـه لــينـه = كـيف لو ييبـس وتصفـر الأوراق به
من رجـا خير في شـرواك مـاعـينه = لاأنـت سباق طيب ولاأنت لحـاق به
مومس الوقت لو صـلت ماهي دينه = يعـرف البير واللي فيـه ومن واق به
لا تـحـلـف الـيمين .. ولا نـبي بينـه = فـارق الصـدر يالسر الذي ضاق بـه
كـل شـخص لـه مــن الـذل مـافـيـنه = وكل شخص له من العز مالاق بـــه
زيـن اللي تبي واللــي تـبي شـينــه = ماانت حـول الطـنايا لحيتك عـاقـبــه
فهد عافت
كان رب الســموات امـرنا......ونستعينه مـدير الهبايب
نطلبه مايخـــيب ســفرنا......ياكـريم جـزيل الوهـايب
كان ســيًر سـببناوســرنا......واعتلينا ظـهور النجايب
من قفـار وحــايل ظهـرنا......مانفاكر بوقـت الحـرايب
كماصـديقك يطـيح بنحـرنا......والدخن مثل صفق الهبايب
كم صـبيٍ لقلبـه جــمـرنا.....نجـدعه بين عوج النصايب
كم خـصــيم لجمـعه دمرنا......نجـعله للهـنادي ضـرايب
يانـويـديس مارد ثغــرنا......ماينقصـه بقضـب القضايب
كان امرناالولي واحتزمنا......فـزعةٍبه نســر القـرايب
مانـخــلي لحــيٍ مــدرنا......كذبكم من كبار العـجايب
نعجـب اللي بعيـنه نظرنا......بالوغى دون شقر الذوايب
كان عـن عضـد حرب وسـرنا......واحتـزم كل صـبيٍ وشـايب
نحمـد اللي عليكم نصـرنا......ماتشوف الديار الخـرايب
تايه الراي ياللي حقـرنا......كـم حــلالٍ نحـطه نهـايب
n
ماسـمعتوا سـوالف بقـرنا......يامـحارب على غـير صايب
باب دخـنه منازل خـبـرنا......طيـب ولا على غـير طـايب
والوعـد خامس مـن شـهرنا......يامـدور لعـوج الطــلايب
الامير الفارس المرحوم: عبيد العلي الرشيد
المناسبة : غزوة الجوف
كن بين ضـلوعي العـوج نهـر له هـدير
وكن بين المـاء وحايل سـراب بارتـويه
جيت أبروي قصة العشـق في ذاك الغـدير
يوم عـذبات الصـبايا على ذكـره تجيه
يم حايل سـاقني الشـوق وأخترت المسـير
لين سـاقتني ظـروفي على الدرب النزيه
جيت يا هون المسـافة على الشـيخ الضرير
جيت يسـبقني خفـوق يـبيه ويهـتويه
للشعر .. للطيب .. للعود .. لعيون الأمير
للكرم .. ولحايل الجود .. للشيخ النبيه
للجـبال الشـم .. للـيل .. للبدر المـنير
للأهـالي اللي تنـادي على الطـيب وتبيه
إيه حايل .. أعشـقك ولا لك من خشير
أعشـقك وأطوي المسـافة لقربك وأشتريه
إلعـبي بين الحـنايا مثل طفـل غـرير
إلعـبي يا دار حـاتم ترى مـالك شـبيه
والله إن لك في خفـوقي غـلا يهـدر هدير
وإن غـدا بيني وبينك سـراب بأرتويه
الراسية
يالصغير ما يكبرني لقب...
ومايصغرني اليا انكرني صغير
ما خذينا الصيت من جمع الذهب...
ولا نسابة شيخ أو قربة أمير...
كاسبينه من هل السيف الحدب
ا لجنايز كان ما جاك النذير...
صيتهم نجم على راسه لهب
سمعوا الصقهان به واجهر ضرير...
بالوفا تاريخ ابيض ينحسب
لا حكوا بالحق حيين الضمير...
ضيغمي ٍ للسناعيس انتسب
لابت ٍ طلنا بها عرش ٍكبر...
عند حدك يا كثير الهرج تب
ولا تمر النار وثوبك من حرير...
كان لك عز ٍ بذلي فتعقب
والله إلا تبطي وحبلك قصير...
احسب انك من صناديد العرب...
واثري ساترتك عباتك يا غرير
ما حسب لسّوس زراع القصب...
والقراده مادرا عنها البعير
لو حسبنا للحسايف والتعب...
مابذرنا للعصافير الشعير
عن هلك وبراي لله احتسب...
الرجال اللي مجاراهم عسير...
من قريش المصطفى وابو لهب
والدغالب ما غشت عذب الغدير...
لرجال من الرجاجيل العتب
والزكاة اتحل في حال الفقير...
لعن اب وقتاً غدينا به حطب
تحرقه نارٍ يثورها أجير
ما ألومك الزمن سوا العجب...
هو بقى غير الكرامه بالجفير
ما أذل والراس يشم اللهب...
لو بقى من شمر ٍ طفل ٍ غرير
ما أهاب ولا يزلزلني غضب...
الشجاعة ورث والعاقل غزير
يا صغير ما يكبر باللقب...
غير منهو كان للدونه صغير
المرحوم طلال ال رشيد
قال الأميرالفارس عبيد العلي الرشيد يخاطب فرسه (كروش ) عندما طلبها حاكم مصر عباس باشا
ما ذقــت عنّــك شي يا طوعة الراس
0000000000 لو هو من المطعــوم شـيٍ قــلايــل
ولا درت من سرجك مثامين واكياس
0000000000 أربـع سنيـنٍ فوق الارباع حايــل
باغٍ عليك إن فــرّعت كل مكــياس
0000000000 وذهْــلوا مصانيم الدروع الحلايــل
أنطح عليه أوجيه شرابة الكاس
0000000000 مع وجه مــروين الغلب بالدبايــل
حلفت ما تنصين حـيٍ من الناس
0000000000 لا بالثمن ولا بدرب الجمايــل
همْ ويش ؟ لو كز المراســيل عباس
0000000000 ما سلت عن راسٍ به الزوم طايــل
أنا بـــ أجا ما سلت عن باقي الناس
0000000000 لولا المعــزّه ما سكنّـا بحايــل
الفارس عبيد ال رشيد
ركايب تطرد ورا الشمس وتغير
00000000000000 متى على حايل يحول ظعنها ؟
متى نشوف جبال سلمى على خير
000000000000 واريّح شداد الذلول ورسنها
حَفْيَت ذلولي من بعاد المشاوير
0000000000000حايل تناديني وانا ابطيت عنها
أعرف حايل من شموخ المقاصير
000000000000وبيوت تمطر ديمة الجود منها
واعرفها دار العصاة المناعير
0000000000000ومن بذّته سود الليالي زبنها
ذا مسجد الصالح وذي حارة سمير
000000000000وهذيك دارٍ شيخ نجدٍ سكنها
وهذي بيوت مدلّلين الخطاطير
0000000000 يلعب على متن السحايب دخنها
وان كان في قرنة فرج طقوا الزير
00000000000ربعي تبيع الروح باول ثمنها
لي ديرةٍ يامن بها الجار ويجير
00000000000ولي عزوةٍ بيض البيارق كفنها
من دونها مايقبلون المعاذير
00000000000هم درعها الضافي بجوفة زمنها
حايل وانا منها على الشر والخير
00000000000وهي أمنّا- لو مارضعنا لبنها
وان كان غبنا وابعدتنا المقادير
00000000000 الروح-والله- ماتفارق وطنها
عقب " الرعيلة" مايعزّيني "النير"
00000000000ولا لذّ لي رقص الجنوب ولحنها
ولو تمطر العارض سحاب مزابير
00000000000و"طويق" ضمته السحاب وحضنها
وصارت عروق خريم عشب ونواوير
00000000000وقليب بنبانٍ تقاصر شطنها
ماسجّ عن ديرة بعاد المغاوير
00000000000 والنفس غير ربوعها ماشحنها
ملّت ركايبنا الصفراّت والبير
00000000000 تبي الرحيل وعج نجد دفنها
احمد العريفي
حورا سنا نوره بسحر البها سار
باهر بهاه أطفا بها جملة الحور
nطلّت وهلّت واهمل الوبل مدرار
يبكي سماه ويضحك الورد مسرور
غنا غنوج تبتسم لك بالازهار
عبيرها مسكٍ وعنبر وكافور
تشكلت فيها الروابي والاشجار
لبست حللها زينة القد والطور
فاحت روايح ريح روحه والاثمار
نشوة شذاها تنعش الروح بعطور
عليلها يشفي عليله بالاسحار
ترقص غصونه بالصبا ، تيه ، وغرور
دانٍ جنا جناتها الخضر وجوار
طربٍ بها البلبل يغرد لشحرور
تكاملت وامست محطٍّ للانظار
صيغت بها الاشعار نظمٍ ومنثور
ناديتها بخضوع واجال واكبار
مستسلمٍ هايم ولو مت معذور
بالله يا نور العذارى والاقمار
من وين يابدرٍ تكامل بديجور ؟
قالت سنا شمس العرايس والاقطار :
تاج الجمال ومنتهى الحسن والنور
أهلي رجال المجد وافين الاشبار
لطامة العايل فنا ، كل ، طابور
يا ما تفانوا وارخصوا غال الاعمار
من شان شاني واسمي اليوم مشهور
حايل فخر شمر هل الدار والجار
يوم اللقا صبيان حايل علي سور
قومٍ إليا ثاروا هل الدار للدار
تفرح بهم عيني وافاخر هل الدور
قومٍ تج الضيف لكتار وبهار
طبعٍ تواصوا فيه ، غِيّاب واحضور
يا دار حاتم لو تنحيت مقدار
القلب بين الحمر والسمر ما سور
دارٍ نشينا به مواليد وكبار
حقه كبير وعقها زور وفجور
أمٍ لنا نفخر بها سر واجهار
أهل الجبل دونه سبيلٍ عن الجور
يا ما وطوا ، دونه من النار والحار
أحدٍ فنى واحدٍ بذل كل مذخور
المرحوم عبدالله الاشقر
من قصائد الشاعر / فهد الفويه (عرضة)
راكب فوق حمرا تهذل اهذالي ...
حرة(ن) تقطع الديان مامونه
فوقها واحد(ن) ماهو بذلالي ...
دون صبيان حايل لاتعوقونه
لاركب شيخهم من فوق مشوالي ...
حلو نقل الموازر يوم يتلونه
يوم ثار الدخن والعج ينجالي ...
والفشق مثل مزن هلت ركونه
جوك شمر هل الردات صوالي ...
ويل منهو بوجه الربع ياطونه
اهل مغيضة يمين وجوك صوالي ...
من نوىحرب اخو نوره يحربونه
واهل لبده يسار وجمعهم عالي ...
عادة راس شيخ القوم يهفونه
وآل الاسود مدرب كل ذلالي ...
ينثرون الحمر ماعاد يرعونه
كتبوا بالبيارق كل جهالي ...
شيب عين الذي غلبا يلاقونه
دارنا دارنا حنا لك عيالي ...
من بغى دارنا بالسيف يهفونه
دون حايل نسوق العمر والمالي ...
ولجل حايل نشيل الراس ومتونه
خاص بالطنايا .... فهد عافت !
--------------------------------------------------------------------------------
يـاربعنا مـايعتذر كـود غـلطان ii"
" وانـا عـجزت القى خطا في iiخطايا
ان قـلـتوا مـاتـعوذت شـيطان ii"
" نـفسي لانـي شـفت سـود iiالنوايا
قـدامكم ربـي بـلاني بـمن شان ii"
" فـعله مـعي لين اظلمت بي iiسمايا
زل وكـتمت وزل وازددت كـتمان ii"
" وازداد فـي غـيه وجـاني iiبـلايا
اعـطيته الصافي من العلم خلصان ii"
" مـن غـير ما اسال من معاه iiومعايا
وان كان هو من رشفة ابليس سكران "
" سـكران انـا بـغبار خـيل iiالطنايا
عـاداتها تـقبل تـقل مالها ارسان ii"
" وعـاداتنا نـهدي ضـحانا iiضحايا
مـن مـثل شمر علقوا يوم الاكوان "
" ارواحـهـم عـقـد بـجيد الـمنايا
حـنا الـضياغم والـزقاريط نيشان ii"
" فـي جـبهتي زاد الـمزايا iiمـزايا
وانـا ولـد عـافت سلايل كحيلان ii"
" عـلى اسـم جدي والاسامي iiوصايا
يـاشين يـوم الطيب نجر وضيفان ii"
" مـنـا الـعـطايا تـستمد iiالـعطايا
يـاشين يـوم الـعز خيل وفرسان ii"
" ربـعي عـصا موسى وربعك iiحيايا
ويومك قنعت بسقف واهي وجدران ii"
" الـضيغمي لـلشمس حـث iiالمطايا
لاانـته بـجنبي طيب اوعز او شان "
" ولاانـته بـقدامي ولا انـت iiبورايا
الله بـلاني بـك ولانـي بـبلشان ii"
" لاشــك ودي يـنـطحوني iiقـوايا
يسرني أن اهدي أليكم هذه القصيدة للشاعر/ محمدالعوني
بــ الأمير / عبدالعزيز المتعب وهي من القصائد النادرة
وحتى لاتنسى وحفاضاً على مثل هذه القصائد اضعها
بين يديكم وعسى ان اكون قد وفقت في تسجيل مايفوز برضاكم :
راكبٍ فوق حمراً بنت قطعيّه
كنها الطاير اللي عقب ماجاعِ
كنها الطاير الهايف من الطيّه
لاتصايف عشاه وجاه مرياعِ
من بنات الجمل وامه شراريّه
بالرسن طوع وهي بالراس مطواعِ
سر وتلفي لاهل حايل عموميّه
لابتي بي نهار الكون قطّاعِ
يوم نار الوغى باليل مبنيّه
والمشبّب لغال العمر بيّاعِ
ويل من داسته شمّر برجليّه
واستدارت عليه بقاسي القاعِ
عادةٍ شمرٍ تجهر مساطيّه
ماتدور الطمع نهار الاطماعِ
صاح عبدالعزيز بتالي الهيّه
مثل حرٍ شهر للصيد فدّاع
يوم ركب الجواد وصاح واويّه
اودع القوم طليانٍ بلا راعي
-------------------------------
حايل : صهيل وخيل . . وحكاية أمجـاد
حايل : يا مال السيل . . يا جبال حايل
من يفهـم التاريـخ . . مـن للأصـل عـاد
هـم نسـل حاتـم . . طيبـيـن الفعـايـل
واللي سكن حايل على الدرب ما حاد
كـــلٍ عــطــاه الله صــفــات وخـصـايــل
أحـبـهـا ؟! وإلا هـــو الـعـشـق يــــزداد
لـلـدار والـديــرة . . ورســـوم وعـوايــل
يا بعد حيّي . . عزوتـي . . دار الأجـداد
مـيّـل عـقـالـك . . يـابـعـد كـــل مـايــل
في مهرجان الصيف . . للضيـف ميعـاد
بـرامـجٍ فــي جـــو مـمـتـع . . وهـايــل
بأمن وأمان . . ومن بغـى الشـر ينقـاد
للشـرع . . حيـث الشـر مامنـه طـايـل
مـــن روّع الآمـــن ؟ مـــن يـتــم أولاد؟
مــن لـطـخ الأمــه بـشـتـى الـوسـايـل
من شوّه الإسلام ؟ من طـاوع أوغـاد؟
مــن صـنّـف الأشـيـاء جمـيـعـاً رذايـــل
لا مـن أمرنـا شيخـنـا : سـيـوف وزنــاد
ضــد الـــذي ضـاقــت عـلـيـه الـبـدايـل
حـنـا : جـنـود الله عـلـى الأرض أوتـــاد
نـثـبـت . . وعـــدو الله لا شـــك زايـــل
الأرض عِــرض . . مـاهـي بـــلاد بـبــلاد
عشـنـا بـهـا . . يــوم الفـقـر والرحـايـل
وقـت الرخـا . . جـونـا طوابـيـر حـسـاد
بـعـيـونـهـم نـنــثــر رمـــــاد الـمــلايــل
الشاعر / عثمان المجراد
---------------------------------------
طنايا نكرم العاني ونعطي000 وعطايانا الجلايل ليـا عطينـا
طنايا وان نصرنا كل ظايم000 يشوف العز من ساعة يجينـا
طنايا يوم رماح القوم تخطي000تصيب رماحنا من به رمينـا
طنايا فعلنا فعلن يترخ 000 ويبقـى مـا علـى البيـدا بقينـا
طنيا نروي الضامي من الدم 000 على راس المعادي له حنينا
طنايا مارضينا بالمهنونه 000 ولا نرضنـا المهونـه ماحينـا
طنايا الذل ماننزل جوارا000وعلى انفسنا المذله مـا رضينـا
طنايا وانطحنا كل غازي000يتراعد خوف مـن يقبـل علينـا
طنايا نارد حيـاض المنايـا000 اسـود بالحـروب مجربينـا
طنايـا عندنـا تحـل القضايا000حـرار بالعلالـي معتلينـا
طنيا هم سلاطسن الجزيره000وهم الحكام في ماضي السنينـا
طنايا من الزمن قرن احكموها000اضف عشرين معهن حاكمينا
طنايا وان نخانا كل مبلي000يشوف العز مـن ساعـة يجينـا
طنايا للمعالـي فـوق نرقا000سنـام المرجلـه فوقـه رقينـا
طنايا لقولنـا تشهـد فعايل000هـل الفعـل الاكيـد موكدينـا
وجميع ال الرشيد ابطال شمر000لهم فعـل و تاريـخ مبينـا
اسود مايهابـون المعادي000اسـود عيـال اسـود محنكينـا
اسود واسياد سادو بالجزيره000وهم الاسياد رغـم المنكرينـا
اسود واسياد سود كل سيـد000000000000000000000
منصور الرمالي 0
رحمه الله
----------------------------------------------------